Lonon mo 6:2 - Yálá laawoo hɛɓɛ (dc)

² «'Mo Israɛlə lonnii diɛ, yɛ́ diɛ: «Hulɔnu ta, a wala kɛ tii, nɛ̨ɛ̨nu, a nwoo kwɛlɛ yɛ kɛ diɛ gaa gbɔwɔ tɛɛi Yai-Laa nwɔ kólói pɔ, a nwoo kwɛlɛ, yɛ gbɔwɔ tɛɛ Yai-Laa pɔ,

Yálá laawoo hɛɓɛ

² «'Mo Israɛlə lonnii diɛ, yɛ́ diɛ: «Hulɔnu ta, a wala kɛ tii, nɛ̨ɛ̨nu, a nwoo kwɛlɛ yɛ kɛ diɛ gaa gbɔwɔ tɛɛi Yai-Laa nwɔ kólói pɔ, a nwoo kwɛlɛ, yɛ gbɔwɔ tɛɛ Yai-Laa pɔ,

Bible

² “M̀ó Eezuɛ-ŋai dîa yɛɛi, à kɛ̀ surɔ̂ŋ kpaa nɛnî à góno tèe a gɛɛ é kɛ́ a Nazirɛ-nuu, a gɛɛ é gbîŋ tɛɛ ḿbɔ,

Lonon mo 6:2 Referans Kwoze

Nwun mąąɓo 13:5

Mąąhɔlɔɓo, ə́ kaa pai koo həɠəi, ə́ lon ɉulɔnu kaa, di hvo kpəŋą hiɛ nwuɔ̨, mąąhɔlɔɓo, nokoloi tii kaa pai kɛi a nui naakwɛlanmoɔ Yala ɓa, ɛlɛɛ. Ya ɓə pai Israɛlə nuą kulɔi Filisti nuą yee mu.»

Lomaŋ 1:1

Ɲą́ą́ Polə, gáá a Jesus Kristə ŋą tímun, yai Yálá ə dəli ə gɛ a nwɛlɛɛ lɛlɛɛ mąą kɛla.

Hebreu 7:27

Nwɛi hvo yɛ ɉaláá laa həli nuą kpɛa-kpɛaa tɔlɔɔ tii kɛ, a diɛi, yələ ɓɔ pələ kəlee, hvo kɛli di di kpɔwɔ mąą haláá kulɔ, di hvo tɛɠa kɛ pai nɔi nuą mąą haláá kulɔi. Nwɛi ə gbɔwɔ kulɔ lɔ a haláá tanɔ̨n gbən, gu mąą mɛ̨nį ɓa.

Galatə 1:15

Kɛlaa, nui ɉə́ɠə ɉu, néé kwəi, ə ɉéé a déé, yai də́li ŋą nɛ̨ɛ̨laa pɔ pələ, ə naa gwəi,

Korɛntə veelɛ 6:16

Bɛlɛ gee ɓa lə kɛɛ ɓə a pɛli kɛi Yálá hee pɛlɛ́ da haliɠaa di lɔwai? Gbala ə tɔɔ, guɔ ɓə gu kaa a Yálá hvulúmąą hee pɛlɛ́; yɛ pələi Yálá ə mo la, yɛ kɛ diɛ: «Gáá pai heei di lɔwai, gɛ́ hiɛ laa, Ŋį́ ɓo a di wɔ Yálá, diɛn, di ɓo a nwɔ́ nu huwu.»

Lukə 1:15

Mąąhɔlɔɓo, gaa pai kɛi a nu kɛnɛ̨ Yálá ɲɛ̨i ɓa. Dɛa ɓa pai kɛi a lɔɔ da kpələ hɛnŋąa lɔpee nwəleen gaa ɉu. Yɛ nu nwun ɉu tinɛ̨n, mąąhɔlɔɓo, Kili-Mąąhəɠɛɛ kaa pai kɛi ɲəi ə həɠə gaa yələ ɓa ə lɛɛ la ɉu ɉaa yələ.

Hanwon 18:1

Nui gbɔwɔ nwɔ tɔ̨nɔ̨ wɛli kaa mą, a tɔɔ dɔ̨nɔ̨ konɉu. Da niɛwoo kɛ a nwąną mą.

