Bib sou entènèt

Lonon mo 28:11 - Yálá laawoo hɛɓɛ (dc)

¹¹ «Ɲąnin gəlee kɔ́wɔ tɔɔ hvóló, mąąnɛ̨ɛ̨ ka Yai-Laa kɔ́, a haláá hɛn da gəlee kələn, ka gɛ a nįŋɛ̨ hilɛ hveelɛ, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lonnii mɛ̨ihveelɛ. Kpɛɠii hva kɛ da ɓa.

Gade chapit la Kopi

Yálá laawoo hɛɓɛ

¹¹ «Ɲąnin gəlee kɔ́wɔ tɔɔ hvóló, mąąnɛ̨ɛ̨ ka Yai-Laa kɔ́, a haláá hɛn da gəlee kələn, ka gɛ a nįŋɛ̨ hilɛ hveelɛ, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lonnii mɛ̨ihveelɛ. Kpɛɠii hva kɛ da ɓa.

Gade chapit la Kopi

Bible

¹¹ “Ɣáloŋ kélee ŋɔfóloi maa-ŋuŋ ka géreŋ-salai ŋí kúla Yâwɛɛ mɛni ma. Niŋa loŋ-sirɛ feerɛ, ƃála-sirɛ tɔnɔ é pɛ́lɛ kóraŋ-tɔnɔ ƃala-sirɛ lɔ́ɔlu mɛi feerɛ ma nyii-ŋai pɔ́ɔ fé diai.

Gade chapit la Kopi

tounen moute ⬆

Lonon mo 28:11
32 Referans Kwoze

Lonon mo 10:10

Ka wɔ hɛli hvólóɠaa, da ka wɔ ɲąnin nįnɛ̨ nwɔ hɛliɠaa, a wala kɛ tii hɛli mąąwiɛi takpɛliɠaa hu, ɓɛlɔwai ka kɛi haláá hɛn gələn na, kaa nɛ̨ɛ̨yɔwɔ laa haláá kulɔ, ka dúlúɠaai tii hvɛɛ, ə gɛ ka ka nąą kili too la Yai-Laa ka wɔ Yálái ŋą. Ɲą́ą́ Yai-Laa ka wɔ Yálá.»

Izikiɛ 46:6

Ɲąnįn nįnɛ̨ yələ nwɛi, a gɛ a nįŋɛ̨ hilɛ gbɔn, yii kpɛɠii hva kɛ mą.

Kolosə 2:16

Ə həɠə kɛa yiihu ɓa, nu ta hvo kɛa ɲɛ̨i hvala: kɔ̨nɔ̨n mɛ̨nį ɓa, ə mą kɛ, a kpələ hɛn mɛ̨nį, hɛli mɛ̨nį, ɲąnįn nįnɛ̨ mɛ̨nį, awala kɛ tii, túwɔ́ yələ mɛ̨nį.

Osia 2:11

Yili maą mɛ̨nį ɓa, gáá pai pənəi ŋį́ nwɔ́ mɔ̨nun həɠə ɲəi, ɲələ a həli, da nwɔ́ lɔɔ nɛ̨ɛ̨i, a ɲələi ŋą́ kɛ la bɔ, gɛ́ nwɔ́ həɠəɠaai kulɔ ɲəi, diɛi tii kɛi mąąkpulu.

Ɛsdrasə 3:5

Yili pulu, haláá hɛn yii da gəlee kələn, yii di kɛi gulɔ a kwɛlan gəlee, ɲąnin dɔɔ nįnɛ̨ mąą mɛ̨nį ɓa, di yili kɛ, da Yai-Laa mąąwiɛ hɛli kəlee, ə mą kɛ, a nuąi kɛi naagwəi mɛ̨inɛ̨ɛ̨ kɛ Yai-Laa ɓa.

Kɔlɔnikɔ Veerɛi 2:4

Bɛlɛi gáá bɔ ŋį́ dɔɔ, a kɛ a pɛlɛ kɛnɛ̨; gbala ə tɔɔ, ku wɔɔ Yálái kɛnɛ̨i yálá kəlee ɓa.

