Lonon mo 28:30 - Yálá laawoo hɛɓɛ (dc)

³⁰ Yili pulu, ka ɓolu hilɛ tɔ̨nɔ̨ kulɔ a nɛ̨ŋɛ̨n mąąhvaalɛɛ haláá, diɛ nɛ̨ŋɛ̨n mąąhvaalɛɛ woo ɓo ka mɛ̨i.

Yálá laawoo hɛɓɛ

³⁰ Yili pulu, ka ɓolu hilɛ tɔ̨nɔ̨ kulɔ a nɛ̨ŋɛ̨n mąąhvaalɛɛ haláá, diɛ nɛ̨ŋɛ̨n mąąhvaalɛɛ woo ɓo ka mɛ̨i.

Bible

³⁰ Ka ƃoli-sirɛ tɔnɔ kula máŋ a sâla kásɔnyɔ̂ŋ su-mɛni-lɛɛ mɛni ma.

Lonon mo 28:30 Referans Kwoze

Lonon mo 28:22

Yili pulu, ɓolu hilɛ tɔ̨nɔ̨ a nɛ̨ŋɛ̨n mąąhvaalɛɛ haláá, a nɛ̨ŋɛ̨n mąąhvaalɛɛ woo ɓo mɛ̨nį ɓa ka mɛ̨i.

Lonon mo 28:15

Yili pulu, ka ɓolu hilɛ tɔ̨nɔ̨ kulɔ a haláá Yai-Laa ɓa, a nɛ̨ŋɛ̨n mąąhvaalɛɛ haláá, ka bɛlɛ yələ kəlee haláái da gələn mą, da nɔɔi mąąnɛ̨ɛ̨ di paa la.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Lonon mo 15:24

nui a da mąą kala nɔi lonnii tɛɠii, nɔi lonnii kəlee da nįŋɛ̨ hilɛ tɔ̨nɔ̨ kulɔ Yai-Laa ɓa a haláá hɛn da gəlee kələn, mąą kun nɛ̨ɛ̨, da ɉaláá yiiɠaai tii da gɔ́ hɛnŋąą pɛlɛ mą, yɛ bələi gɛ pələ pɔlɔ kaa la. Di ɓooli tɔ̨nɔ̨ kɛ a nɛ̨ŋɛ̨n mąąhvaalɛɛ hɛn.

Zɛnɛse 37:31

Nəɠəni di ɓolu hilɛ ta hon, di nwun dee, di Ɉosɛfə nwɔ həɠəi lɔ ɲąmą hu.

Levetekɔ 23:19

Ka nɛ̨ŋɛ̨n mąąhvaalɛɛ haláá kulɔ a ɓooli hilɛ, ka liilaa haláá kulɔ a kwɛlan dɔ̨nɔ̨ ɓɛlaa hilɛ hveelɛ.

Lonon mo 28:29

Kilə haaɓa ɓə ka bɛlɛ ɓɛlaa lonnii tɛi tɛi ɓa.

Lonon mo 28:31

Ka ɉɛnŋąąi tii kəlee pɛlɛ ɉaláái mąąnɛ̨ɛ̨ di gəlee kələn mą, ka gulɔ a yələ kəlee, da Yálá kɔ́ hɛn dakpɛliɠaa, da nɔɔi mąąnɛ̨ɛ̨ ə pɛlɛ diɛ. Ka gɛ a taatɛlɛɛɠaai kpɛɠii hva kɛ diɛ.