Lonon mo 8:8 - Yálá laawoo hɛɓɛ (dc)

⁸ Di nįŋɛ̨ hilɛ həɠə, da ɉaláá hɛn mąąnɛ̨ɛ̨ di bɛlɛ mą, da lɛɠɛ hunwɔ̨ kiin ŋąą wulɔ hu, ə́ nįŋɛ̨ hilɛ takpɛli həɠə a nɛ̨ŋɛ̨n mąąhvaalɛɛ haláá hɛn.

Yálá laawoo hɛɓɛ

⁸ Di nįŋɛ̨ hilɛ həɠə, da ɉaláá hɛn mąąnɛ̨ɛ̨ di bɛlɛ mą, da lɛɠɛ hunwɔ̨ kiin ŋąą wulɔ hu, ə́ nįŋɛ̨ hilɛ takpɛli həɠə a nɛ̨ŋɛ̨n mąąhvaalɛɛ haláá hɛn.

Bible

⁸ Nàa pôlu ma dí niŋa naɣa kɛ́tɛɛ síɣe da kpólo-sala kula felaƃa wúlɔ púɔɔ mà. Niŋa naɣa sirɛi síɣe sɔnyɔ̂ŋ su-mɛni-lɛɛ sala mɛni ma.

Lonon mo 8:8 Referans Kwoze

Levetekɔ 2:1

«Nu ta a kɛ bɔ ə Yai-Laa kɔ́ a hɛn da, ɉɛn tii mąąnɛ̨ɛ̨ ə kɛ a lɛɠɛ hunwɔ̨, ə wulɔ pu mą, ə lansan kpɛŋɛn mɛ̨i.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Levetekɔ 16:3

«Ɉɛn mąąnɛ̨ɛ̨ ə kɛ Aarɔn yəi yɛ lɔ la gee kaa kələ mu ya ka: Nįŋɛ̨ hilɛ gbɔn dɔ̨nɔ̨, yii gaa a nɛ̨ŋɛ̨n mąąhvaalɛɛ haláá hɛn, ə ɓɛlaa hilɛ tɔ̨nɔ̨ kulɔ a haláái da gəlee kələn.

Levetekɔ 8:2

«Aarɔn həɠə da nonnii, ə́ ɉəɠəɠaa da nwulɔ mąąhəɠɛɛ həɠə, ə́ nɛ̨ŋɛ̨n ɉaláá nįŋɛ̨ hilɛ lon da mɛlaa hilɛ hveelɛi həɠə, ɛlɛɛ, ə́ gbɔlɔi tii nɛɠɛi hvo tɛ li gaa ɉu, ə́ ɉəɠə.

Levetekɔ 4:14

ɓɛlɔwai di kili a pu la nɛ̨ŋɛ̨n tii hu, mąąnɛ̨ɛ̨ kpɔlɔ, di pa a nįŋɛ̨ hilɛ gbɔn, nɛ̨ŋɛ̨n tii mąąhvaalɛɛ mɛ̨nį ɓa, da li la gee kaa kələ laaləi.

Levetekɔ 4:3

«Akɛ ɉaláá laa həli mun di ɉee diɛ nwulɔ mąąhəɠɛɛ lɔ mą ya ɓə nɛ̨ŋɛ̨n ɉəɠə, ə nɔi nuą kəlee kɛ la tii a nɛ̨ŋɛ̨n ɉəɠə nuą. Mąąnɛ̨ɛ̨ ə pa a nįŋɛ̨ hilɛ lon kpɛɠii hvo mą Yai-Laa pɔ, a nɛ̨ŋɛ̨n tii ə ɉəɠə mąąhvaalɛɛ haláá.

Levetekɔ 1:3

«Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Lɛɛ gbɔwɔ ɓa 29:3

Yá di pu kpɔlɔ ta hu, ɉɛnŋąąi tii da nįŋɛ̨ hilɛ, ə mą kɛ mɛlaa hilɛ hveelɛi tii, ə́ gəlee kulɔ a haláá.

Lɛɛ gbɔwɔ ɓa 29:1

«Bələi ə́ kaa pai gɛi la yɛ́ Aarɔn da nonnii di hee a nwɔ́ haláá laa həli nuą ə gɛ di lɛɛ lɔ kɛa nwɔ́ kólói hu, bələ ka: Nįŋɛ̨ hilɛ tɔ̨nɔ̨ həɠə da ɓɛlaa hilɛ hveelɛ, yii kpɛɠii hva kɛ diɛ.