Lonon mo 31:16 - Yálá laawoo hɛɓɛ (dc)

¹⁶ Kɛlɛi diɛ ɓə gɛ Israɛlə lonnii diɛ kulɔ Yai-Laa woo mu; Balaamə nwɔ liɛwoo pɔ, Peɔrə mɛ̨nįi hu, lɔi wolo ɲɔ̨n yɛ pɛlɛ Yai-Laa nwɔ nu kanɠaa diɛ.

Yálá laawoo hɛɓɛ

¹⁶ Kɛlɛi diɛ ɓə gɛ Israɛlə lonnii diɛ kulɔ Yai-Laa woo mu; Balaamə nwɔ liɛwoo pɔ, Peɔrə mɛ̨nįi hu, lɔi wolo ɲɔ̨n yɛ pɛlɛ Yai-Laa nwɔ nu kanɠaa diɛ.

Bible

¹⁶ É lɛ́ɛ kákili ŋá a gɛɛ nɛyâai ŋí ƃé gɛ̀ Balaŋ ŋɔlia-wooi sârai, a gɛɛ Eezuɛ-ŋai dí sɔnyɔ̂ŋ kɛ́ Peɔ. Ǹya ƃe gɛ̀ a gɛɛ zaa kɔlɔ-felai è pà Yâwɛɛ ŋɔnûai sáma.

Lonon mo 31:16 Referans Kwoze

Piɛrə veelɛ 2:15

Daa həɠə tɛ̨ą pələ mɛ̨i, daa hvilɛn lan bələ mɛ̨i. Bosɔrə lon Balaamə nwɔ pələi ɓə daa hvilɛn mɛ̨i. Hɛn nwɛli laa mąą mɛ̨nį ɓa, Balaamə ə túwɔ́ pələ ɲɔ̨n gɛ, ə gɛ. Ə wali hɔlɔɓo.

M̀ɛni-lɛɛi 2:14

Kɛlaa, ə mą kɛ tii, ə́ hɔn da wolaa kaa laa, gɛ́ ŋį́ nɛ yɛ́, ya ɓaa: nu taɠaa kaa ə́ pɔɔli, di yee kąnąnŋąą Balaamə ŋą kalan bələi ɓa, yai Balakə liɛwoo kɛ, yili ə hɛlɛn dɛ Israɛlə lonnii tɔwɔ, diɛ haláá huwɔ mįi, ɛlɛɛ, diɛ di kpɔwɔ mąąliɓi la di wɔɔ Yálái ɲɛ̨i ɓa.

Zasua 22:17

Nɛ̨ŋɛ̨n gu ɉəhə Peɔrə, yili hva pɛli kaa? Gu hvo kpɛli ni gu mąąhəɠə li nɛ̨ŋɛ̨n tii yəi, háákələi, bələi mąn mɔ̨nɔ̨ kɛnɛ̨ ə laa la Yai-Laa nwɔ nu kpului ɓa!

Dutɛrɔnome 4:3

Mɛ̨nįi Yai-Laa ka wɔ Yálái ə gɛ Baalə-Peɔrə, kaa kpinįi ka nąą kaa a ka ɲɛ̨ikɔw; nuąi kpɔ hvilɛn Baalə pulu Peɔrə, Yai-Laa ka wɔ Yálái ə gəlee paa ka lɔwai.

Lonon mo 24:14

Yii gaa tii, ní hiɛ ka tii nwɔ́ nuą pɔ; kɛlaa, 'pá, mɛ̨nįi nu huwui ŋɛ̨i kaa pai naai ə́ wɔ lɔi ɓa tɔwɔ pələ, ŋį́ ɉukulɔ yɛ́.»

Hanwon 23:27

Mąąhɔlɔɓo, wɛlikɛnɛ̨ɛ̨nu kaa a lɔwa kpon ɉu gwɛa, ɛlɛɛ, nu takpɛli nɛ̨ɛ̨nu kaa a yálɔwa hu koloon ŋąą.

Lonon mo 25:18

Mąąhɔlɔɓo, di hvaa kwɛli kaa, a gili ɲɔ̨nwɔ̨ɔ̨i di ka hon na Peɔrə mɛ̨nį hu, da Kozbi mɛ̨nį hu, yai kɛ a Madian kalanɉon da lon nɛ̨ɛ̨nui yaa tii di baa, a ɲɔ̨n tii pɛlɛ kaa Peɔrə mąą mɛ̨nį hu.»

Ikilisiati 7:26

Ŋį́ gaa gɛ́ diɛ: nɛ̨ɛ̨nu gbąnąą, ɲɔ̨nwɔ̨ɔ̨i dɛɛ haa ɓa. Mąąhɔlɔɓo, gaa a hɛlɛn, nwɔ wɛlikɛmąą yɛ ɓo yɛ diŋɛ̨n, ɲeeɠaa di ɓo a nu yili yɛli. Nui nwɛli kaa Yálá ɓa, hva too nɛ̨ɛ̨nu taaləi tii yəi diŋɛ̨n ɉu. Kɛlaa, nɛ̨ŋɛ̨n ɉəɠəmun mə a too ɉu.

Zûu 1:11

Kpalo ɓɛlaai diɛ. Mąąhɔlɔɓo, daa hvilɛn Kain túwɔ́ pələ pulu. Daa di kpɔwɔ hvilɛn lan bələ mɛ̨i wali mąą mɛ̨nį ɓa, yɛ bələi Balaamə ə gɛ la. Di nwun na aa pili yɛ Kore.

Lonon mo 31:8

Hvo lɛɛ lɔ a yili, di Madian tɔɔɓɛlaa paa, diɛ ɓaa: Ewi, Rɛkɛmə, Surə, Hurə da Rɛva; Madian tɔɔɓɛlaa lɔɔli. Di Beɔrə lon Balaamə paa a ɓɔwa kwɛa.