Lonon mo 35:12 - Yálá laawoo hɛɓɛ (dc)

¹² Ka káá pai kɛi ka mąąkilɛi daaɠaai tii hu, kaa pɛli pui nwąną kulɔmun dɔwɔ. Nui a nu paa, di hva pɛli baai, hvo kɛ li a gbɛa li kiti haɠa ɓa, galanɉonŋąą líí la.

Yálá laawoo hɛɓɛ

¹² Ka káá pai kɛi ka mąąkilɛi daaɠaai tii hu, kaa pɛli pui nwąną kulɔmun dɔwɔ. Nui a nu paa, di hva pɛli baai, hvo kɛ li a gbɛa li kiti haɠa ɓa, galanɉonŋąą líí la.

Bible

¹² Nàa ƃé a pâi kpɔŋ-maa sɔlɔ ƃôi naa a gɛɛ zaa-nuui ŋɔnûai dífe bàa é lɛ́ɛ la zu dí ŋɔmɛnii ŋá tée mɛni-saa-ƃo-kerei mu.

Lonon mo 35:12 Referans Kwoze

Dutɛrɔnome 19:6

Nui ŋɛ̨i di baa, mąą hvo nɛ̨ɛ̨li, nwɔ kwələ kulɔ mun hvo hvilɛn nu paa mun di pulu, hvo mąn bələ kwɛa mɛ̨nį ɓa, hvo baa bələ pɔ. Nui ŋɛ̨i mɛlan baa a ɲowa, yii kpɔ yaan wɛli kpɛɛ mąą laa hvo kɛ li di lɔwai a bɔlɔ, mąą hvo nɛ̨ɛ̨li di hvo baa.

Zasua 20:9

Daaɠaa tii ɓə di gɛ a mąąkilɛ taa; yɛi kɛ a Israɛlə lon da, awala kɛ tii nwɛ̨ą yii ɉeɛɛ kaa di kɔ́wɔ mɛ̨i, nui lɔpee kɛ a nu paa yii hvo gili ɓo li, daaɠaa tii ta hu ɓə a li ə mąąkilɛ laa. Bələ ɓə kɛ ɲąmą kwələ kulɔmun hva pɛli kɛ ɲąmą pumun baai la, yai nu kpulu hvo ni giti tee li.

Samia Veerɛi 14:7

Yili ɓa, gwəlii nuą kəlee daa pɛlɛ ə́ wɔ tí nɛ̨ɛ̨nui ɓa, diɛ mą: ‹Nui nąn non baa, gulɔ ku baa a mɛlan baai tii ə mo gwələ kulɔ, ə lɛɛ, a kɛ tii, di nąn gwɛlin ɉəɠə mun hva kɛa lɛɛ.› Nwɔ̨n dəŋąi aa lɛɛ ɲə́i, diɛ di ya pu ŋą, diɛ di ɉílɛ laa kpɛɛ ɓɛ yɛnɛ̨ɛ̨.»

Lonon mo 35:19

Nwąną kulɔ kɛ mun mə a nu paamun tii paa, ɓɛlɔwai da yaa da kwiɛn na, a baa.

Lonon mo 35:13

Daaɠaai ka káá pai di həɠəi ɉu a nu mąąkilɛ taaɠaa, da kɛ mɛ̨ida.

Dutɛrɔnome 19:4

Nu paa mun yii a pɛli mąąkilɛi daaɠaa tii hu, yɛ lɛɛ a vulú, mąą nu ɓaa: nui ə nu paa dɛɠii, nui ŋɛ̨i ə baa, yowolaa takpɛli hvo kɛ da yaa di lɔwai, wɛli kpɛɛ mąą laa hvo kɛ li ɉu, yɛ hvilɛn mą; mąą nu ɓə a pɛli gbɔwɔ nwun mąąɓoi daaɠaa tii hu.

Zasua 20:2

«Mo Israɛlə lonnii diɛ, yɛ́ diɛ: Nu mąąkilɛ taaɠaa ŋɛ̨i ŋį́ di mąą mɛ̨nį ɓo Moisə ɓa, yɛ mo kaa, ka di həɠə ɉu.