Lonon mo 6:3 - Yálá laawoo hɛɓɛ (dc)

³ mąą nu hva lɔɔ kpələ da kpələ hɛn lɔpee a nu nwun ɉu tinɛ̨n. Hva lɔɔ kponą lɔpee ta kpələ, hva viɲə ya kpələ, hva nwunu mįi ə mą kɛ gbala.

Yálá laawoo hɛɓɛ

³ mąą nu hva lɔɔ kpələ da kpələ hɛn lɔpee a nu nwun ɉu tinɛ̨n. Hva lɔɔ kponą lɔpee ta kpələ, hva viɲə ya kpələ, hva nwunu mįi ə mą kɛ gbala.

Bible

³ fɛ̂ɛ é tée ŋwãai kpeleɛɛ ma da kpele-sɛŋ kpanaŋ kélee. Vé kpele-sɛŋ sii kélee kpèle nyii gbɛtɛɛ̂i a ŋwãai kpona kpaa máŋ kpɔmɔ-ƃa ya. Vé máŋ kpɔmɔ-ƃa ŋunu mìi kpaa máŋ gbála nyii da gbɛtɛ a ŋwãai.

Lonon mo 6:3 Referans Kwoze

Lukə 1:15

Mąąhɔlɔɓo, gaa pai kɛi a nu kɛnɛ̨ Yálá ɲɛ̨i ɓa. Dɛa ɓa pai kɛi a lɔɔ da kpələ hɛnŋąa lɔpee nwəleen gaa ɉu. Yɛ nu nwun ɉu tinɛ̨n, mąąhɔlɔɓo, Kili-Mąąhəɠɛɛ kaa pai kɛi ɲəi ə həɠə gaa yələ ɓa ə lɛɛ la ɉu ɉaa yələ.

Timote dɔlɔɔ 5:23

'Hvó kąnąn nɔ yákpɛli-kpɛli kpəlɛɛ ɓa, 'kɛ́ lɔɔ tawolo kpələi ə́ koloon ɉu ɲɔ̨n ti mąą mɛ̨nį ɓa, da hvįikpɛɛ laai a həli yɛ́ kɛlɛ-kɛlɛ.

Ifisiɛŋ 5:18

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Amɔsə 2:12

Yai-Laa yɛ nwɔ̨nɔ̨ diɛ: Kɛlɛɛ yaamun, nuąi tii kɛ mąą hvo nɛ̨ɛ̨li di hvo lɔɔ kpələ, ka lɔɔ tɔɔ di la. Ɛlɛɛ, kaa kɛ nwɔ́ loloɓo nuąi tii diɛ: «Ka hvo kɛa Yálá mąą mɛ̨nį noloɓo.»

Nwun mąąɓo 13:14

Hvo viɲə má ta mįi, hvo lɔɔ kpələ, da kpələ hɛn lɔpee a nu nwun ɉutínɛ̨n; kɔ̨nɔ̨n ɲiiɠaai Yálá ə tɔ́n dɔɔ mą, hvo da mįi. Mɛ̨nįɠaai ŋą́ mo mą, ə gili lɛɛ gəlee hu, ə ɉon.»

Levetekɔ 10:9

«Yɛ́ ka ə́ lonnii, ɓɛlɔwai ka kɛi li la gee kaa kələ mu, ka hvo lɔɔ kpələ, da kpələ hɛn a nu hon, ə gɛ ka hvo pa haa, ka mąą tɔ́n ni, a yələ kəlee ka ka huwuhu nuą, yili hva ɉəɠə mą.

Tɛsalonikə dɔlɔɔ 5:22

'ká ká mąą kwɛa mɛ̨nį ɲɔ̨n ɉuwui lɔpee gəlee ɓa.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Hebreu 9:10

Kɛlaa, yiliɠaai kɔwɔ hvilɛnŋąąi lɔ kɛ, laa mįi mə̨nį, da kpələ hɛn mɛ̨nį, da nu mąą waa pələɠaa diɛ, dɔ́nŋaa tii di kɛ lɔ a ɲɛ̨i kɛ mąą, ə lɛɛ ɉu, ɲələ leelee yɛ həli mą.

Lonon mo 6:4

Ɓɛlɔwai gaa ni la a naakwɛlanmoɔ Yálá ɓa, hɛn kpɔ da bɛli lɔɔ ə ɓo ɉu, a wala kɛ tii viɲə ɓá ə ɓo ɉu, yɛ ə kɛ a gɔw awala kɛ tii gɔlɔ, hva da mįi.

Nwun mąąɓo 13:4

Ə həɠə yiihu ɓa, hvo lɔɔ kpələ, ə mą kɛ kpələ hɛn ɉuwui lɔpee a nu nwun ɉu tínɛ̨n. Kɔ̨nɔ̨n yii Yala ə tɔ́n dɔɔ mą hvo da mįi.

Amɔsə 2:11

Ɉu kwɛa, ŋį́ nwɔ́ loloɓo nuą həɠə ka lon ɉinąą lɔwai. Ŋą́ ɉu hvɛli ka wɔ laŋąąi diɛ, ə gɛ, di di kpɔɔ kwɛlɛɛ mą́ą́, mįnɛ̨ həɠɛɛ pɔ. Israɛlə nu huwu, ɲą́ą́ Yai-Laa nwóó li, kɛlɛi pələ ɓə ə kɛ la ee?