Lukə 1:20 - Yálá laawoo hɛɓɛ (dc)

²⁰ Kɛlaa, nwooɠaa ŋɛ̨i ŋą mo, yii hvo laa li nąąi; pələi mąn nąą kaa pai hvɛɛi la a nąąlɔwai, yili mąą mɛ̨nį ɓa, ə́ kaa pai kɛi a muugbɛ, hvo pai hvaai ə lɛɛ la ɉu, mɛ̨nįɠaai tii ŋą mo nąą ə hvɛɛ.»

Yálá laawoo hɛɓɛ

²⁰ Kɛlaa, nwooɠaa ŋɛ̨i ŋą mo, yii hvo laa li nąąi; pələi mąn nąą kaa pai hvɛɛi la a nąąlɔwai, yili mąą mɛ̨nį ɓa, ə́ kaa pai kɛi a muugbɛ, hvo pai hvaai ə lɛɛ la ɉu, mɛ̨nįɠaai tii ŋą mo nąą ə hvɛɛ.»

Bible

²⁰ Gáa, ya pâi kɛ̂i a ítenîŋɔɔ, ífa pɔ̂ri lônoi é lɛ́ɛ zu ŋ̀elei é seri nyii m̀ɛni-ŋai ŋí da pâi kɛ̂i lai. Kpɛ́ni fêi, ífe láa ní a ŋ̀óo-ŋai nyii-ŋai ŋa-see a pâi kɛ̂i a dímaa-tãi.”

Lukə 1:20 Referans Kwoze

Izikiɛ 3:26

Gáá pai ə́ nɛn ganąn ɉii ə́ la; ə́ kɛ a muugbɛ, 'hvó pai kɛa pai di hɔn moi diɛ; mąąhɔlɔɓo kulɔ nwoomu nuą li.

Izikiɛ 24:27

Mąą yələ, ə́ laa a hvaa, yɛ pɛli pələ ɓoi nui tii pui mą; ə́ kaa pai kɛi hvaai, hvo kɛa pai kɛi a muugbɛ. Yáá gbɛa kɛ mɛ̨nįɠaa lɛɛ kwɛaa la, yáá mo diɛ, di kaa pai gili kɔ́lɔn ɉii nąąlɔwai, diɛ kɛ ɲą́ą́ ɓə gáá a Yai-Laa.»

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.

Lukə 1:22

Ɓɛlɔwai ə kulɔ la, hvo pɛli mɛ̨nį ta ɓoi nuą diɛ. Nuą kili ə pu ɉu diɛ Zakari aa mɛ̨nį ta kaa ɉaláá kulɔ pɛlɛ mu. Hvo kɛi hvaa, ə kɛi lɔ gwəi mɛ̨nį ɓo nuą diɛ a ɲee.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Timote veelɛ 2:13

Gwa wala kulɔ gu woo ɓa, nwɛi, a kulɔ nwoo ɓa a yələ kəlee, mąąhɔlɔɓo, hva pɛli lənəi gbɔwɔ ɓa.»

Lukə 1:45

Mari, nwun na nɛ̨ɛ̨mun mąą a yɛ́, mąąhɔlɔɓo, mɛ̨nį ŋɛ̨i Ną́mu Yálá ə mo malaka ɓa yɛ pa moi yɛ́, yáá laa na yɛ́ diɛ: nąą kaa pai hvɛɛi.»

Markə 16:14

Ɲąą kpɛɛi, Jesus ə gbɔwɔ lɛ nwɔ kalan nɛa pow kɔ́w tɔ̨nɔ̨i ɓa ɓɛlɔwai di kɛi di kɔ̨nɔ̨n mį́i la. Ə haŋąą diɛ, mąąhɔlɔɓo, di di lii walawala di hvo laa di ɓɛlaa woo la, ɓɛlɔwai di kɛ la diɛ, Jesus aa nwun aa kulɔ haaɓɛlaa lɔwai.

Markə 9:19

Jesus ə mo nu kpului tii ɓa, yɛ diɛ: «Nu huwu ɲɔ̨nwɔ̨ɔ̨ɠaa ɓaa kaa, laa na laa hvo ka yei. Akɛti, hvo kɛli gwa lɛɛ gu kee ɓa hąą mįnɛ̨ lɔwai, ə gɛ, kaa pɛli mɛ̨nįɠaa ɲɛ̨i kɛi? Akɛti, hvo kɛli ŋą níí kpələ ka mu hąą mįnɛ̨ lɔwai? Ka pa a nokoloi tii bɔ́.»

