Lonon mo 8:12 - Yálá laawoo hɛɓɛ (dc)

¹² Levi lonnii da di yee pɛlɛ nįŋɛ̨ hilɛɠaa nwuɔ̨, ə́ nįŋɛ̨ hilɛɠaa laa həli Yai-laa ɓa, dɔ̨nɔ̨ ə kɛ a nɛ̨ŋɛ̨n mąąhvaalɛɛ haláá, dɔ̨nɔ̨ a kɛ a haláá hɛn da gəlee kələn. Yɛ nɛ̨ŋɛ̨n mąąhvaalɛɛ kóló kɛ la tii Levi lonnii mɛ̨i.

Yálá laawoo hɛɓɛ

¹² Levi lonnii da di yee pɛlɛ nįŋɛ̨ hilɛɠaa nwuɔ̨, ə́ nįŋɛ̨ hilɛɠaa laa həli Yai-laa ɓa, dɔ̨nɔ̨ ə kɛ a nɛ̨ŋɛ̨n mąąhvaalɛɛ haláá, dɔ̨nɔ̨ a kɛ a haláá hɛn da gəlee kələn. Yɛ nɛ̨ŋɛ̨n mąąhvaalɛɛ kóló kɛ la tii Levi lonnii mɛ̨i.

Bible

¹² Livai-ŋai dí díyee láa niŋa-sirɛ-ŋai ŋûa, í dɔnɔ kula a sɔnyɔ̂ŋ su-mɛni-lɛɛ sala í gbéli kúla a kéreŋ-sala Livai-ŋai dísɔnyɔ̂ŋ-ŋai su-mɛni-lɛɛ mɛni ma.

Lonon mo 8:12 Referans Kwoze

Lɛɛ gbɔwɔ ɓa 29:10

«Ə́ pa a nįŋɛ̨ hilɛi ti gee kaa pɛlɛ laaləi, Aarɔn da nonnii di di yee pɛlɛ nwuɔ̨.

Hebreu 9:22

ɛlɛɛ, yɛ bələi dɔn ə mo la, ɲąmą ɓə da ɉɛn gəlee mąąhəɠə la, ɛlɛɛ akɛ ɲąmą a wala pu, nɛ̨ŋɛ̨n mąąhvaa hva lɛɛ.

Levetekɔ 8:14

Ə mo di pa a nɛ̨ŋɛ̨n mąą hvaalɛɛ haláá kulɔ nįŋɛ̨ gbɔn, Aarɔn da nonnii di di yee laa nįŋɛ̨ gbɔn tii mɛ̨i.

Levetekɔ 1:4

Yai-Laa a ɲee hee mu, ə ɲee pɛlɛ daatɛlɛɛ nwuɔ̨, ə ɉɛatɔɔ mą, nwɔ nɛ̨ŋɛ̨n mąąhvaalɛɛ mɛ̨nį ɓa.

Lonon mo 8:8

Di nįŋɛ̨ hilɛ həɠə, da ɉaláá hɛn mąąnɛ̨ɛ̨ di bɛlɛ mą, da lɛɠɛ hunwɔ̨ kiin ŋąą wulɔ hu, ə́ nįŋɛ̨ hilɛ takpɛli həɠə a nɛ̨ŋɛ̨n mąąhvaalɛɛ haláá hɛn.

Lonon mo 6:16

Ɉaláá laa həli mun a li a ɉɛnŋąą tii kəlee Yai-Laa lííla, ə nɛ̨ŋɛ̨n mąąhvaalɛɛ haláá da liilaa haláá kulɔ.

Lonon mo 6:14

A pa a kwɛlan dɔ̨nɔ̨ ɓɛlaa hilɛ lon kpɛɠii hva kɛ mą, a Yai-Laa kɔ́ hɛn a nɛ̨ŋɛ̨n mąąhvaalɛɛ haláá hɛn, ə bɛlɛ ɓɛlaa hilɛ tɔ̨nɔ̨ ɓa yii kpɛɠii hvo mą, a liilaa haláá.

Levetekɔ 16:21

Aarɔn a molu hilɛi tii lɛɛ a vulú, ə ɲee hveelɛi pɛlɛ nwuɔ̨, ə Israɛlə lonnii hɔnŋąą kəlee ɓo, da di wɔ woo tee ŋą mɛ̨nįɠaa kəlee da di wɔ kwɛli tee laa kəlee, yili ɓaa di wɔ nɛ̨ŋɛ̨n gəlee; ə gəlee pu molu hilɛi tii nwuɔ̨, yili pulu, ə nu ta kulɔ, yili ə molui tii hon, ə li la nɔi pun ɉu.

