Lonon mo 35:20 - Yálá laawoo hɛɓɛ (dc)

²⁰ Nu a kɛlɛ mɛlan ɉu a wɛli kpɛɛ mąą laa, a wala kɛti, ə hɛn da pili mą a kiliŋąhiɛ ɲɔ̨nwɔ̨ɔ̨, ɛlɛɛ mɛlan ə haa;

Yálá laawoo hɛɓɛ

²⁰ Nu a kɛlɛ mɛlan ɉu a wɛli kpɛɛ mąą laa, a wala kɛti, ə hɛn da pili mą a kiliŋąhiɛ ɲɔ̨nwɔ̨ɔ̨, ɛlɛɛ mɛlan ə haa;

Bible

²⁰ “À kɛ̀ núu ta à m̀arâŋ-nuu kpɔ̀ara é dùaŋ é dòo kpaa máŋ é gíri é zɔɔ a sɛŋ da, à kɛ̀ maa-nuui à sàa,

Lonon mo 35:20 Referans Kwoze

Lɛɛ gbɔwɔ ɓa 21:14

Kɛlaa, nu a hvilɛn nu pulu, yɛ kɛ ə baa a gbąnąlaa, ə mą kɛ aa li nwɔ́ haláá kulɔi ta ɓa, yá gulɔ laa, di baa.

Dutɛrɔnome 19:11

Kɛlaa, nu a kɛi wɛli kpɛɛ mąą laa kulɔ a mɛlan gaalon, ə hee dɔwɔ, ə wolo mą, yɛ gɛlɛ a baa pələ, ə lɛɛ ɉu, yili ə haa, mąą nui tii a pu, a li daaɠaa tii ta hu,

Samia Veerɛi 20:10

Mowai tii too, Ɉoabə ə ɉəɠə a gɔɓɛ yee, Amasa kili hvo kɛ ɉu. Ɉoabə ə mowa pu Amasa kwəi, yili kpoyɛli kəlee ə kulɔ, ə pu nɔi ɓa. Amasa ə haa laa kpɔlɔɔ tii ŋaaɓa, Ɉoabə hvo mowa veelɛ na pili mą. Ɉoabə da nəɠə Avisai di tɛɛ di hvilɛn Bikri lon Seva pulu, diɛ gbɛ.

Samia Veerɛi 3:27

Pənəi Avnɛrə ə mo ə pa, Ɉoabə ə li la ɉįi laa kpulu kpon gwɛlɛ pələ a gbanalaa, yɛ aa kɛi kɛ ə mɛ̨nį ta mo mą a nɛlɛɛ. Ə ɓɔwa pu gwəi, ə baa; Ɉoabə ə nəɠə Asahɛlə nwąną kulɔ.

Zɛnɛse 4:8

Ə kɛ lɔ a yələ ta, Kain yɛ nəɠə Abɛlə ɓa: «Pa gwəli ə́ náálɛ.» Lii kɛa di moi, Kain ə wolo nəɠə Abɛlə ɓa, ə baa.

Gɛlaɠaa 23:21

Kɛlaa, da mo yɛ́, hvo laa di la, mąąhɔlɔɓo, di tɛɛi nu pɔw nąąn ɉu, daa di kwɛla diɛ di hva hɛn da mįi, di hva hɛn da kpələ, yii kpɔ di hvo ni Polə paa li. Daa di kpɔwɔ pɛli, ə́ hvaa mɛ̨nį di woo ɓa lɔ ɓə di kaa mąąkpɔn ɉii.»

Gɛlaɠaa 20:3

Ə ɲąnįn ɉaaɓa kɛ nɔi ti hu. Ɓɛlɔwai ə kɛli pa tɛi la gələn ɉu yɛ li Siri lɔi hu pələ, Ɉuifəɠaa di lɔgilii kɛ mą, yili ɓə gɛ, ə naa gwəi ə yali bulu ə pənə yɛ li Masedoanə lɔi hu pələ.

