Lonon mo 29:17 - Yálá laawoo hɛɓɛ (dc)

¹⁷ «Voló hveelɛ yələ, nįŋɛ̨ hilɛ pow kɔ́w hveelɛ, ɓɛlaa hilɛ hveelɛ, kwɛlan dɔ̨nɔ̨ ɓɛlaa hilɛ pow kɔ́w nąąn yiiɠaai kpɛɠii hva kɛ da ɓa.

Yálá laawoo hɛɓɛ

¹⁷ «Voló hveelɛ yələ, nįŋɛ̨ hilɛ pow kɔ́w hveelɛ, ɓɛlaa hilɛ hveelɛ, kwɛlan dɔ̨nɔ̨ ɓɛlaa hilɛ pow kɔ́w nąąn yiiɠaai kpɛɠii hva kɛ da ɓa.

Bible

¹⁷ Ŋ̀ele-kûui veerɛ-ɣelei ka niŋa-sirɛ loŋ puu káo feerɛ kúla a sâla, ƃála-sirɛ feerɛ é pɛ́lɛ kóraŋ tɔnɔ ƃala-sirɛ puu káo náaŋ ma nyii-ŋai pɔ́ɔ fé diai.

Lonon mo 29:17 Referans Kwoze

Hebreu 8:13

Da kɛi mįnɛ̨ nįnɛ̨ mɛ̨nį ɓo, dɔlɔɔ ti kɛ laa, yili aa bɔlɔ kɛ, yaan, hɛn a bɔlɔ kɛ, gbɛɛ hiɛ li.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Osia 6:6

Mąąhɔlɔɓo mɛ̨inɛ̨ɛ̨ kɛɛ ɓə a níí hon, haláá kulaa hvəi, ɛlɛɛ, gɛ́ Yálá kɔ́lɔn mɛ̨nį hviɛlaɓo taatɛlɛɛ kələnŋąą a haláá ɓa.

Azaya 1:11

Ka wɔ haláá tamąąi ka ka gulɔi, Və́ kɛa da bɔ. Ɲą́ą́ Yai-Laa nwɔ́ɔ́ li, mɛlaa ka gulɔ mą́ą́ a haláái da gəlee kələn, ə mą kɛ a nįŋɛ̨ gbɔn nwulɔɠaai ka gulɔ mą́ą́ a haláá, ŋą́ą́ pilɛ ɉu. Nįŋɛ̨ hilɛ ɲąmąɠaai, mɛlaa lon da molu ɲąmąɠaa, nąą wɛli hvo kɛa mą́ą́.

Mąątɛ̨nɛ̨ 69:31

Nąąlɔwai, gáá pai Yálá laa mąąwiɛi a wələ woo; gɛ́ naa tɛ, gɛ́ ɉɛɠɛɛɓo.

Mąątɛ̨nɛ̨ 40:6

Yai-Laa nwɔ́ Yálá, mɛ̨nįɠaai yáá giliŋąhiɛ kɛ yɛ hvilɛn na kuɔ, da gwɛlɛɛn mɛ̨nįɠaa, gbɛa kpɛai! Ə́ pɛli hva hɔlɔɓo. Gáá bɔ ŋą́ yili hukulɔ, gɛ́ mo lɔ a yələ kəlee; Kɛlaa, gəlee hva pɛli ɓoi, di tamą pələ ɓa.

Lonon mo 29:13

Ka kɔ̨nɔ̨n mąą kun nɛ̨ɛ̨ tɛɛ Yai-Laa pɔ a haláái da gəlee kələn, yɛ niilaa, nįŋɛ̨ hilɛ pow kɔ́w haaɓa, ɓɛlaa hilɛ hveelɛ, kwɛlan dɔ̨nɔ̨ ɓɛlaa hilɛ pow kɔ́w nąąn, yiiɠaa kpɛɠii hva kɛ da ɓa.

Levetekɔ 23:36

Voló mɛ̨ihveelɛi tii kəlee yee mu, mąąnɛ̨ɛ̨ kaa haláá kulɔ Yai-Laa ɓa, a haláái da gələn. Voló mɛ̨ihaaɓa yələ, ka ka ɲąąkpɔn, ka haláá kulɔ Yai-Laa ɓa a ɲələ. Volói tii ɓə gaa a ɉɛli ɲee laa kulɔ yələ, ka hva kóló walawala ta kɛ a mąą yələ.

Lɛɛ gbɔwɔ ɓa 12:5

Mɛlaa lon, di kaa pai gɛi la, mąąnɛ̨ɛ̨ ə kɛ a ɉilɛ, aa kwɛlan dɔ̨nɔ̨ kɛ, kpɛɠii hvo kɛ mą, gɔlɔi pɔ̨nɔ̨ɔ̨, ka pɛli ka ɉəɠə ɓɛlaa lonnii, awala kɛ tii, ɓolu lonnii lɔwai.