Lonon mo 30:13 - Yálá laawoo hɛɓɛ (dc)

¹³ Kɛlaa, ɉilɛ a naa gwəi yɛ kɛ ə gəlee lɛɛ a kpɛli a ɲələi lɔ a gbaɠala kaa la, mɛ̨nįi lɔpee nɛ̨ɛ̨nui tii ə mo a nwoo kwɛlɛ pələ, a wala kɛ tii a gwɛla pələ, gəlee da lɛɛ a kpɛli; mąąhɔlɔɓo ɉilɛ hvo gɛ li hvo hvaa mą. Yai-Laa a nɛ̨ɛ̨nui tii kaa yɛ nui mɛ̨nį hvo mą.

Yálá laawoo hɛɓɛ

¹³ Kɛlaa, ɉilɛ a naa gwəi yɛ kɛ ə gəlee lɛɛ a kpɛli a ɲələi lɔ a gbaɠala kaa la, mɛ̨nįi lɔpee nɛ̨ɛ̨nui tii ə mo a nwoo kwɛlɛ pələ, a wala kɛ tii a gwɛla pələ, gəlee da lɛɛ a kpɛli; mąąhɔlɔɓo ɉilɛ hvo gɛ li hvo hvaa mą. Yai-Laa a nɛ̨ɛ̨nui tii kaa yɛ nui mɛ̨nį hvo mą.

Bible

¹³ Kono-tee-woo kpanaŋɔɔ kélee nyii nɛnîi è gɛ̀i, ŋɔsurɔ̂ŋ à fàa ma, a pâi gɛ̂i, kɛ́lɛ ŋɔsurɔ̂ŋ à wàla fáa ma, vé pâi gɛ̂i.

Lonon mo 30:13 Referans Kwoze

Korɛntə dɔlɔɔ 11:3

Kɛlaa, gɛ́ ká mɛ̨nįi ŋɛ̨i kpaɠala kaa: Hinąą kəlee di nwun nąmu ɓaa a Kristə. Nɛ̨ɛ̨nu nwun nąmu ɓaa a hulɔnu. Kristə nwun nąmu ɓaa a Yálá.

Korɛntə dɔlɔɔ 11:9

Yálá hvo kɛ hulɔnu pɛli li nɛ̨ɛ̨nu mąą mɛ̨nį ɓa, kɛlaa, nɛ̨ɛ̨nu ɓə Yálá ə bɛli hulɔnu mąą mɛ̨nį ɓa.

Azaya 58:5

Volói nu a gbɔwɔ mąąyɛɛ la, ɉín nɔ pələi nwɛli kaa mą́ą́ yaa li? A kɛ tii mąąnɛ̨ɛ̨ nu ə nwun vilɛn yɛ hvee gbaɠa, yɛ həɠə haɠa too gwaną, yɛ hee luwu hu; yili mąą mɛ̨nį ɓə ya hin noloɓo la, a Yai-Laa liiɓa hvóló?

Mąątɛ̨nɛ̨ 35:13

Ɓɛlɔwai di kɛ la ɲɔ̨n ɉu, ŋį́ kɛi mąąwɛli heeɓo, gɛ́ hin nɔ, gɛ́ Yálá hvɛli gwə́i pələ.

Ɛsdrasə 8:21

Ŋą́ loloɓo Ahawa ya kwɛlɛ, gɛ diɛ, ku hin nɔ, ə gɛ, ku ku mąą yɛɛ Yálá lííla, ə gə ə hvaa mą ku ɉiɛ kulɔ a nɛlɛɛ kwa ku lonnii da ku tiɛ̨ɠaa.

Lonon mo 29:7

«Ɲąnin mɛ̨ihveelɛnąą nwɔ hvóló bow yələ, ka ɲąąkpɔn mąąhəɠɛɛ too, ka hin nɔ, ka hva kóló ta kɛ.

Levetekɔ 23:32

Túwɔ́ yələ li ka yəi a hvįįtɔɔ yələ, ka hin nɔ a mąą yələ; ə həɠə ɲąnin nwɔ hvóló mɛ̨inąąn ɲələ ɓa, ə həli la bulu ɓa yələ laaɓoɔ ɓa, ka hva kóló lɔpee ta kɛ.»

Levetekɔ 23:27

«Yili a həɠə laa, ɲąnin mɛ̨ihveelɛnąą tii nwɔ hvóló pow yələ, nɛ̨ŋɛ̨n mąąhvaalɛɛ hvóló kɛnɛ̨ li, ka haláá kulɔ a ɲələ, ka hin nɔ.

Levetekɔ 16:29

«Ka hiɛ pələ ka tii a yələ kəlee. Ɲąnin mɛ̨ihveelɛnąą nwɔ hvóló pow yələ, mąąnɛ̨ɛ̨ ka hin nɔ, ka hvo kólói lɔpee ta kɛ, ə kɛ a nɔi lon ə mą kɛ a nwɛ̨ąi heeni ka kɔ́wɔ mɛ̨i.

Korɛntə dɔlɔɔ 7:5

'Ká hvo lənə ka kee ɓa, hvo kɛli ə kɛ a ka nu hveelɛi ka laa mąą woo, kaa gɛ tii Yálá hvɛli mɛ̨nį ɓa. Yili pulu, ka pənə ka ɉilɛtaai yíi ɓo yɛ bələi mąąnɛ̨ɛ̨ la, a wala kɛ tii ka wala pɛli ka kpɔwɔ hu hon ɉii, ka too ɓilihi ŋą ɲąąhɛn hu.

Lonon mo 30:12

ɉilɛ a gbaɠala kaa, hva mɛ̨nį ta ɓo mą, hva lənə nwoo ɓa, wooi lɔpee nɛ̨ɛ̨nui tii ə mo, gaa mą, mɛ̨nįi lɔpee ə gwɛla ɉu a gbɔwɔ yili pələ, gaa mą.

Lonon mo 30:14

Mɛ̨nįi lɔpee nɛ̨ɛ̨nu a naakwɛlanmo a gwɛla pələ ɉu, ɉilɛ ɓə a pɛli nɛɛi mą, a wala kɛ tii ə ɉəɠə mą.