Lonon mo 35:15 - Yálá laawoo hɛɓɛ (dc)

¹⁵ Ə kɛ a Israɛlə lon, ə kɛ a nui heeni ka kɔ́wɔ mɛ̨i, ə kɛ a tɛɛ nwɛ̨ą; daaɠaai tii kaa pai kɛi a nu kəlee mąąkilɛi. Nui lɔpee a nu paa hvo gili ɓo li, a pɛli ə mąąkilɛ laa.

Yálá laawoo hɛɓɛ

¹⁵ Ə kɛ a Israɛlə lon, ə kɛ a nui heeni ka kɔ́wɔ mɛ̨i, ə kɛ a tɛɛ nwɛ̨ą; daaɠaai tii kaa pai kɛi a nu kəlee mąąkilɛi. Nui lɔpee a nu paa hvo gili ɓo li, a pɛli ə mąąkilɛ laa.

Bible

¹⁵ Daa lɔ́ɔlu mɛi da-ŋai ŋí dí kɛ́ a maa-kɔ̃ɔ-taa-ŋa Eezuɛ-ŋai mɛni ma, da ŋɔ̃ya-ŋai é pɛ́lɛ ŋwɔ̃yɛ-ŋai dîa kásama. Núu a núu pàa nyii vé gíri ní, a pɔ̂ri pûi é lí naa.

Lonon mo 35:15 Referans Kwoze

Lonon mo 15:16

Tɔ́n dɔ̨nɔ̨ gbən lɔ ɓə a kɛ ka yəi, da ɉon bələ tanɔ̨n; Kaa, ə mą kɛ ka mąą nwɛ̨ąi heeni ka kɔ́wɔ mɛ̨i.»

Galatə 3:28

Ɉuifə mɛ̨nį hvo kɛa ɉu, Grɛkə mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛgbɔwɔ ɓa mɛ̨nį hvo kɛa ɉu, hulɔnu mɛ̨nį hvo kɛa ɉu, nɛ̨ɛ̨nu mɛ̨nį hvo kɛa ɉu; gbala ə tɔɔ, ká kəlee káá kɛ kɛa tanɔ̨n Kristə hu

Lomaŋ 3:29

Awala kɛti, Yálá kaa lɔ mɔ̨ɔ̨ a Ɉuifəɠaa diɛ tɔ̨nɔ̨ gbən di wɔ Yálá, hvo mɔ̨ɔ̨ a huwu takpɛliɠaa di wɔ Yálá, a tɛ̨ą, gaa kpɔ a hįi kəlee nwɔ Yálá

Levetekɔ 24:22

«Nɔi mąą tɔ́n gaa lɔ pai kɛi tɔ̨nɔ̨ nu kəlee mąą mɛ̨nį hu, yɛ ə kɛ a nwɛ̨ą, yɛ ə kɛ a nɔi lon, Mąąhɔlɔɓo, ɲą́ą́ ɓə gáá a Yai-Laa ka wɔ Yálá,»

Lɛɛ gbɔwɔ ɓa 12:49

«‹Dɔ́n dɔ̨nɔ̨ ti kaa lɔ tii nɔi lonnii mɛ̨i, da nwɛ̨ąi heeni ka kɔ́wɔ mɛ̨i.›»

Levetekɔ 4:2

«Mɛ̨nįi ŋɛ̨i ɓo Israɛlə lonnii diɛ, yɛ́ diɛ: «Nu ta a nɛ̨ŋɛ̨n ɉəɠə dɛɠii pələ, dɔ́nŋąąi Yai-Laa ə naa, mąą nu yɛ mąą kala, mɛ̨nįɠaai tɔ́n gaa mą, yɛ da kɛ,

Lonon mo 35:11

mąąnɛ̨ɛ̨ ka pa ka yee lɛ taa taɠaa diɛ, a nu mąąkilɛ taaɠaa. Nui a nu ta paa dɛɠii, yɛ pɛli pui yɛ li laa.

Samia Veerɛi 14:14

A kɛ tii gu kaa mɔ̨ɔ̨ pai haai a hvoló tɔ̨nɔ̨, yɛ yai daa bu lɔi ɓa hva pɛli kɛa yɛɠɛi. Kɛlaa, Yálá hva giliŋąhiɛ a ɲɔ̨nwɔ̨ɔ̨ nu ɓa, ə lɛɛ, aa gɛ pələ kwɛli mą, nui di gbɛ, mąą hvo kwɛa ma a mɔlɔɔ.