Lonon mo 26:55 - Yálá laawoo hɛɓɛ (dc)

⁵⁵ Kɛlaa, ə mą kɛ tii, di kaa pai nɔi ɲąą kwɛlɛi a kpɛɛn. Nuą kaa pai di wɔ lɔi hɔlɔɓoi, yɛ bələi di tamąą la di huwu hu.

Yálá laawoo hɛɓɛ

⁵⁵ Kɛlaa, ə mą kɛ tii, di kaa pai nɔi ɲąą kwɛlɛi a kpɛɛn. Nuą kaa pai di wɔ lɔi hɔlɔɓoi, yɛ bələi di tamąą la di huwu hu.

Bible

⁵⁵ Kɛ́lɛ fɛ̂ɛ í ǹɔii ŋá kɔ́lɛ a kpɛɛŋ toɔɔ yɛ̂ɛ berei ǹúu-suu-ŋai láa káa lai.

Lonon mo 26:55 Referans Kwoze

Lonon mo 34:13

Moisə ə dɔ́nŋąą tii ɓo Israɛlə lonnii diɛ, yɛ diɛ: «Nɔi ka káá pai ɲąąkwɛlɛi, kaa gɔ́ a kpɛ̨ɛ̨n, ya ka tii. Nɔi Yai-Laa ə mo yɛ ə dɛɛ nu huwu mɛ̨inąąn da gbulɔ pɔ, ya ka tii.

Lonon mo 33:54

Ka káá pai nɔi ɲąąkwɛlɛi ka huwuɠaa lɔwai, kaa gɔ́ a kpɛɛn, huwu yii gɛnɛ̨, nwɔ lɔi a kɛnɛ̨, huwu yii golɔɔ, nwɔ lɔi a kolo. Nu kəlee kaa pai lɔi hɔlɔɓoi ɓɛi gbɛɛn a ɉee laa. Mąąnɛ̨ɛ̨ ka ɲakwɛlɛ ka huwuɠaa lɔwai, a ka káá pələ.

Zasua 14:2

Di nɔi ɲąąkwɛlɛ a kpɛɛn bilɛɛ, nu huwu mɛ̨inąąn tii lɔwai, yɛ bələi Yai-Laa ə gbɛa mo la Moisə ɓa.

Zasua 11:23

Ɉosue ə nɔi kəlee hon, yɛ bələi kpɔlɔ Yai-Laa ə mo la Moisə ɓa, ə dɛɛ Israɛlə pɔ a ɉee lɔi, ə ɲąąkwɛlɛ Israɛlə huwu hu nuą lɔwai; nɔi ə liilaa hɔlɔɓo, kɔ́ hvo kɛ laa.

Kolosə 1:12

'ká gu Ną́n mąmąɓo, yai gɛ, guɔ gu wɔɔ hɔlɔɓo nu mąąhəɠɛɛɠaa kwɛlin ɉu, yələkwəi.

Gɛlaɠaa 1:26

Di gbɛɛn bili, gbɛɛn ə Matiasə hon, ə kɛ a Ɉudasə mąąhvalin. Ə too gɛla pow kɔw tanɔ̨n pɔ, ə di laa kulɔ.

Hanwon 18:18

Da lɔwɔ lɔ, a hvaa kɛ nuą hveelɛ taɠa di kee ɓa, yɛ hvaa kpɛɛ nu kpɛa-kpɛa lɔwai.

Hanwon 16:33

Nuą da kpɛɛn bili, Kɛlaa, Yálá ɓə dɛ̨ą a kulɔ na.

Zasua 19:40

Mɛihveelɛnąą, Dan lonnii huwu laa ə kulɔ a di wɔ kwəliɠaa laa.

Zasua 19:32

Mɛida nąą, Nɛftali huwu laa ə kulɔ. Nɛftali lonnii da di wɔ kwəliɠaa.

Zasua 19:24

Di gbɛɛn nɔɔli nąą pili, Asɛrə huwu laa ə kulɔ a di wɔ kwəliɠaa laa.

Zasua 19:17

Nąąn nąą, Isakarə laa ə kulɔ, Isakarə lonnii di hee a di wɔ kwəliɠaa laa.

Zasua 19:10

Ɉaaɓa nąą, Zabulɔn lonnii laa ə kulɔ a gwəliɠaa laa. Di wɔɔ lɔi ɲɛ̨n ə kɛi həɠə Saridə taa ɓa,

Zasua 19:1

Gbɛɛn bili veelɛnąą, Simeɔn ɓə naa ə kulɔ. Simeɔn lonnii heekpəli na kɛɛ a gwəliɠaa laa. Di wɔ lɔi ə kɛ Ɉuda lonnii di wɔ lɔi hąąi.

Zasua 18:6

Kaa kpinįi ka nɔi hee pələ kaa, ka ɲąąkwɛlɛ ɉu mɛ̨ihveelɛ, ka kəlee ka pa nííla, ə gɛ, ŋį́ gɔ́ a kpɛɛn, ɓɛ Yai-Laa gu wɔ Yálá lííla.

Zasua 17:14

Ɉosɛfə lonnii diɛ Ɉosue ɓa: «Lə ɓə kɛ yai hvo kɛ ku hee lɔi kɛ li kɛnɛ̨, yaan ku ɓo a nu kpulu kɛnɛ̨ Yai-Laa nwɔ lúwɔ́ ə ɓo ku mɛ̨i?»

Lonon mo 26:56

Ka gɔ́ a kpɛɛn, yili ɓə pai nu kəlee nwɛi lɛi mą. Gaa pai huwu kəlee nwɔ lɔi tɛɛi bɔ, yɛ bələi nwɔ nu kpulu a kɛ la.»

Izikiɛ 47:22

Ka nɔiɠaa kɔ́ a kpɛɛn, ka wɛi da nweai da hee ka kɔ́wɔ mɛ̨i; ɛlɛɛ, da lonŋąąi di di kaa ka lɔwai. Mąąnɛ̨ɛ̨ ka di hon yɛ nɔi lon da Israɛlə nu huwui lɔwai. Ka diɛni ka nɔi kɔ́ a kpɛɛn, da Israɛlə nu huwu kəlee.

Lonon mo 36:2

di mo mą diɛ mą: «Yai-Laa ə mo ku wɔ mɛ̨nį nąmu Moisə ɓa, yɛ mą: Nɔi ɲąąkwɛlɛ Israɛlə lonnii diɛ a kpɛ̨ɛ̨n. Ɛlɛɛ Yai-Laa ə ku wɔ mɛ̨nį nąmu tí, yɛ di kaayɔwɔ Selofehadə hee lɔi tɛɛ nonnii nɛ̨ąą pɔ.