Lonon mo 35:33 - Yálá laawoo hɛɓɛ (dc)

³³ «Mąą hvo nɛ̨ɛ̨li nɔi ŋɛ̨i ka káá ɉu, ka hvo mąą liɓi, mąąhɔlɔɓo, ɲąmą kaa a hɛn a lɔi mąą liɓi, ɛlɛɛ ɲąmą a pu lɔi ɓa, hva pɛli waai a hɛn da kpɛli, hvo kɛli lɔ nui ɲąmąi tii pu nwɔ ɲąmą.

Yálá laawoo hɛɓɛ

³³ «Mąą hvo nɛ̨ɛ̨li nɔi ŋɛ̨i ka káá ɉu, ka hvo mąą liɓi, mąąhɔlɔɓo, ɲąmą kaa a hɛn a lɔi mąą liɓi, ɛlɛɛ ɲąmą a pu lɔi ɓa, hva pɛli waai a hɛn da kpɛli, hvo kɛli lɔ nui ɲąmąi tii pu nwɔ ɲąmą.

Bible

³³ Káfe kálɔii kàra a núu ŋãa púɔɔ. Kpɛni fêi, núu ŋãa púɔɔ a lɔii kɛ̂ maa fa kɛ̂ a ŋwaa. Ǹyaŋ káfa pɔ̂ri ǹɔii karâai kɛ̂i maa é wáa, fɛ̂ɛ ká maa wáa a ǹúu paa-nuui ŋãa.

Lonon mo 35:33 Referans Kwoze

Mąątɛ̨nɛ̨ 106:38

Di kɛi kwəi kwələnuą ɲąmą pu, a di lon ɉinąą da nɛ̨ąą, di kɛi di kulɔ a haláá, Kanaan haliɠaa diɛ, nɔi mąą ə liɓi tii a ɲąmą laa pɔɔ.

Mise 4:11

Kɛlaa yiihu, lɔi tamąą daa di muhəɠə yɛ́ a kɔ́, di kaa kɛi diɛ: «Siɔn ɓɛlɛ ə too, ə too kpɔ, ku ɲɛ̨i kɔ́w ə nąą kaa!»

Azaya 26:21

Mąąhɔlɔɓo, Yai-Laa ka ɲɛ̨́i kulɔi ɲəi bɛlɛ́n yɛ lɔi mɛ̨i nuą kəlee mąąni kɛ di hɔn mą. Ɛlɛɛ lɔi kaa pai ɓaɠii a ɲąmą, nuą di di paa, hva kɛa di loo.

Tɔɔɓɛlaa veelɛ 24:4

Gwəi kwələ nuą ɲąmąi Manase ə bu, ə Ɉerusalɛmə daai laahvɛɛ la, mɛ̨nįɠaa tii ɓə gɛ, Yai-Laa hvó gɛ hvo Ɉuda lɔi mąą hvaalɛɛ la.

Tɔɔɓɛlaa veelɛ 23:26

Pələi mɛ̨n ə kɛ la tii, Yai-Laa lii ŋɛ̨i Manase ə gələn gwəi Ɉuda lɔi hu, yii nąą kili hvo kpɛɛ Yai-Laa ŋą.

Levetekɔ 18:25

Nuą daa nɔi mąąliɓi, ŋą́ di hutɔɔ nwɔ nɛ̨ŋɛ̨n tii mąą mɛ̨nį ɓa. Yili ɓə gɛ nɔi yɛ ɲee kulɔ di mu.

Zɛnɛse 9:6

«Nui a mɛlan ɲąmą pu, nu lɔ ɓə a mąą nu ɲąmą pu, mąąhɔlɔɓo, Yálá ə nu pɛli Yálá kpinį mąą nįnįn ɉu.

Mąątɛ̨nɛ̨ 106:28

Yili pulu, di hvilɛn Baalə Peɔrə pulu, diɛ ɲąmuą kɔ́ haláá hɛn mįi.

Dutɛrɔnome 21:23

Mąą hvo nɛ̨ɛ̨li bowa hvo yii hɛlɛn ni nwulu ɓa; da bowa loo a mąą yələ. Mąąhɔlɔɓo, nui da ɉɛlɛn wulu ɓa, nɛ̨ŋɛ̨n naa ɓə Yálá ə mo; mąą hvo nɛ̨ɛ̨li, hvo ka wɔ lɔi kɔ́hɔ ɓo, yaai Yai-Laa ka wɔ Yálái ə dɛɛ ka pɔ a ka hɔlɔɓo lɔi.

