Lonon mo 5:9 - Yálá laawoo hɛɓɛ (dc)

⁹ Ɉɛnŋąąi kpɔ Israɛlə lonnii da gulɔ ɉalááɠaa hu, ɉɛn mąąhəɠɛɛɠaai kpɔ da paa la ɉaláá laa həli mun bɔ, yili nwɔɔ li.

Yálá laawoo hɛɓɛ

⁹ Ɉɛnŋąąi kpɔ Israɛlə lonnii da gulɔ ɉalááɠaa hu, ɉɛn mąąhəɠɛɛɠaai kpɔ da paa la ɉaláá laa həli mun bɔ, yili nwɔɔ li.

Bible

⁹ Ǹyaŋ sama-sãa kélee da sãa maa waa kélee nyii-ŋai Eezuɛ-ŋai da pâ la zâla láa soŋ-nuu pɔ́i, díkaa a bɔ́ɔ.

Lonon mo 5:9 Referans Kwoze

Lonon mo 18:19

«Ka yíi pələ li, hva ɉəɠə mą, yɛ́ ə́ lon ɉinąą da ə́ nonnii nɛ̨ąą. Hɛn lɔpee Israɛlə lonnii da gulɔ haláá hɛn ɉu a Yai-Laa nwɔɔ, gáá di tɛɛi ka pɔ. Mįnɛ̨ ka tii ɲilɛɛ a kpolo a yələ kəlee mɛ̨nį, Yai-Laa ɲɛ̨i ɓa, yɛ́ ka ə́ huwu ka mąą mɛ̨nį ɓa.»

Lɛɛ gbɔwɔ ɓa 29:28

A kɛ a Aarɔn da nonnii di wɔɔ, yili kaa a tɔ́n yii hva ɉəɠə mą a yələ kəlee, da ɉɔlɔɓo ti Israɛlə lonnii yəi, yili ɓə gaa a di wɔɔ, ɉaláá kulɔ pələ tɛitɛi kəlee hu. Aarɔn da nonnii di tɔɔi li, niilaa haláái da kɛ gulɔi Yai-Laa ɓa ɉu.

Levetekɔ 10:13

ka mįi kɛɛnąą mąąhəɠɛɛ ɓa, mąąhɔlɔɓo, kɔ̨nɔ̨n mąąnɛ̨ɛ̨i ə tɛɛ ka pɔ ka ə́ lonnii, diɛ gulɔ Yai-Laa nwɔ haláá kɔ̨nɔ̨n hu, yaa li. Mɛ̨nįi di dí la, yaa li.

Levetekɔ 7:32

Ɛlɛɛ, mamįiyee wəla ə tɛɛ ɉaláá laa həli mun bɔ, yii ka ɉəɠə liilaa Haláá hu a Yai-Laa nwɛi, yaa ka tii.

Levetekɔ 7:34

Mąąhɔlɔɓo, gəŋəi tii di naa həlii, da ɉuwɔ wəlai tii di ɉəɠə ɉu, ŋą́ di hon Israɛlə lonnii yəi, da kɛi liilaa haláá kulɔ, gɛ́ di tɛɛ Aarɔn da nonnii di pɔ. Yili ɓə mąąnɛ̨ɛ̨ Israɛlə lonnii diɛ dɛɛ di pɔ a yələ kəlee.

Levetekɔ 10:14

Ɉuwɔ kəŋən tii di naa həli da ɉuwɔɠaai tii di gulɔ ɉu, ka gəlee mįi kɛɛnąą mąąhəɠɛɛ ɓa ka ə́ lonnii hinąą da nɛ̨ąą. Mąąhɔlɔɓo, Israɛlə lonnii di wɔ liilaa halááɠaai hu, ka wɛi mąąnɛ̨ɛ̨ ə kulɔ ɉu ə tɛɛ ka ə́ lonnii ka pɔ, yaa li.

Levetekɔ 10:15

Ɉuwɔ wəlai tii di gulɔ ɉu da gəŋən tii, nuąi tii ɉaláá hu hvɛli da pa a diɛ, da ɉuwɔ wulɔɠaai mąąnɛ̨ɛ̨ ə kələn, diɛ di laa həli a naa həli pələ Yai-Laa ɓa. Yili pulu, a lɛɛ a yɛ́ ka ə́ lonnii ka wɔɔ, a yii mąąnɛ̨ɛ̨ ə tɛɛ ka pɔ. Yələ kəlee mɛ̨nį li, Yai-Laa ɓə mo tii.»

Lonon mo 5:8

Nui di vulu, gaayɔwɔ ta a wala kɛ laa, ɉɛn di vulu ɉu diɛ bɔɔ tɛɛ, mąąnɛ̨ɛ̨ di dɛɛ Yai-Laa pɔ, ya ɓaa ɉaláá laa həli mun, bɛlɛɛ nu pɔɔŋą pɛli ɓɛlaa hilɛ ɓa, ya ɓə da nɛ̨ŋɛ̨n mąąhvaalɛɛ kóló kɛ la nui ɉɔn gɛ mɛ̨i.

Lonon mo 31:41

Yii di gulɔ ɉu a nįįhɔ̨nwɔ̨, a Yai-Laa nwɛi; Moisə ə dɛɛ ɉaláá laa həli mun Eleazarə pɔ, yɛ bələi Yai-Laa ə dí la.

Dutɛrɔnome 12:26

Ɉɛnŋąąi lɔ mąąnɛ̨ɛ̨ ka pa paa diɛ gɛɛnąąi Yai-Laa kaa pai ɲee kpuwɔ lɛi mą, diɛ ɓaa a: ɉɛnŋąąi ka naakwɛlan mo Yálá ɓa, da ka wɔ Yálá kɔ́ hɛnŋąą.