Lonon mo 29:1 - Yálá laawoo hɛɓɛ (dc)

¹ «Ɲąnin mɛ̨ihveelɛnąą nwɔ hɛli yələ, ka ka ɲąąkpɔn, ka kwɛlihvilɛn Yálá ɓa; ka hva kóló walawala ta kɛ a ka yee a ɉɛli yələ.

Yálá laawoo hɛɓɛ

¹ «Ɲąnin mɛ̨ihveelɛnąą nwɔ hɛli yələ, ka ka ɲąąkpɔn, ka kwɛlihvilɛn Yálá ɓa; ka hva kóló walawala ta kɛ a ka yee a ɉɛli yələ.

Bible

¹ Ŋ̀áloŋ ǹɔ́ɔlu mɛi feerɛi ŋɔɣele-kûu maa-ŋuŋ ɣelei, ka Ɣâla fɛli koyaŋ maa waa tóo, káfe tíi da kɛ̀. Gáa a túru fɛ́ɛ-ɣêle kámɛni ma.

Lonon mo 29:1 Referans Kwoze

Zakari 9:14

Yai-Laa kaa pai kɛi di nwun mɛ̨i, nwɔ mɛ̨ɛ̨kɔwi kaa pai kɛi lii, yɛ yələgbąnąą a kɛi yɛlɛ. Nąmu Yai-Laa, yɛ túlú hvɛɛ gɔ́ ɓa, yɛ həɠə ɉɛɠɛɛ pələ tulɔ hvaŋą hu yɛ pa.

Azaya 27:13

Mąą hvólói, túlu kɛnɛ̨ woo kaa pai tɔɔi, nuąi kɛ daa pili, di kaa pai həɠəi Asiri lɔi hu diɛ pa; da nuąi ta di di kpɛ Eziptə lɔi hu, di kaa pai pɛlɛi Yai-Laa lííla, ɲee mąąhəɠɛɛ nwuɔ̨ Ɉerusalɛmə.

Mąątɛ̨nɛ̨ 89:15

Ə́ wɔ tɔɔkpəlin hvilɛn ŋąą tələnmolaa da tɛ̨ą di mɛ̨i; wɛlikɛmąąlaa da tɛ̨ą mɛ̨nį diɛ hiɛ ə́ ɲɛ̨i ɓa.

Ɛsdrasə 3:6

Ə gɔwɔ tɔɔ ɲąnin mɛ̨ihveelɛ nwɔ hvóló dɔlɔɔ tii ɓa, haláá hɛn yii da gəlee kələn, di kɛi gulɔ Yai-Laa ɓa. Kɛlaa, di hvo ni kɛ Yai-Laa hee pɛlɛ́ tɔɔ li.

Kɔlɔnikɔ Maa-ŋuŋ 15:28

Israɛlə nuą kəlee di kɛi pa a Yai-Laa nwɔ mįnɛ̨ kəhii kwəinɛ̨ɛ̨ woo kɛnɛ̨ hu, diɛ túlú hvɛɛ, diɛ lalo yɔw, diɛ gwɛnįn ɲɔw da bɛlɛgwəi.

Mąątɛ̨nɛ̨ 81:3

'Ka vɛ́liɠaa pu mą! 'Ka mala woo kulɔ, gwɛnįn nwoo nɛ̨ɛ̨, da bɛlɛgwəi.

Lɛɛ gbɔwɔ ɓa 23:16

Ka mɔ̨nun dee hɛli pu, ka kɛ kólóɠaa da ɉɛnŋąąi ka ɉin ka pɔ yɛa, di ɓá dɔlɔɔ-tɔlɔɔ hɛli li. Gwɛlan naa kulɔi lɔwai, ɉɛnŋąąi ka ɉin, ka kɛi di ɓáɠaa pui kɛ, ka yili ɉɛli pu.

Lɛɛ gbɔwɔ ɓa 34:22

«Mąąnɛ̨ɛ̨ ka nɔwɔ mɛ̨ihveelɛ hɛli pu a ɉihɛn dɔlɔɔ kulɔi lɔwai, ɛlɛɛ, ka mɔ̨nun dee hɛli pu, a gwɛlan naa kulɔi lɔwai.

Levetekɔ 23:23

Yai-Laa yɛ Moisə ɓa:

Lonon mo 28:26

«Ka kɛ kóló má tɔlɔɔɠaa mąą hɛli pu yələ, ka kɛi pa Yai-Laa kɔ́i a ka pɔ yɛa ɓá nįnɛ̨ɠaa a nɔwɔ mɛ̨ihveelɛ hɛli yələ, mąąnɛ̨ɛ̨ ka ɲąąkpɔn mąąhəɠɛɛ too; ka hva kóló ta kɛ a mąą yələ.

Lonon mo 29:2

Ka haláái da gəlee kələn gulɔ Yai-Laa ɓa, mąą kun nɛ̨ɛ̨, yɛ niilaa. Ka gɛ a nįŋɛ̨ tɔ̨nɔ̨, da ɓɛlaa hilɛ tɔ̨nɔ̨; da kwɛlan dɔ̨nɔ̨ ɓɛlaa lonnii mɛ̨ihveelɛ, yiiɠaa kpɛɠii hva kɛ diɛ.

Lonon mo 29:12

«Ɲąnin mɛ̨ihveelɛnąą nwɔ hvóló pow kɔ́w lɔɔli yələ, ka ɲąąkpɔn mąąhəɠɛɛ too, ka hva kóló walawala ta kɛ. Ka Yai-Laa mąąwiɛ hvóló mɛ̨ihveelɛ yee mu.

Levetekɔ 23:7

Nɔwɔ kuu voló tɔlɔɔ yələ, ka ka ɲąąkpɔn, ka hva kóló walawala ta kɛ.

Lonon mo 29:35

«Voló mɛ̨ihaaɓa yələ kaa a ɉɛli laa kulɔ yələ. Ka hvo kóló walawala ta kɛ.

Nehemi 8:2

Ɉaláá laa həli mun Ɛsdrasə ə pa a dɔ́n ɉɛɓɛ́ nu kpɔn gəlee ɲɛ̨i ɓa; hinąą mąn, nɛ̨ąą mąn, ə mą kɛ nui lɔpee a mɛ̨nį hukpɛ, di kəlee di kɛ laa, ɲąnįn mɛ̨ihveelɛ naa nwɔ dɔlɔɔ tɔlɔɔ li kɛ.