Zɛnɛse 4:10

Yai-Laa yɛ Kain ɓa: «Lə mɛ̨nį ɓə ŋɛ̨i ə́ gɛi? Ə́ ləɠə ɲąmą woo kaa tɔɔi lɔi mɛ̨i, gɛ́ mɛ̨n, yɛ kɛ diɛ: ‹Hvo kɛli di nwɔ́ɔ́ kwələ kulɔ.›

Lonon mo 35:32

Mąą hvo nɛ̨ɛ̨li nwɔ̨nɔ̨, di hvo hɛn da hon, diɛ pɛli nɛɛi laa yɛ li mąąkilɛ taa hu, a wala kɛ tii yɛ pənə yɛ li bɔɔli, yii ɉaláá laa həli mun və ni haa li.

Dutɛrɔnome 19:10

Bələi ka tɛɛ la, nui hɔn və mą, ka hva ɲąmą pu nɔi ŋɛ̨i Yai-Laa ka wɔ Yálái ə dɛɛ ka pɔ mą, yaai gaa a ka kwɛlin, bələ li. Ka wala gɛ tii, ɲąmąi tii nwulu a lɛɛ ka nwuɔ̨.

Nwun mąąɓo 9:24

Mɛ̨nį ɲɔ̨n ŋɛ̨i ə naa Yerubbalə lonnii pow mɛ̨ihvelɛi ɓa, mąą mɛ̨nį ɓa, di gɛ tii, ə gɛ, Abimelɛkə gaayɔwɔɠaai ŋɛ̨i ə di paa, di ɲąmą wulu ə lɛɛ nwuɔ̨; da Sisɛmə kalanɉonŋaai kpɔmąą tɛɛ bɔ, yɛ gaayɔwɔɠaa paa.

Tɔɔɓɛlaa dɔlɔɔ 2:31

Tɔɔmun yɛ mą: «'Li, ə́ gɛ yɛ bələi tii ə mo la; Yili pulu ə́ bowa loo. Yá yili kɛ tii ɲąmąi ŋɛ̨i Ɉoabə ə bu nwun ve kɛ mą, yaa nwulu həɠə ną́n nwɔ pɛ́lɛ́i nwuɔ̨.

Azaya 24:5

Nɔi nuą ɓə, nɔi kɔ́hɔɓoi, mąąhɔlɔɓo, daa dɔ́n nwooɠaa lɛɛ laa, di hvo díɓoɠaa kɛ li, mįnɛ̨i di ɉəɠə a yələ kəlee mɛ̨nį, daa nɛɛ laa.

Ɉeremi 16:18

Daa nwɔ́ lɔi laa pu, a di wɔ túwɔ́ pələ ɲɔ̨n, da di kɛ nɛ̨ŋɛ̨nŋaa di gɛ, ə mą kɛ, a di wɔ hɛn mąąliɓiɛ powaɠaa, a gwɛ́lin nɔi laahvɛɛi di mo a di wɔɔ hɛn ɲɔ̨nwɔ̨ɔ̨ɠaa. Gáá nɛ̨ŋɛ̨n veelɛi tii mąą kwələ kulɔi diɛ.

Ɉeremi 26:15

Kɛlaa, ka gɔlɔn kaa diɛ ka báá, akɛtii, kaa mąn, daai ŋɛ̨i da ɉu nuą kəlee, kwəi kwələ mun baa wulu a lɛɛ ka nwuɔ̨. Mąąhɔlɔɓo, Yai-Laa kpɔ ɓə dɔ́ɔ́ nwooɠaai tii kəlee ɓo mɛ̨nį ɓa, ə́ too ka wəlii.»

Dutɛrɔnome 19:13

Ka hvə mąą nu mąąwɛli kaa, gwəi kwələ mun ɲąmąi tii ə bu mąą mɛ̨nį ɓa. Ka yili kulɔ Israɛlə lɔi hu, ə gɛ, ka kɛ a nwun na nɛ̨ɛ̨ nuą.

Samia Veerɛi 3:29

Avnɛrə haa nwulu ə lɛɛ Ɉoabə da nwɔ pɛlɛ́i mu nu kəlee di nwuɔ̨. Ŋama kulɔ maa ɲɔ̨n, hvólóɲɔ̨n, luwɔlaa, mąąwɛli laa, mɛ̨nįɠaa tii maa hva kwɛa Ɉoabə nwɔ pɛlɛ́i ɓa, a wala kɛ tii, kɔ́ kɔ́ ɓɔwa.»

Samia Veerɛi 21:9

ə di tɛɛ Gabaɔn nuą pɔ, di di hɛlɛn ɲee tona, Yai-Laa lííla. Nu mɛ̨ihveelɛi tii kəlee di haa laa. Di di paa, ɓɛlɔwai di kɛ hihɛnŋaa ma kulɔ la, kpai teɛ kɔ́wɔ tɔɔi lɔwai.

Kɔlɔnikɔ Veerɛi 23:15

Di Atali hon diɛ li la dɔɔ pɛlɛ́ laaləi pələ, yii lɔ di həli la ɉoo pɛlɛ laaləi, nąą ɓə di mąą mɛ̨nį ɲąąlɔ laa.