Lonon mo 5:3 - Yálá laawoo hɛɓɛ (dc)

³ Ka di kpɛ, ɉinąą mąn, nɛ̨ąą mąn, ka di kpɛ taai. Di hvo Israɛlə lonnii di wɔ taai mąąliɓi. Mąąhɔlɔɓo, gáá Israɛlə lonnii lɔwai.»

Yálá laawoo hɛɓɛ

³ Ka di kpɛ, ɉinąą mąn, nɛ̨ąą mąn, ka di kpɛ taai. Di hvo Israɛlə lonnii di wɔ taai mąąliɓi. Mąąhɔlɔɓo, gáá Israɛlə lonnii lɔwai.»

Bible

³ Surɔ̂ŋ kpaa nɛnî, ka díkula mûui su ƃɛ́i ŋ́gaa naa ŋánûai sámai dífa lâa nàa kara la.”

Lonon mo 5:3 Referans Kwoze

Dutɛrɔnome 23:14

Mąąnɛ̨ɛ̨ ka kwɛli hɛn da lɔ ka tiɛ̨ hu, ə gɛ, ka li ka lɔwɛi kɛi gbomoi, kaa lɔwa tee la, kaa ka lɔwɛi mɛ̨i kpulu la.

M̀ɛni-lɛɛi 21:27

Mɛ̨nį kɔhɔɓoɔ da lɛɛ, di ha lɛɛ nu ta yee pɔ hvo lɔ la laa, kɛlaa, hvo kɛli lɔ nuąi di laa pɛ̨ɛ̨ kaa mɛlaa lon ŋą yɛnɛ̨ɛ̨ kɛ hɛɓɛ́ hu, diɛ ɓə da lɔ laa.

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.

Taitɔ 3:10

Nui a kɛ gbɔn ɉu nu ɓɛlaɓoi, niɛwoo kɛ gee mɛ̨i hveelɛ, awala ə́ woo mɛ̨n, ə́ gulɔ gbɔn ɉu.

Tɛsalonikə veelɛ 3:6

Ną́n nonnii, ku kaa ká tíi gu Nąmu Jesus Kristə laa hu, kuɔ, kristalɛai di hvo di wɔɔ yɛnɛ̨ɛ̨ laa honmoi, di túwɔ́ pələ hvo yɛ bələi ku ká liɛwoo kɛ la, 'ká ká mąąkwɛa diɛ.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Mąątɛ̨nɛ̨ 68:18

Yálá nwɔ hoo mɛ̨i kulááɠaai, di kaa a nu waa nwun damąą, di mąąɲɔwuɔ. Ną́mu kaa di lɔwai, Sinai yee nwuɔ̨, nwɔ pɛlɛ́ mąąhəɠɛɛi mu.

Tɔɔɓɛlaa dɔlɔɔ 7:3

Ə bɛlɛ́ gbaan bu a kpitili wulu, yii kɛ bɛlɛ lɔnwɔ̨ pow nąąn kɔ́w lɔɔlii tii tɔɔ mu; ɲɛli tɔ̨nɔ̨ ə ɓo a wulu pow kɔ́w lɔɔli.

Lonon mo 35:34

Mąą hvo nɛ̨ɛ̨li nɔi ka káá ɉu ka hvo mąą liɓi, ɓɛi gáá laa heeni, mąąhɔlɔɓo gáá a Yai-Laa. Ɛlɛɛ gáá heeni Israɛlə lonnii lɔwai.»

Lonon mo 19:22

Nui tɔ́n gaa mą a tunwɔ̨n hɛn da ɓa, mąą hɛn yaa kpɛli mąą a liɓi. Ɛlɛɛ nui a tunwɔ̨n ɉɛn tii ɓa, tɔ́n a kɛ mą ə lɛɛ ɉu yələ ə wulu.»

Lɛɛ gbɔwɔ ɓa 25:8

Mąąnɛ̨ɛ̨ ə́ kɛɛnąą mąą həɠɛɛ pɛli mą́ą́, gɛ́ pɛli lɛɛi ka lɔwai.

Lɛɛ gbɔwɔ ɓa 29:45

Gáá pai heei Israɛlə lonnii lɔwai, ŋą́ kɛ a di wɔ Yálá,

Levetekɔ 14:8

Nui tii di mąą waa, a mąą həɠəɠaa waa ə gɔlɔ ɓa ləɠa kəlee kalaan, ə nwaa yái, ə gɛ mąą ə həɠə. Yili pulu, ə tɛ taai, kɛlaa a hvóló mɛ̨ihveelɛ kɛ hva lɔ ɲəi bɛlɛ́n.

Lonon mo 5:4

Israɛlə lonnii di gɛ tii, di nuą tii kulɔ daai, Israɛlə lonnii di gɛ yɛ bələi Yai-Laa ə mo la Moisə ɓa.

Lonon mo 16:3

Di hvaa pɛlɛ Moisə da Aarɔn diɛ, diɛ kɛ diɛ: «Ka káá kɛa ka yee ɓɔi ɉu, nɔi lonnii kəlee mąąhəɠɛɛ ɓə, ɛlɛɛ, Yai-Laa kaa di lɔwai, lə laa hu ɓə ka káá ka nwun dɛi la Yai-Laa nwɔ nu kpului mɛ̨i?»

Levetekɔ 15:31

«'Ka mo Israɛlə lonnii diɛ, kaa diɛ: tɔ́n a kɛ nu ta ɓa, ə lɛɛ dɔ̨nɔ̨ kon ɉu, hvo kɛ gaa pai gee kaa kələ laaləi,, hvo pa nəi haa a nwɔ́ pɛ́lɛ́i mąąliɓi a mo.»

Dutɛrɔnome 23:15

Mąąhɔlɔɓo, Yai-Laa ka wɔ Yálá yaa kpinį lee ga ka lɔwai gɔ́ laɠa hu, yɛ li, yɛ pa ka ɓalo mɛ̨nį ɓa, yɛ ka yowoɠaa lɔ ka yee ŋą. Yili ɓa tii, ɓɛi ka kɛ laa, nwɔ kɛɛnąą li. Mąą hvo nɛ̨ɛ̨li Yai-Laa hvo hɛn da kaa laa a nwumɛ̨ mɛ̨nį yii a gɛ, yɛ bulu tɔɔ la kaa.