Lonon mo 27:17 - Yálá laawoo hɛɓɛ (dc)

¹⁷ Mąą nu yɛ li, yɛ pa, yɛ ɓo nuą ɲɛ̨i tɔwɔ, yɛ di lɔ, yɛ di kulɔ; ə gɛ, Yai-Laa nwɔ nu kpului hvo pa lɛɛ lɔ yɛ taatɛlɛɛi mɛ̨i kaa mun və mą.»

Yálá laawoo hɛɓɛ

¹⁷ Mąą nu yɛ li, yɛ pa, yɛ ɓo nuą ɲɛ̨i tɔwɔ, yɛ di lɔ, yɛ di kulɔ; ə gɛ, Yai-Laa nwɔ nu kpului hvo pa lɛɛ lɔ yɛ taatɛlɛɛi mɛ̨i kaa mun və mą.»

Bible

¹⁷ nyii pâi siâi a dia é lí a dia ƃɛ́i kélee da liî naa é pá pôlu a diai, a gɛɛ dínûai dífe kɛ̀ yɛ̂ɛ ƃála-ŋa nyii-ŋai dítuɛ-nuu fé mai.”

Lonon mo 27:17 Referans Kwoze

Izikiɛ 34:5

Daatɛlɛɛɠaa daa taɠa taɠa, mąąhɔlɔɓo di laa hɔn mo mun və kɛli mą; ɛlɛɛ, daa lɛɛ a lɔwɔ huwɔɠaa kɔ̨nɔ̨n. Di hu aa taɠa taɠa.

Markə 6:34

Ɓɛlɔwai Jesus ə kulɔ la gələn ɉu, ə nu kpulu kɛnɛ̨i tii kaa, di ɲɛ̨imąąwɛli ə ɉon. Mąąhɔlɔɓo, di kɛ pələ ə kɛɛ yɛ ɓɛlaa kpulu yii mɛ̨i kaa mun və mą. Ə di kalan a mɛ̨nį tamąą.

Tɔɔɓɛlaa dɔlɔɔ 22:17

Nąąlɔwai, Mise ə mo kɛa, yɛ diɛ: «Ŋą́ Israɛlə nuą kaa, di taɠa taɠa ɲeeɠaa ɓa, yɛ ɓɛlaaɠaai di mɛ̨imun və mą. Yai-Laa yɛ diɛ: ‹Di nąmu hvo kɛa diɛ, di pənə kani di li nu kəlee ə hee ɲəi bɛlɛ́ laaləi.›»

Maafîu 9:36

Yii kɛa Jesus ə nu kpulu kɛnɛ̨i tii kaa, di mąą wɛli ə ɉon. Mąąhɔlɔɓo, di kɛ pələ ə kɛ yɛ ɓɛlaaɠaai di pulu mun və mą, di hviikpɛɛ, di taɠa-taɠaa.

Zakari 10:2

Hvo gaai, haliɠaa daa hvaa, nu hvo ɲąą kaa li, ɛlɛɛ, dɔlu kpɛ nuą daa lɛ́ɛ́ tɔlu kpɛ, ɉįi nwooɠaai da ɉu kulɔ, nwun va kɛ mą, diɛ nuą lii laa woo ɓo, a di ɓowo pələ. Yili ɓə gɛi, nɔi lonnii daa lan, yɛ ɓɛlaa kpulu, di mąąwɛliɛ, gbala ə tɔɔ, di ɲąą kɔ́n nąn və mą.

Kɔlɔnikɔ Veerɛi 1:10

Gɛ́, ə́ mɛ̨nį hukpɛ kili tɛɛ bɔ́ da ɲąąkaa kili, gɛ́ pɛli ɉíɛ pələ ɲɛlɛkɛi nɔi lonnii ɲɛ̨i ɓa. Gbala ə tɔɔ, nu ta lɔpee hva pɛli ə́ nwɔ nu huwu kɛnɛ̨i ŋɛ̨i ɲąąwooɓoi.»

