Lonon mo 9:17 - Yálá laawoo hɛɓɛ (dc)

¹⁷ Ɓɛlɔwai lɔpee dulɔ kpinįn tii a muhəɠə kɛ la ɉəɠə pɛlɛ́ mɛ̨i, Israɛlə lonnii da nɛɛ mą di di muhəɠə diɛ li. Ɓɛi nwɔ̨nɔ̨ a tɔɔ laa, nąą ɓə da diɛ taa pu laa.

Yálá laawoo hɛɓɛ

¹⁷ Ɓɛlɔwai lɔpee dulɔ kpinįn tii a muhəɠə kɛ la ɉəɠə pɛlɛ́ mɛ̨i, Israɛlə lonnii da nɛɛ mą di di muhəɠə diɛ li. Ɓɛi nwɔ̨nɔ̨ a tɔɔ laa, nąą ɓə da diɛ taa pu laa.

Bible

¹⁷ Tãi kélee nɔ́ ŋ̀ele-kɔlɔŋ kolei a kâa mu sìɣe la Zua kɔlɔ seɣe pɛrɛ maa waai mɛi, Eezuɛ-ŋai da kâa dísiai kûla. Ƃɛ́i kélee a kâa kpera naai, nàa ƃé da kâa díƃûui pù naa.

Lonon mo 9:17 Referans Kwoze

Ɉaan 10:9

Ɲą́ą́ ɓə gáá a bɛlɛ́ laaləi, nui a tɛɛ bɔ́ɔ́ li pələ, nwun mąą a ɓo. A lɔ, yɛ kulɔ, ə lɛɛ, yɛ kɔ̨nɔ̨n ɉɔlɔɓo.

Mąątɛ̨nɛ̨ 73:24

Yɛ́ li a ɲą́ą́ ɓɛi ə́ kɛ bɔ, yili pulu, ə́ kaa pai ɉə́i mąąwiɛ pulu.

Mąątɛ̨nɛ̨ 32:8

Gáá ə́ mąąkwɛlii, gɛ́ ə́ tɛɛ pələ lɛ yɛ́, gɛ́ ə́ liɛwoo ɓo, gɛ́ ɲɛ̨́i kɛ yɛ́.

Azaya 49:10

Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

Lɛɛ gbɔwɔ ɓa 17:1

Israɛlə lonnii kəlee di həɠə Sin nɔi pun ɉu, diɛ kɛa li a bɛlɛɛ-pɛlɛɛ, yɛ bələi Yai-Laa ə kɛi di tənən dɔɔ la. Di tɔɔ Refidimə, kɛlaa, yá hvo kɛ laa, yii nuą da gbələ.

Lonon mo 9:22

Dulɔ kpinįn a kɛ lɔ pɛlɛ ni gələ mɛ̨i, bələi lɔ a lamun na laa, bələ lɔ ɓə diɛ kpɛli da lamun na gɛɛnąąi tii, yɛi kɛ a hvóló hveelɛ, ɲąnin dɔ̨nɔ̨, a wala kɛ tii a lɔwai hu kwɛaa, Israɛlə lonnii da kɛ lɔ gɛɛnąąi tii, di hva həɠə laa. Ɲələi dulɔ kpinįn a muhəɠə la, ɲələ ɓə da li la.