Samuɛlə dɔlɔɔ 1:28

Ɲą́ą́n gáá pənəi ŋą́ dɛɛ Yai-Laa pɔ, ə lɛɛ Yai-Laa yəi a yələ kəlee mɛ̨nį.» Anə ə pɛlɛ niiɓa ə kwɛli hvilɛn Yai-Laa ɓa.

Nwun mąąɓo 16:17

Yili ɓə gɛ Samsɔn ə gbɔwɔ looi kulɔ, yɛ Dalila ɓa: «Ə gɔwɔ tɔɔ kpɔ néé kwəi, kpəŋą hvo ta tɛɛ li nwúɔ̨, gáá a nu laakwɛlanmoɔ Yálá ɓa. Akɛ da nwún galaan nwɔ́ huwalawala a kulɔ ɲəi víi ə kpɛɛ, vá pɛli kɔ́i.»

Levetekɔ 27:2

«'Mo Israɛlə lonnii diɛ, yɛ́ diɛ: «Nu ta a nwoo kwɛlɛ, yɛ nu kan naakwɛlanmo Yai-Laa ɓa; akɛ kɛa bɔ ə nwoo pɔ mɛ̨nį kɛ, nu kan ɉɔ̨nwɔ̨ kɔ́lɔn bələ ka:

Levetekɔ 20:26

«Ka kaa a Nwɔ́ɔ́ɠaa, 'ka ka mąąhəɠə, Mąąhɔlɔɓo, Mą́ą́həɠɛɛi, Ɲą́ą́ gáá a Yai-Laa; Ŋą́ ka həɠə ɉu hį́i lɔi kəlee lɔwai, əgɛ, ka kɛ a nwɔ́ɔ́.

Lɛɛ gbɔwɔ ɓa 33:16

nuą da pɛli gbaɠala kaai ləi diɛ kɛ ɲą́ą́ kwa ə́ wɔ́ nu huwui, kwaa ə́ lii hon? Kɛlaa, Yá kɛ ku lɔwai, kwa ə́ wɔ nu huwui ku hva kɛ yɛ bələi nu huwu takpɛliɠaa kaa la lɔi mɛ̨i, yili ɓə a nɛ yɛ kwaa ə́ lii hon.»

Gɛlaɠaa 18:18

Polə ə yíi kuu ta wolo kɛ nwɔ̨nɔ̨ Korɛntə daai, yili pulu, ə yələwala too galan nɛa diɛ, ə tɛ kələn da hu yɛ li Siri lɔi hu, yaa, Prisilə ə lɛɛ da Akilasə. Ə mo di nwun gɛlaan Sankre daai, gbala ə tɔɔ, aa ta kɛ yili laakwɛlanmo Yálá ɓa

Lonon mo 6:1

Yai-Laa yɛ Moisə ɓa:

Nwun mąąɓo 13:4

Ə həɠə yiihu ɓa, hvo lɔɔ kpələ, ə mą kɛ kpələ hɛn ɉuwui lɔpee a nu nwun ɉu tínɛ̨n. Kɔ̨nɔ̨n yii Yala ə tɔ́n dɔɔ mą hvo da mįi.

Ɉeremi 35:6

Diɛ mą́ą́: «Ku hva lɔɔ kpələ, ku kalaɓɔlɔ Yonadavə, Rekavə lon ə tɔ́n naa ku mɛ̨i, yɛ kuɔ, 'ká hvo lɔɔ kpələ a yələ lɔpee ta, kaa mąn, ə mą kɛ, ka lonnii mąn.

Lonon mo 30:3

Hulɔnu ta a nwoo kwɛlɛ Yai-Laa ɓa, a wala kɛ tii ə gbɔwɔ kanąn a gwɛla woo, mąą hvo nɛ̨ɛ̨li hvo nwoo kala. Nwooi kulɔ na, mąąnɛ̨ɛ̨ ə bɔ mɛ̨nį kɛ.

Nwun mąąɓo 13:14

Hvo viɲə má ta mįi, hvo lɔɔ kpələ, da kpələ hɛn lɔpee a nu nwun ɉutínɛ̨n; kɔ̨nɔ̨n ɲiiɠaai Yálá ə tɔ́n dɔɔ mą, hvo da mįi. Mɛ̨nįɠaai ŋą́ mo mą, ə gili lɛɛ gəlee hu, ə ɉon.»