Dutɛrɔnome 31:2

«Háákələi, gáá kwɛlan aa kɛ a kwɛlan nwun dɔ̨nɔ̨ ɲee hveelɛ; vá kɛa pɛli lɛɛi ɲąąwooɓo laa hu, ə lɛɛ, Yai-Laa aa mo mą́ą́ yɛ mą: ‹Ɉurdɛn yái ŋɛ̨i ə́ kaa gaai, hvó pai deen ɉii.›

Tɔɔɓɛlaa dɔlɔɔ 3:7

Yai-Laa nwɔ́ Yálá, yiihui ŋɛ̨i, yɛ́ ɓə hvaa mą, ɲą́ą́ ŋɛ̨i a ə́ wɔ luwɔ, ə́ ɉéé a ną́n Davidə mąąhvalin, gáá a hulɔnon, və́ ni wala ɲąąwooɓo kɛ.

Samuɛlə dɔlɔɔ 18:13

Yili ɓə gɛ, Saulə ə Davidə mąą kwɛa mą, ə ɉee kuláá waa tɔ̨nɔ̨ na. Ə həɠə ɲələ ɓa, Davidə ə kɛ nuą tii nwun na.

Samuɛlə dɔlɔɔ 8:20

Ku kaa bɔ ku kɛ yɛ lɔi takpɛliɠaa, kuɔ tɔɔmun kaa pai kɛi ku ɲąąwooɓoi, yɛ tɔɔ ku nwun na, yɛ ku nwun mąąkɔ̨nwɔ̨ kɔ́ɠaa ɓa.»

Piɛrə dɔlɔɔ 2:25

Mąąhɔlɔɓo, ká kəlee ká lanŋąąi kɛ yɛ ɓɛlaaɠaa, kɛlaa yiihu kɛa, káá ká ɲɛ̨i tínɛ̨n ká mɛ̨ikaamun bɔ pələ, yai a ɲɛ̨i kɛ ká nįiɠaa diɛ.

Ɉaan 10:9

Ɲą́ą́ ɓə gáá a bɛlɛ́ laaləi, nui a tɛɛ bɔ́ɔ́ li pələ, nwun mąą a ɓo. A lɔ, yɛ kulɔ, ə lɛɛ, yɛ kɔ̨nɔ̨n ɉɔlɔɓo.

Maafîu 15:24

Jesus ə nɛ̨ɛ̨nui tii woo ŋąąpənə yɛ mą: «Ŋą́ pa lɔ Israɛlə ɓɛlaa yiiɠaai di piliɛ di mąą mɛ̨nį ɓa.»

Maafîu 10:6

Kɛlaa, 'ka li Israɛlə nuą yiiɠaai daa pili, ka di kwɛli.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Kɔlɔnikɔ Veerɛi 18:16

Nąąlɔwai Mise yɛ mą: «Ŋą́ Israɛlə nuą kəlee kaa, di taɠa-taɠaa ɲeeɠaa ɓa, yɛ ɓɛlaaɠaai di mɛ̨imun və mą. Ya ɓə Yai-Laa ə mo yɛ mą: Akɛtii, nuą ŋɛ̨i di nąmįną hvo diɛ! Nu kəlee 'ə pənə, 'ə li bɔɔli liilaa hu!»

Samia Veerɛi 5:2

Saulə nwɔ tɔɔlaa yələi, yɛ́ ɓə kɛi tɔɔ Israɛlə ɲɛ̨i tɔwɔ kaa li, kaa pa. Ya ɓə Yai-Laa ə kɛ yɛ́: ‹Yɛ́ ɓə pai Israɛlə nwɔ́ nu huwui ŋaakɔn ɉii, ɛlɛɛ, yɛ́ ɓə pai kɛi Israɛlə nwun na.›»

Tɔɔɓɛlaa veelɛ 11:8

Ka ka pai tɔɔi ka tɔɔmun mąątínɛ̨n ka doo gee hu, nu kəlee nwɔ kɔ́ kɔ́ kwɛli hɛn ə ɓo ɲee ŋą, nui lɔpee pai kɛi ə tɛɛ kaa a huwalawalalaa, ka baa. Ka kɛ tɔɔmun bulu, ɓɛi lɔpee a kɛi li laa.»