Lonon mo 33:1 - Yálá laawoo hɛɓɛ (dc)

¹ Ɉiɛɠaai Israɛlə lonnii di gulɔ ɓɛlɔwai di həɠə la Eziptə lɔi hu, da di wɔ kɔ́laɠaɠaa; Moisə da Aarɔn di ɓo di nwun na, diɛ ka:

Yálá laawoo hɛɓɛ

¹ Ɉiɛɠaai Israɛlə lonnii di gulɔ ɓɛlɔwai di həɠə la Eziptə lɔi hu, da di wɔ kɔ́laɠaɠaa; Moisə da Aarɔn di ɓo di nwun na, diɛ ka:

Bible

¹ Eezuɛ-ŋai díƃûu-ŋai láa ká ŋí é síɣe tãi ma dí kùla la Ize lɔii su. Mose da Eelɔŋ ƃé kɛ̀ dítuɛ.

Lonon mo 33:1 Referans Kwoze

Mise 6:4

A kɛ tii, ka kulɔi ŋį́ mo Eziptə lɔi hu, ya ɓə? Ka nwun mąąɓoi ŋį́ mo nuwɔ pɛ́lɛ́i tii mu, yili ɓə mɔ̨ɔ̨? Gɛ́ Moisə, Aarɔn da Miriamə di tɛɛ a ka tənən dɔɔ nuą, yili ɓə?

Mąątɛ̨nɛ̨ 77:20

Ə́ ə́ kpaalə laa gboloyá ŋą, yɛ́ tɛɛ yá kpon ɉu kwɛaɠaa hu, nui lɔpee ta hvo ə́ pɔɔ kaa.

Samuɛlə dɔlɔɔ 12:8

Ɓɛlɔwai Ɉakɔbə ə li la Eziptə lɔi hu, Eziptə nuą di hee di mɛ̨i, ka nąn ni di wɔlɔ di di woo kulɔ Yai-Laa ɓa. Yai-Laa ə Moisə da Aarɔn di tɔɔ, ə gɛ, di ka nąn ni kulɔ nuwɔ laa tii hu, di di hee gɛɛnąą ŋɛ̨i ɓa.

Zasua 24:5

Yili pulu, ŋį́ Moisə da Aarɔn di tɔɔ. Ŋį́ Eziptə lɔi kɛlɛ a mɛ̨nįɠaai ŋį́ gɛ laa. Yili pulu, ŋį́ ka kulɔ laa.

Lɛɛ gbɔwɔ ɓa 13:18

Yili ɓə gɛ, Yálá ə di ɲɛ̨i tinɛ̨n, di tɛɛ a nɔi pun ɉu pələ, veegbɔnɔ̨ gboloyá pɔ pələ. Israɛlə lonnii kpulu hu kɛnɛ̨i kpɔ kɛ diɛ həɠə Eziptə.

Lɛɛ gbɔwɔ ɓa 12:51

Volói tii ɓə, Yai-Laa ə Israɛlə lonnii kulɔ la Eziptə lɔi hu da di huwu kəlee.

Lɛɛ gbɔwɔ ɓa 12:37

Israɛlə lonnii di həɠə Ramsɛsə daai, di hvilɛn bələ ɓa, diɛ li Sukotə daai pələ. Di kɛ a nu waa nwun mɛ̨ida ɲɔ̨nwɔ̨mąn yiiɠaai kɛi hiɛ di kɔ́wɔ ŋą di hvo nɛ̨ąą da lɛapɛlɛɛɠaa di lonon.

Lonon mo 33:2

Da kɛi kɛ həɠə kɛɛnąąɠaa ɓa Moisə ə kɛi gɛɛnąąɠaai tii laa pɛ̨ɛ̨; Yai-Laa ɓə dí la. Ɉiɛɠaai di gulɔ, a wala kɛ tii ɓɛɠaai di kɛi tɔɔ laa, diɛ ka:

Mąątɛ̨nɛ̨ 105:26

Ə nwɔ tímun Moisə tɔɔ, da nui ə ɉəɠə ɉu a Aarɔn.

Lɛɛ gbɔwɔ ɓa 6:26

Aarɔn da Moisə ɓə Yai-Laa ə kɛ diɛ: «Ka Israɛlə lonnii kulɔ Eziptə lɔi hu, yɛ bələi di huwu hee pələ kaa la.»

Lɛɛ gbɔwɔ ɓa 12:41

Gwɛlan nwun nąąn gwɛlan bow haaɓai ti yee mu, voló tɔ̨nɔ̨i ŋɛ̨i lɔ ɓə Yai-Laa nwɔ kɔlaɠai ə kulɔ la Eziptə lɔi hu.