Lukə 1:45 - Yálá laawoo hɛɓɛ (dc)

⁴⁵ Mari, nwun na nɛ̨ɛ̨mun mąą a yɛ́, mąąhɔlɔɓo, mɛ̨nį ŋɛ̨i Ną́mu Yálá ə mo malaka ɓa yɛ pa moi yɛ́, yáá laa na yɛ́ diɛ: nąą kaa pai hvɛɛi.»

Yálá laawoo hɛɓɛ

⁴⁵ Mari, nwun na nɛ̨ɛ̨mun mąą a yɛ́, mąąhɔlɔɓo, mɛ̨nį ŋɛ̨i Ną́mu Yálá ə mo malaka ɓa yɛ pa moi yɛ́, yáá laa na yɛ́ diɛ: nąą kaa pai hvɛɛi.»

Bible

⁴⁵ Lûwa káa nɛnîi ma ǹáâi la a gɛɛ Kúnuu-namui ŋ̀óoi e mò mai, ŋa-see a pɔ̂ri kɛ̂i.”

Lukə 1:45 Referans Kwoze

Ɉaan 20:29

Jesus yɛ mą: «Gáái ə́ mo, ya ɓə gɛ yɛ́ laa ná; kɛlaa, nuąi di hvo gáá li, diɛ laa ná, di nwun na nɛ̨ɛ̨i.»

Ɉaan 11:40

Jesus yɛ mą: «Martə, kɛlɛi ŋį́ kɛ yɛ a kɛ ya laa ná ya Yálá nwɔ mąąwiɛ ka?»

Lukə 1:20

Kɛlaa, nwooɠaa ŋɛ̨i ŋą mo, yii hvo laa li nąąi; pələi mąn nąą kaa pai hvɛɛi la a nąąlɔwai, yili mąą mɛ̨nį ɓa, ə́ kaa pai kɛi a muugbɛ, hvo pai hvaai ə lɛɛ la ɉu, mɛ̨nįɠaai tii ŋą mo nąą ə hvɛɛ.»

Kɔlɔnikɔ Veerɛi 20:20

Yələ wala pɔ, nuą di humo kpɔ, di di muhəɠə, diɛ li Tekoa nɔi pun ɉu pələ. Nuą lii lɔwai, Ɉosafatə ə haŋą ə tɔɔ, yɛ diɛ: «'Ka ká wəli tɔɔ Ɉuda nuą da Ɉerusalɛmə heeɓo nuą! 'Ka ká kilitɔɔ Yai-Laa ka wɔɔ Yálái ɓa, di yee hva lɔ kaa! 'Ka ká kilitɔɔ gwəi mɛ̨nį hukulɔ nuą woo ɓa, ka yee kaa lii lɔi!»

Lukə 1:44

Mari, ə́ kaa gaai, ɓɛlɔwai ŋą ə́ wɔ woo pili mąą woo mɛ̨n na, nón ə tumo gwə́i a kwəinɛ̨ɛ̨.

Lukə 1:48

Mąąhɔlɔɓo, aa ɲɛ̨i lɛlɛɛ hee ɲą́ą́ ŋɛ̨i a nwɔ luwɔ nɛ̨ąąi mą́ą́ A tɛ̨ą, ə həɠə yiihu ɓa, ə lɛɛ la ɉu hąą, lɔi mɛ̨i nuą kəlee kaa pai kɛi mą́ą́: nwun na nɛ̨ɛ̨ nɛ̨ɛ̨nu

Tɔɔɓɛlaa dɔlɔɔ 17:16

Ə həɠə ɲələi tii ɓa, nɛɠɛ hunwɔ hvo kpɛɛ nəɠi hu, nwulɔ mąą hvo yɛɛ múluun ɉu, yɛ bələi Yai-Laa ə mo la Eli ɓa, yili yɛ ɉukulɔ.

Tɔɔɓɛlaa veelɛ 4:5

Nɛ̨ɛ̨nui tii ə li kɛa bɔɔli, ə lɔ ɲəi bɛlɛ́n, ə naa kpulu da nonnii diɛ. Yiliɠaai diɛ ɉɛɲąŋąɠaa tɛɛ bɔ yɛ naahvɛɛ.