Lonon mo 3:25 - Yálá laawoo hɛɓɛ (dc)

²⁵ Gɛrsɔn lonnii di wɔ kólói di kɛi gɛ gee kaa kələ mu, ya ɓaa: Gee kaa kələ mɛ̨i kaa mɛ̨nį da ɉəɠəi ŋɛ̨i di kɛi ɉɛlɛn bələi.

Yálá laawoo hɛɓɛ

²⁵ Gɛrsɔn lonnii di wɔ kólói di kɛi gɛ gee kaa kələ mu, ya ɓaa: Gee kaa kələ mɛ̨i kaa mɛ̨nį da ɉəɠəi ŋɛ̨i di kɛi ɉɛlɛn bələi.

Bible

²⁵ Gɛsɔŋ ǹônii-sinaai dítii ƃé kɛ̀ a gɛɛ dí Zua kɔlɔ seɣe pɛrɛ maa waai mɛi káa. Dí banaŋ ma seɣe-ƃelai da zu-pere seɣe-ƃelai mɛi káa é pɛ́lɛ bɛ́rɛi láƃelei-seɣei mâ.

Lonon mo 3:25 Referans Kwoze

Lɛɛ gbɔwɔ ɓa 25:9

Gáá pai bɛlɛ́ tɔɔ pələ lɛi yɛ́ da mu hɛnŋąą kəlee, mąąnɛ̨ɛ̨ ka gɛ kpɔlɔ ɲą́ą́lee yɛ bələi gáá pai nɛi la yɛ́.

Timote dɔlɔɔ 1:18

Nón Timote, mɛ̨nįi gáá ə́ mąąkwɛlii mąi, bɛliɛi Yálá kwəi mɛ̨nįɠaai di mo ə́ mąą mɛ̨nį hu, mą; ə gɛ, nwooɠaa tii di ə́ hvaŋąlɔ, yɛ pɛli kɔ́ lɛlɛɛ kɔ́i,

Kolosə 4:17

Ka mo Arsipə ɓa, kaa mą: tiɓo yii gu Ną́mu Jesus aa dɛɛ bɔ, ə ɉon a nɛlɛɛ, ə naa kulɔ.

Markə 13:34

Nąąlɔwai kɛ pələ kaa pai kɛi yɛ: Hulɔnu ta yii kɛi li hiɛ ɓa, gɛɛ kulɔi ɲəi bɛlɛ́n ə bɛlɛ́n diɓoɠaa kalihvaɓo nwɔ tínuą diɛ. Ə nu kəlee kɛ kólo tɛɛ bɔ, yɛ bɛlɛ́ laaləi mɛ̨i kaa mun mą: ‹Ə ɲɛ̨i kɛ bɛlɛ́ laaləi.›

Kɔlɔnikɔ Veerɛi 31:2

Ezekiasə ə ɉaláá laa həli nuą da lévi lonnii heekpəlin na kɛ, ə di hee a di kpulu, ə di kɛ kolóɠaa lɛ diɛ. Ɉaláá laa həli nuą da lévi lonnii di yee ə lɛɛ ɉaláá hɛn da gəlee kələn mąą mɛ̨nį ɓa, niilaa haláá, goló mɛ̨nį, Yálá hɛɠɛɛɓo mɛ̨nį da mąątɛ̨nɛ̨ mɛ̨nį ɓa Yai-Laa ŋą kwəlii laaləi.

Kɔlɔnikɔ Maa-ŋuŋ 23:32

Diɛ ɓəgee kaa kələ mąą mɛ̨nį hɛlɛn ŋąą kɛ diɛ, diɛ ɲɛ̨i kulɔ, ə pɛlɛ la di kaayɔwɔɠaai kɛ a Aarɔn lonnii da kólo kɛ Yai-Laa nwɔ pɛlɛ́i mu, di mąą mɛ̨nį, da ɉɛnŋąąi naakwɛlanmoɔ Yálá ɓa.

Lonon mo 10:17

Di gee kaa kələ kulɔ di ŋąli gee ŋą. Gɛrsɔn lonnii da Merari lonnii ɓə gee kaa kələ həɠə diɛ li la.

Lonon mo 7:7

Ə wotolo hveelɛ da nįŋɛ̨ nąąn dɛɛ Gɛrsɔn lonnii pɔ, yɛ bələi mąą kpaan ə kɛ la diɛ, di wɔ kólói hu.

Lonon mo 3:7

Di kaa pai kɛi kóló kɛi, da diɛni diɛ nɔi lonnii kəlee mąą kóló kɛ gee kaa kələ mu. Diɛ pɛli gee kaa kələ mąą mɛ̨nį kəlee ɲɛ̨i kulɔi.

Lɛɛ gbɔwɔ ɓa 40:28

Ə ɉəɠə ɓɛla hɛlɛn bɛlɛ́ laaləi.

Lɛɛ gbɔwɔ ɓa 40:19

Ə ɉəɠə ɓɛla kɛnɛ̨ pɛlɛ gəlee nwun mɛ̨i, ə gələ mɛ̨i kpulu, yɛ bələi Yai-Laa ə dí la.

Lonon mo 1:50

Gee kaa kələ mąą mɛ̨nį lɛɛ Levi lonnii nwuɔ̨, da mu hɛnŋąą diɛ ɓə mąąnɛ̨ɛ̨ diɛ gbəŋəi, da mu hɛnŋąą kəlee, diɛ kóló kɛ mu; ɛlɛɛ, di di wɔɔ həɠə pɛlɛ́ɠaa tɔɔ gwɛlɛ, di mąątínɛ̨n na.

Lonon mo 3:24

Gɛrsɔn yəi bɛlɛ́n nuą nwun nąmu ɓa kɛ a: Ɛliasafə, yai kɛ a Laɛlə lon.