Lonon mo 6:23 - Yálá laawoo hɛɓɛ (dc)

²³ «'Mo Aarɔn da nonnii diɛ, yɛ́ diɛ: «Bələi da lúwɔ́ too la Israɛlə lonnii diɛ, bələ ka:

Yálá laawoo hɛɓɛ

²³ «'Mo Aarɔn da nonnii diɛ, yɛ́ diɛ: «Bələi da lúwɔ́ too la Israɛlə lonnii diɛ, bələ ka:

Bible

²³ mó Eelɔŋ ma da ǹônii dîa a gɛɛ fɛ̂ɛ dí lûwa láa Eezuɛ-ŋai dîa a ŋ̀óo-ŋai ŋí:

Lonon mo 6:23 Referans Kwoze

Kɔlɔnikɔ Maa-ŋuŋ 23:13

Amramə lonnii ɓaa: Aarɔn da Moisə. Di Aarɔn həɠə ɉu a dee, yɛ kólo kɛ gɛɛnąą mąąhəɠɛɛ ɓa a yələ kəlee, yaa da nonnii, diɛ haláá hɛn gun nɛ̨ɛ̨ laa həli Yai-Laa ɓa; diɛ tí mą, ə lɛɛ, diɛ luwɔ too naa hu a yələ kəlee.

Dutɛrɔnome 21:5

Nąąlɔwai, Levi lonnii ŋɛ̨i a ɉaláá kulɔ nuą, da pa. Levi lonnii tii ɓə Yai-Laa ka wɔ Yálái ə di həɠə ka lɔwai, diɛ haláá kulɔ kólóɠaa kɛ, diɛ lúwɔ́ too Yai-Laa laa hu. Di woo ɓə a hvaa kpɛɛ, da nu mąą nwąną mɛ̨nį.

Hebreu 7:1

Mɛlkisedɛkə ti ɓə kɛ a, Salɛmə tɔɔmun, a Hɛn Gəlee Mɛ̨imun Yálá ŋą haláá laa həli mun gɛnɛ̨mun, yaa tii ɓə li Abrahamə laakwiɛn ɉii, ɓɛlɔwai yili ə həɠə la gɔ mɛ̨i, yai ə bɛlɛ dɔɔɓɛlaa diɛ; ə lúwɔ́ kɛ laa Abrahamə ɓa.

Zɛnɛse 48:20

Mąą yələi tii, Ɉakɔbə ə lúwɔ́ too diɛ, yɛ diɛ: «Israɛlə nu huwu kaa pai kɛi lúwɔ́ tooi diɛ gɔɔn yɛ́, diɛ kɛ mą: ‹Gɛ́, Yálá ə lúwɔ́ too yɛ́, yɛ bələi ə gɛ la a Ɛfraimə da Manase!›» Bələ ɓə Ɉakɔbə ə Ɛfraimə tɔɔ la Manase tɔwɔ.

Zɔ̂ŋ Veerɛi 1:3

Ną́n Yálá da Non Jesus Kristə di nɛ̨ɛ̨laa, ɲɛ̨imąąwɛli kaa da liilaa tɛɛ ka gu pɔ, tɛ̨ą da wɛlikɛmąąlaa hu.

Zɛnɛse 47:7

Ɉosɛfə ə nąn di li tɔɔmun bɔ ə nąn nɛ mą. Ɉakɔbə ə lúwɔ́ too tɔɔmun ma.

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!

Hebreu 7:7

Yaan, hɛa hvo ɉu, nu kɛnɛ̨ ɓə a lúwɔ́ kɛ lokolo ɓa.

Korɛntə dɔlɔɔ 1:3

Kuɔ gu Ną́n Yálá da gu Ną́mu Jesus Kristə di mɛ̨inɛ̨ɛ̨ da liilaa tɛɛ ka pɔ.

Lomaŋ 1:7

Kaai ka káá a Yálá wɛlikɛmąą nuąi Romə, a mąąhəɠə nuą Yálá nwɔ təliɓo háálai, káá ɓə gáá ɉɛɓɛ́i ŋɛ̨i tɛɛi kaa, ə gɛ, ka kɛ a nwɔ nuą. Gɛ́ nwun nanɛ̨ɛ̨ da liilaa di kɛ ka pɔ gu Ną́n Yálá da gu Ną́mu Jesus Kristə laa hu.

Zasua 8:33

Israɛlə huwu hu nuą di wɔ nu pɔlɔ pɔlɔɠaa, da di ɲąąwooɓo nuą, di kɛ tɔɔni mįnɛ̨ kəhi gwɛlɛ nąą kəlee, di ɓo Levi lonnii lííla, diɛi kɛ a Yai-Laa nwɔ mįnɛ̨ kəhi həɠə nuą. Nwɛ̨ąą da goló kɛ nuą di kɛ tɔɔni bələ tɔ̨nɔ̨, Garizimə yee ɓa, bələ tɔ̨nɔ̨ ə ɓo Ebalə yee ɓa; yɛ bələi Yai-Laa nwɔ tímun Moisə ə mo la diɛ, ə gɛ, di lúwɔ́ too tɔlɔɔ Israɛlə nuą diɛ.

Dutɛrɔnome 10:8

Nąąlɔwai ɓə Yai-Laa ə Levi nwɔ pɛlɛ́i həɠə la ɉu, Yai-Laa nwɔ mįnɛ̨ pɛlɛ́ lon kpəŋə mɛ̨nį ɓa; diɛ tɔɔ Yai-Laa lííla, diɛ ɉaláá kulɔ, diɛ lúwɔ́ too naa hu, yɛ bələi lɔ di kaa gɛi la yiihu.

Zɛnɛse 47:10

Ɉakɔbə ə pənə nwɔ̨nɔ̨ ə lúwɔ́ too tɔɔmun ma, ə yələwala kɛ mą.

Dutɛrɔnome 33:1

Lúwɔ́ yii Yálá nwɔ nu Moisə ə doo Israɛlə lonnii diɛ hvo tɛɠa kɛ pai haai, ya ka:

Lɛɛ gbɔwɔ ɓa 39:43

Moisə ə gólóɠaa tii kaa, di gɛ kpɔlɔ yɛ bələi Yai-Laa ə Moisə tí la. Moisə ə nɛɛ mą ə lúwɔ́ too diɛ.

Lonon mo 6:22

Yai-Laa yɛ Moisə ɓa:

Tɔɔɓɛlaa dɔlɔɔ 8:55

ə ɓo tɔɔni, ə lúwɔ́ too Israɛlə nuą diɛ a nwoo kɛnɛ̨, yɛ mą:

Kɔlɔnikɔ Veerɛi 30:27

Yili pulu, ɉaláá laa həli nuą da Levi lonnii di di muhəɠə, di lúwɔ́ too nɔi lonnii diɛ, di woo mąn, di wɔɔ hvɛliɓo ə həli yələ kɔ́lɔn mą, Yálá nwɔ mąąhəɠə laa hee pɛlɛ́.