Kɔlɔnikɔ Maa-ŋuŋ 23:31

Ɓɛlɔwai lɔpee di kɛi Yai-Laa kɔ́ la a tuwɔ́ lɔwɔ yələ, a ɲąnįn nwɔ hvóló dɔlɔɔ, awala kɛ tii a hɛli yələ ta, da gɛ a haláá hɛn da gəlee kələn, yɛ bələi ɉaláá hɛn nonon ŋąą kaa la a yələ kəlee, diɛ gɛ tii Yai-Laa lííla.

Samuɛlə dɔlɔɔ 20:5

Davidə yɛ Ɉonatan ɓa: «Tínąą ɓaa ɲąnin mįnɛ̨ hɛli, mąąnɛ̨ɛ̨ kɛ ŋą́ hee tɔɔmun gwɛlɛ kɔ̨nɔ̨n mįi kɛi lɔwai; kɛlaa, hvaa mą ŋą́ li ŋą́ nóo ɲɛɛ kɔ́wɔ hu, ə lɛɛ la ɉu hvəlaan yələwulii pɔ.

Kolosə 2:6

Yili ɓa, ká lɛɛ kani ká ɲɛ̨i tɔwɔ ká wɔɔ pələi mɛ̨i Kristə hu, a Jesus a gu Nąmu, yai ká ɉɔlɔɓo;

Galatə 4:10

Ɛlɛɛ, káá hvólóɠaa, ɲąnįnɠaa, lɔwaiɠaa da kwɛlanŋaa kaa kpɔ tii a mɛ̨nį walawala-o!

Amɔsə 3:5

Nwɛ̨ni a mɔ̨ɔ̨ too mąląąn ŋą, akɛ niiɓa hɛn və laa? A pɛlɛ gee la akɛ hɛn da hvo too li ɉu?

Izikiɛ 46:1

Mɛ̨nį kəlee ŋą Hééɓomun Yálá woo ka, yɛ: Bɛlɛ́n bələ, ɲiman mu, kpon tii ɲɛ̨i heɛ voló kulɔi pələ, naa a kɛ a gbulɔɔ, góló kɛ hvóló mɛ̨idai yeemu; kɛlaa, da naaɓo a vįitɔɔ yələ. Da naaɓo lɔ nwɔ̨nɔ̨ a ɲąnin dɔɔ nįnɛ̨.

Azaya 66:23

Yai-Laa woo ka, yɛ diɛ: Nu huwu kəlee kaa pai pai ɓɛ, diɛ di woo tɛ bɔ́ pələ, a ɲąnin dɔɔ pələ tɛitɛi, da túwɔ́ hvoló tɛitɛi, ɛlɛɛ, yili kaa pai kɛi, hva ɉəɠə mą.

Mąątɛ̨nɛ̨ 81:3

'Ka vɛ́liɠaa pu mą! 'Ka mala woo kulɔ, gwɛnįn nwoo nɛ̨ɛ̨, da bɛlɛgwəi.

Mąątɛ̨nɛ̨ 40:8

Nąąlɔwai, ŋį́ mo gɛ́ diɛ: «Ɲą́ą́ ka, ŋą́ą́ pa, a hɛɓɛ́ yili ta yii di bɛ̨ɛ̨ a náá.

Mąątɛ̨nɛ̨ 40:6

Yai-Laa nwɔ́ Yálá, mɛ̨nįɠaai yáá giliŋąhiɛ kɛ yɛ hvilɛn na kuɔ, da gwɛlɛɛn mɛ̨nįɠaa, gbɛa kpɛai! Ə́ pɛli hva hɔlɔɓo. Gáá bɔ ŋą́ yili hukulɔ, gɛ́ mo lɔ a yələ kəlee; Kɛlaa, gəlee hva pɛli ɓoi, di tamą pələ ɓa.

Nehemi 10:33

Yii hvilɛn na kuɔ kpinį kuɔ, ku kaa pai wali kwələ tɛitɛi kulɔi kwɛlan dɛitɛi ɓa, guɔ Yálái nwɔ pɛ́lɛ́i mąą mɛ̨nį ɓa.

Tɔɔɓɛlaa veelɛ 4:23

Ɉilɛ yɛ mą: «Lə mɛ̨nį ɓa, yɛ́ ə́ li háákələi laa? Yaan, hvo kpɛli a ɲąnin dɔɔ nįnɛ̨, hvo nwɔ̨nɔ̨ a túwɔ́ lɔwɔ?» Nɛ̨ɛ̨nui yɛ ɉilɛ ɓa: «Hvó ə́ liihɛlɛn!»