Lukə 4:29

Nuą tii gəlee di di muhəɠə, di wolo Jesus ɓa, di ɉon də li la daa pulu ɓoloon gɛnɛ̨ ta la, diɛ kɛ di bili moloon ɉu.

Markə 6:19

Herodiadə liiholiɛ kɛ Ɉaan pɔ, ə kɛ bɔ ə Ɉaan paa. Kɛlaa, hva pɛli kɛ mą, Herodə mąą mɛ̨nį ɓa.

Hanwon 28:17

Nui nu ɲąmą wulu a lɛɛ nwuɔ̨, a lɛɛ gilɛ həɠəi, haa ə həli mą nu ta hva ɉu hon.

Hanwon 26:24

Nui ɓɛlɛkpɛɛ mąą kaa ɉu, a noo vaa woo pulu, Kɛlaa, mɛlaa ɓowo mɛ̨nį ə ɓo goo kpala.

Mąątɛ̨nɛ̨ 11:2

Nu ɲɔ̨nwɔ̨ɔ̨ɠaa kaa lə, diɛ di wɔ mɛ̨ɛ̨kɔi laa gilɛn ɲą, diɛ ɲala ɉu, diɛ kwəi kwələnuą hɛn la, kpinįi.

Samia Veerɛi 13:22

Absalɔn hvo mɛ̨nį lɔpee ta ɓo Amnɔn laa mɛ̨i a ɲɔ̨nwɔ̨ɔ̨ ə mą kɛ a nɛlɛɛ. Kɛlaa, nwɛli ə kpɛɛ mą, mąąhɔlɔɓo, aa too mąąhala Tamarə mɛ̨i.

Samuɛlə dɔlɔɔ 24:11

Ə́ gbaɠala kaa yɛ́, yɛ́ kpįnįi yɛ́ kɛ, Yai-Laa ə́ ə́ lɔ ɲéé ŋą háákələi gwɛni wolo hu? Kɛlaa, və́ gɛ və́ ə́ paa; ŋą́ ə́ mąąwɛli kaa, gɛ́ kɛ diɛ: ‹Vá ɲéé pɛlɛ nwún nąmu ɓa, mąąhɔlɔɓo, nui Yai-Laa aa ɉəɠə ɉu, aa ɉee a tɔɔmun yaa li.›

Samuɛlə dɔlɔɔ 20:1

Davidə ə pu ə həɠə Nayotə Rama kwɛlɛ, ə pa ə Ɉonatan kaa, yɛ mą: «Lə ɓə ŋą́ gɛ, ɉɔ́n maa lə, lə nɛ̨ŋɛ̨n gbɔ ɓə ŋą́ ɉəɠə ə́ nąn ma yaai gaa bɔ ə báá?»

Samuɛlə dɔlɔɔ 18:25

Saulə yɛ diɛ: «Ka li kaa Davidə ɓa: ‹Tɔɔmun və ɓɔlɔ laa hɛn takpɛli pɔ hvo kɛli lɔ Filisti nuą towo piɲɛ̨n nwun dɔ̨nɔ̨, yili a kɛ a tɔɔmun nwąną kulaa diɛ.›» Ə kɛ Saulə kwəi, yɛ kɛ, bələ ɓə gaa pai Davidə tooi la Filisti nuą yee ŋą.

Zɛnɛse 4:5

kɛlaa, hvo ɲɛ̨i lɛlɛɛ hee Kain nwɛi ɓa. Yili ə nwąną kpɔ Kain ɓa, ə níiholi.

Lonon mo 35:19

Nwąną kulɔ kɛ mun mə a nu paamun tii paa, ɓɛlɔwai da yaa da kwiɛn na, a baa.

Lonon mo 35:21

a duwɔ a ɲee kpuwulu a yowo laa, yɛ baa; nui gɛlɛ ɓo kɛ, mąąnɛ̨ɛ̨ di baa, nu paamun ni. Nwąną kulɔ mun mə a nui tii paa, ɓɛlɔwai a gaa la.