Azaya 7:9

Ɛfraimə lɔi daa lee ɓaa Samari, ɛlɛɛ, Remaliahu lon nwɔ tɔɔlaa kɛi lɔ ɓaa Samari. Ka wala laa na, ka hvo pai lamui.»›»

Tɔɔɓɛlaa veelɛ 7:19

Yaan, tɔɔmun nwɔ ɓíítiŋɛ̨i ə mo Yálá nwɔ nui ɓa, yɛ mą: «Ə mą kɛ Yálá aa wolo ɓo yələkɔlɔn mą, nwoo ŋɛ̨i ə́ mo, hva pɛli kɛi», Elise yaan, ə nwoo pulu pənə, yɛ mą: «A tɛ̨ą, ə́ kaa pai gaai a ə́ ɲɛ̨ikɔw, kɛlaa, hvá da mįi.»

Tɔɔɓɛlaa veelɛ 7:2

Tɔɔmun nwɔ ɓíítiɛ̨i yɛ Yálá nwɔ nui ɓa: «Ə mą kɛ Yálá aa yələkɔlɔn nwolo ɓɔ mą, mɛ̨nįi ŋɛ̨i ə́ mo, bɔ mɛ̨nį hva pɛli kɛi!» Elise yɛ mą: «A tɛ̨ą, ə́ kaa pai gaai a ə́ ɲɛ̨ikɔw, kɛlaa, hvá da mįi.»

Lonon mo 20:12

Yai-Laa yɛ Moisə da Aarɔn diɛ: «Yii ka hvo laali ná, kaa pɛli nwɔ́ mąąwiɛ kulɔi pɔ̨nɔ̨ŋą Israɛlə lonnii ɲɛ̨i ɓa; yili mąą mɛ̨nį ɓa, ka hvo pai nu kpului ŋɛ̨i lɔi ɓɛi ŋɛ̨i ŋį́ naakwɛlanmo diɛ ɉu.»

Lɛɛ gbɔwɔ ɓa 4:11

Yai-Laa yɛ mą: «Gbɛɛ ɓə laaləi kɛ nu ɓa? A wala kɛ ti, gbɛɛ ɓə a nu kɛ a muugbɛ, a wala kɛ ti wəli tínímun? Gbɛɛ ɓə a nu ɲɛ̨ilon gɛ ɉu, awala kɛ tii ə gɛ, a ɲɛ̨ipumun? Kɛlɛi Ɲą́ą́ Yai-Laa, ɲą́ą́ ɓə!

Lomaŋ 3:3

Gwa pɛli kɛi lə? Akɛ nu taɠaa di hvo kulɔ li di woo ɓa da Yálá ni di lɔwai, Yálá nwɛi, a pɛli moɔ nwoo lɛɛi?

Danîa 10:15

Ɓɛlɔwai ə kɛi mɛ̨nįɠaai tii ɓo la mą́ą́, nwún vilɛn ŋąą kɛ nɔi ɓa, və́ kpɛli pɛli woo ta ɓoi.

Lukə 1:19

Yálá nwɔ malaka ə nwoo pulu pənə yɛ mą: «Ɲą́ą́ ɓə da kɛ mą́ą́ Gabriɛlə. Gáá Yálá yəi a nwɔ kɛla. Yaa ɓə dɔ́ɔ́, əgɛ, ŋį́ nwɛlɛɛ nɛɛ ŋɛ̨i ɓo yɛ́.

Lukə 1:21

Nąąlɔwai tii hu, nu kpului tii kɛ ɲɛnɛ̨ɛ̨ di kwəi piliɛ kɛ diɛ, di tɔɔ diɛ Zakari mąą kpɔn, mąąhɔlɔɓo, aa la mu kɛa kɛ ɉaláá kulɔ pɛlɛ mu.

Lukə 1:64

Ŋąąɓa, Zakari laa ə hvaa; ə Yálá hɛɠɛɛɓo kpɔ a nwoo kɛnɛ̨.