Lonon mo 32:33 - Yálá laawoo hɛɓɛ (dc)

³³ Moisə ə Amɔrə nuą di wɔ tɔɔmun Sihɔn nwɔ lɔi da Basan tɔɔmun Ogə nwɔ lɔi tɛɛ Gadə da Rubɛn lonnii, da Ɉosɛfə lon Manase huwu bələ tɔ̨nɔ̨ pɔ, nɔi da nwɔ taaɠaa, bɛlɛɛ nwɔ yɛɛ kɔ́wɔɠaa diɛ, da di kwɛlɛ taaɠaa.

Yálá laawoo hɛɓɛ

³³ Moisə ə Amɔrə nuą di wɔ tɔɔmun Sihɔn nwɔ lɔi da Basan tɔɔmun Ogə nwɔ lɔi tɛɛ Gadə da Rubɛn lonnii, da Ɉosɛfə lon Manase huwu bələ tɔ̨nɔ̨ pɔ, nɔi da nwɔ taaɠaa, bɛlɛɛ nwɔ yɛɛ kɔ́wɔɠaa diɛ, da di kwɛlɛ taaɠaa.

Bible

³³ Nya ƃe Mose è Amora-ŋai díkâloŋ Siɔŋ da Basãŋ kaloŋ Oŋ dílɔii-ŋai su-taa-ŋai kélee tɛ̀ɛ Gâa da Lubiŋ dísuui su-ƃelai da Zosɛ ǹóŋ Manasɛ ŋɔsuui su-ƃelai méla tɔnɔ pɔ́.

Lonon mo 32:33 Referans Kwoze

Zasua 12:6

Yai-Laa nwɔ tímun Moisə da Israɛlə lonnii di gɛɛnąąɠaa tii hon kɔ́ hu. Yai-Laa nwɔ tímun Moisə ə nąą tɛɛ Rubɛn huwu hu nuą pɔ, da Gadə huwu hu nuą pɔ, da Manase huwu hu bələ tɔ̨nɔ̨.

Zasua 22:4

A kɛ tii kɛa, yii Yai-Laa ka wɔ Yálá aa liilaa tɛɛ ka nąn nonnii pɔ, yɛ bələi ə mo la diɛ, ka pɛli kɛa lii ka pɔ taaiɠaa ɓa, ka pɔ lɔi, yai Yai-Laa nwɔ tímun Moisə ə naa tɛɛ ka pɔ, ɓɛlɔwai gu hvo nii kɛ Ɉurdɛn yá teen ni la.

Dutɛrɔnome 29:8

«Yili ɓa, mąąnɛ̨ɛ̨ ka ka yee kɛ mįnɛ̨i ŋɛ̨i ka Yálá ni ka ɉəɠə ɉu wooɠaa diɛ, kaa bɔ túwɔ́ ɓo. Yili pɔ pələ ɓə ka kɛ́ mɛ̨nįɠaa hu a nɛ̨ɛ̨ la.

Kɔlɔnikɔ Maa-ŋuŋ 26:32

Yaa, da gaayɔwɔɠaa, di kɛ a kpakolo waa hveelɛ pulu nwun mɛ̨ihveelɛ, a pɛlɛ́ nąmįną; diɛ ɓə tɔɔmun Davidə ə di hee Rubɛn nwɔ pɛlɛ́i nwun na, da Gadə nwɛiɠaai, ɛlɛɛ, Manase huwu bələ tɔ̨nɔ̨i kɛ ɲanwuɔ̨ pələ; diɛ ɓə di yee ə kɛ Yálá mąą mɛ̨nį ɲɛ̨ikulɔ mɛ̨nįɠaa diɛ, da dɔɔmun nwɛiɠaai.

Kɔlɔnikɔ Maa-ŋuŋ 12:31

Ɛfraimə huwu hu nuą, nu waa pow hveelɛ pulu nwun mɛ̨ihaaɓa, a kpakoloɠaa, a nuąi di laa tɛɛ di yəi bɛlɛnŋąą.

Kɔlɔnikɔ Maa-ŋuŋ 5:18

Rubɛn lonnii, Gadə lonnii da Manase nwɔ pɛlɛ́i bələ tɔ̨nɔ̨, di laa ə kɛ guláaɠaa lɔwai, da nuąi kɛi ɓɔwa kɔ́nwɔ̨ da hə́mə́; diɛ pɛli kilɛn bilii, di yɛlɛɛ kɔ́ kɔ́i; di kɛ a nu waa pow nąąn kɔ́w nąąn nu nwun mɛ̨ihveelɛ ɲee mɛ̨ida (44.760), diɛ ɓə kɛ di hąą yiliɛ kɔ́ mɛ̨nį ɓa.

Lonon mo 34:14

Hvo gaai Rubɛn huwu, Gadə huwu, da Manase huwu bələ tɔ̨nɔ̨, daa gbɛa di hee lɔi hɔlɔɓo.

Lonon mo 32:1

Taatɛlɛɛ kpulu kɛnɛ̨ ə kɛ Rubɛn lonnii da Gadə lonnii di yəi. Di Yazerə da Galaadə lɔi kaa, di gaa diɛ nɔi lɛlɛɛi taatɛlɛɛɠaa mąą mɛ̨nį ɓa.

Lonon mo 32:32

Kuɔ kpinįi ku hąą yiliɛ, ku ku wɔ kɔ́laɠai həɠə, ku tɛɛ Kanaan lɔi hu, Yai-Laa ɲɛ̨i ɓa. Kɛlaa, ɓɛi nąą kaa pai kɛi a ku kwɛlin nɔi, nąą kaa Ɉurdɛn yá pulu, ɓɛli pələ.»

Zasua 12:1

Nɔiɠaa tii Israɛlə lonnii di ɉu tɔɔɓɛlaa hon kɔ́ hu ɛlɛɛ, diɛ nɔi həɠə a di wɔɔ voló ɓɛlai pələ Ɉurdɛn lííla pələ diɛ ka: ə həɠə Arnɔn yá ɓoloon bɔ ə həli la Hɛrmɔn yee ɓa, da Ɉurdɛn ɲá-ɓoloon bɔ lɔi kəlee voló ɓɛlai pələ.

Zasua 14:3

Moisə aa kɛ lɔi tɛɛ huwu hveelɛ da gbulɔ pɔ, ɓɛlɔwai di hvo ni kɛ Ɉurdɛn teen ni la; kɛlaa, Moisə hvo lɔi tɛɛ Levi huwu hu nuą pɔ di ɓɛlaa lɔwai.

Zasua 22:7

Moisə ə wɔlɔ lɔi tɛɛ Manase huwu bələ tɔ̨nɔ̨ pɔ, Basan lɔi hu. Ɉosue ə lɔi tɛɛ Manase huwu bələ tɔ̨nɔ̨i tii lɛɛ bɔ, di nąn nonnii lɔwai Ɉurdɛn yá pulu voló tooi pələ. Diɛ kpɛli mąn, ɓɛlɔwai Ɉosue ə di tɔɔ la bələi, ə lúwɔ́ too diɛ.

Samuɛlə dɔlɔɔ 13:7

Hebreuɠaa taɠaa di Ɉurdɛn teen, diɛ li Gadə lɔi hu, da Galaadə. Saulə ə kɛ nii Gilgalə, ə lɛɛ, nuą maa ə kɛi kpɛlin bulu.

Lonon mo 34:15

Nu huwu hveelɛi tii da nu huwu kpulɔi tii daa di hee lɔi hɔlɔɓo Ɉurdɛn pulu pələ, Ɉeriko tənə ma, voló həɠəi pələ.»