Levetekɔ 16:11

«Aarɔn ə nįŋɛ̨ gbɔn ɉəɠə, ə naa həli Yai-Laa ɓa, da ɲəi bɛlɛ́n nuą di wɔ nɛ̨ŋɛ̨n mąąhvaalɛɛ mɛ̨nį ɓa, ə nįŋɛ̨ nwun dee.

Levetekɔ 16:6

«Aarɔn a nįŋɛ̨ gbɔn tii laa həli Yálá ɓa, yaa da ɲəi bɛlɛ́n nuą di wɔ nɛ̨ŋɛ̨n mąąhvaalɛɛ mɛ̨nį ɓa.

Levetekɔ 14:22

Tonwələn veelɛ a wala kɛ tii ɓopo hveelɛ, yii ɲee a pɛli mą. Dɔ̨nɔ̨ a kɛ a nɛ̨ŋɛ̨n ɉaláá dɔ̨nɔ̨ ə ɓo a haláái da gələn.

Levetekɔ 9:7

Ya ɓə Moisə a kɛ Aarɔn ɓa: «Ə́ mąą lɛɠɛ ɉaláá kulɔi ɓa, nɛ̨ŋɛ̨n ə́ ɉəɠə ə́ mąąhvaalɛɛ haláá kulɔ, da haláá hɛn da gəlee kələn, ə́ kpɔwɔ mąą mɛ̨nį ɓa, ká ə́ wɔ pɛ́lɛ́i. Yili pulu, ə́ nuą di wɔ Yálá kɔ́ hɛn laa həli, yɛ nu mąą hvaalɛɛ haláá kóló kɛ di mąą mɛ̨nį ɓa, yɛ bələi Yai-Laa ə mo la.»

Levetekɔ 8:34

Bələ ɓə Yai-Laa ə mo la, yɛ di gɛ tii ka mɛ̨i.

Levetekɔ 8:18

Ə pa a ɉaláá ɓɛlaa hilɛ yii da gəlee kələn, Aarɔn da nonnii di di yee pɛlɛ nwuɔ̨,

Levetekɔ 5:7

«Hɛn a wala kɛ nu yəi yɛ pɛli taatɛlɛɛ hɔlɔɓoi, mąą nu a nɛ̨ŋɛ̨n ɉəɠə, a pɛli mą ə pa Yai-Laa pɔ a lɔwɔ tonwələn veelɛ, bɔɔŋą pɛli mɛ̨nį ɓa. Awala kɛ tii, kwii tonwələn veelɛ, da dɔ̨nɔ̨ kɛ a mąąhvaalɛɛ haláá hɛn, di dɔ̨nɔ̨ kɛ a haláá hɛn yii da gəlee kələn Yai-Laa ɓa.

Levetekɔ 4:35

Ə nwulɔ kɛɛnąą kəlee kulɔ mą, yɛ bələi da gulɔ la liilaa haláá ɓɛlaa ɓa. Ɉaláá laa həli mun ə di kələn ɉaláá kulɔ kəhi mɛ̨i, ɓɛlɛɛ ɉaláá kɔ̨nɔ̨nŋąą diɛ yiiɠaai a Yai-Laa nwɛiɠaai. Ɉaláá laa həli mun a gólói tii kɛ nui a ɉon gɛ mąą mɛ̨nį ɓa, nɛ̨ŋɛ̨n mąą nu ə ɉəɠə mąąhvaa a lɛɛ.

Levetekɔ 4:20

Bələi a gɛ la a nɛ̨ŋɛ̨n mąą hvaalɛɛ haláá nįŋɛ̨, bələ lɔ ɓə a gɛ la a niŋɛ̨i tii. Bələ lɔ ɓə a gɛ la a gbɔwɔ nwɛi. Yili ɓa, ɉaláá laa həli mun a gɛ lɔ tii a di wɛi, a kɛ tii, di mąąhvaa a lɛɛ.

Levetekɔ 4:4

A pa a nįŋɛ̨ lon tii gee kaa kələ laaləi Yai-Laa lííla, ə ɲee pɛlɛ nwuɔ̨, ə nwun dee Yai-Laa lííla gee kaa kələ laaləi.

Levetekɔ 4:15

Galanɉonŋąą kəlee da di yee pɛlɛ nįŋɛ̨n gbon nwuɔ̨, Yai-Laa lííla, di nwun dee Yai-Laa lííla.

Lonon mo 8:13

Yá Levi lonnii tɔɔ Aarɔn lonnii lííla, ə́ di laa həli yɛ haláá hɛn da gəlee kələn.

Levetekɔ 8:15

Moisə ə nwun dee, ə ɲąmą həɠə, ə da lɔ ɉaláá kulɔi ɓa a ɲeekpiɛ,