Lonon mo 28:19

Kaa kɔ̨nɔ̨nŋąą laa həli Yai-Laa ɓa, a haláái da gələn. Nįŋɛ̨ hilɛ hveelɛ ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lonnii mɛ̨ihveelɛ, a taatɛlɛɛɠaai kpɛɠii hva kɛ diɛ.

Levetekɔ 1:3

«Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Levetekɔ 1:9

Di gwəi hɛnŋaa da gɔwɔ kwąnąɠaa mąą waa, ɉaláá laa həli mun a gəlee kələn ɉaláá kulɔi. Yili kaa a haláá hɛn yii da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 1:13

Di gboyɛliɠaa da gɔwɔ kwąnąɠaa mąą waa. Ɉaláá laa həli mun a gəlee laa həli Yai-Laa ɓa, ə gəlee kələn ɉaláá kulɔi; yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Samuɛlə dɔlɔɔ 9:12

Yiliɠaa diɛ mą: «Ee! Lɛɛ lɔ ə́ ɲɛ̨i tɔwɔ ə́ li, kɛlaa, ə́ mąąhulɔ ə́ li, mąąhɔlɔɓo, ə pa taai háákələi, gbala ə tɔɔ, taa haláá kulɔ mɛ̨nį kaa laa ɉaláá kulɔi.

Kɔlɔnikɔ Veerɛi 8:13

ə kɛi gulɔ yɛ bələi ɲələ tɛitɛi kəlee ŋą haláá kulɔ pələ ə kɛ la, a bələi Moisə ə mąą tɔ́n naa la. Vįitɔɔ yələɠaa nwɛi, ɲąnįn dɔɔ nįnɛ̨ɠaa, da ɉɛli yələɠaa; di kɛi gɛ gee mɛ̨i haaɓa kwɛlan dɛitɛi kəlee yee mu. Nɛɠɛi hvo tɛ li mąą hɛli, nɔwɔ mɛ̨ihveelɛ hɛli, da gələɠaa mąą hɛli.

Izikiɛ 46:7

Dɔɔmun a Yálá kɔ́ a Eifa tɔ̨nɔ̨, a nįŋɛ̨ nwɛi; ɛlɛɛ Eifa tɔ̨nɔ̨ a mɛlaa hilɛ nwɛi. Mɛlaa lonnii di wɛi, yii lɔpee a too ɲəi. Nwulɔ nwɛi, a kɛ a hin tɔ̨nɔ̨ da Eifa tɔ̨nɔ̨.

Amɔsə 8:5

Ka kɛ kɛi diɛ: «Mįnɛ̨ lɔwai ɓə ɲąnin nįnɛ̨ nwɔ hɛli puɔ kaa pai tɛɛi la, ə gɛ, ku ku wɔ mɔ̨nunŋaai lɔwɔ́tɔɔ? Ɛlɛɛ, mįnɛ̨ lɔwai ɓə túwɔ́ lɔwɔ a kpɛɛ la, ə gɛ, ku ku wɔ kɔ̨nɔ̨n gələɠaai laa ɓo? Ka kɛ ɉɛnŋąą kɔ́ɔn gəgənŋąą kpon dɛi ɉu, ə gɛ ɉu ɛlɛɛ tiikpə.

Kɔlɔnikɔ Veerɛi 2:3

ya ka, gáá bɔ ŋį́ pɛlɛ́ tɔɔ Yai-Laa nwɔ́ Yálái ɓa, ə kɛ a pɛlɛ mąąhəɠɛɛ, diɛ hɛn gunnɛ̨ɛ̨ɠaa kələn ɉii laa nií la, haláá hɛnŋąą di ɓo lɔ laani nií la a yələ kəlee da haláá hɛn da gəlee kələn yələwala da yələwulii, a túwɔ́ yələɠaa, ɲąnįn dɔɔ nįnɛ̨ɠaa da Yai-Laa ku wɔɔ Yálái nwɔ hɛli yələɠaa; yili kaa pai kɛi tii a yələ kəlee mɛ̨nį Israɛlə lɔi hu.

Mąątɛ̨nɛ̨ 81:4

'Ka túlu hvɛɛ ɲąnįn nįnɛ̨ ɓa, a ɲąnįn ɉee yələ yee ɓa, a gu wɔ hɛli yələ.

Swiv nou:

Lyen patwone

Piblisite

Piblisite