Lonon mo 24:17 - Yálá laawoo hɛɓɛ (dc)

¹⁷ «Gáá mɛ̨nį kaai, Kɛlaa yiihu mɛ̨nį hvə li, gáá mąąkpɛɛi, kɛlaa ɲɛ̨́i mu mɛ̨nį hvə li. Pɛmɛ̨lɛ̨n-gɔw ta kaa kulɔi Ɉakɔbə huwu hu. Yɛ kɛ a tɔɔmun; tɔɔ hvili kaa muhəɠəi Israɛlə hu. Yɛ Moabə laa kpaɠa yali. Yɛ Sɛtə lonnii kəlee paa.

Yálá laawoo hɛɓɛ

¹⁷ «Gáá mɛ̨nį kaai, Kɛlaa yiihu mɛ̨nį hvə li, gáá mąąkpɛɛi, kɛlaa ɲɛ̨́i mu mɛ̨nį hvə li. Pɛmɛ̨lɛ̨n-gɔw ta kaa kulɔi Ɉakɔbə huwu hu. Yɛ kɛ a tɔɔmun; tɔɔ hvili kaa muhəɠəi Israɛlə hu. Yɛ Moabə laa kpaɠa yali. Yɛ Sɛtə lonnii kəlee paa.

Bible

¹⁷ Ŋa tinaa-tuɛ pere kàa, ǹya ƃe ŋá Eezuɛ lɔii kâa. Kâloŋ tɔnɔ a pâi kulâi dílɔii su gɛ́ fòlo yɛ̂ɛ pɛmɛlɛŋ-kao. Kâloŋ-wuru a pâi kulâi Eezuɛ. A pâi Môa-ŋai tuɛ-ƃelai su karâi. É Sɛ̂ ŋɔsuui su-ƃelai kélee yée mɛi ɣále.

Lonon mo 24:17 Referans Kwoze

M̀ɛni-lɛɛi 22:16

«Ɲą́ą́ Jesus, ŋą́ nwɔ́ malakai tɔɔ, ə gɛ, ə pa a gɛla hvaa tii ɓo, yɛ hvilɛn na gbɔnŋaa kəlee diɛ. Ɲą́ą́ ɓə a Davidə huwu mąąpoo, a yələɓoi pɛmɛ̨lɛ̨n-gɔw.»

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

M̀ɛni-lɛɛi 1:7

'Ká ká ɲɛ̨i hee, ya ka tii pai tulɔ-kpinįn ɉu! Ɛlɛɛ, ɲɛ̨i kɔw kəlee kaa pai gaai, ɛlɛɛ, ə mą kɛ, nuąi ɉɔɔ a kpala. Huwu kəlee kaa pai ɉaa wɔlɔ ɓoi. A tɛ̨ą gaa tii! Amįįną!

Piɛrə veelɛ 1:19

Yili ɓa, nwoo ŋɛ̨i Yálá kwəi mɛ̨nį hukulɔ nuą di mo, ku laai na kpɔ nwɔ̨nɔ̨ kɛnɛ̨. Mąąhɔlɔɓo, gaa yɛ labon yii gaa lən ɉi kɛɛnąą kpinɛ̨ɛ̨ ɓa, ə lɛɛ la ɉu, yələ ɓoi pɔ, pɛmɛ̨lɛn gɔw yɛ hvóló ka nii hu.

Zakari 10:4

Ɉuda huwu hu ɓə bɛlɛ́ hvilɛn gwɛni kaa pai kulɔi laa, da ɉəɠə pɛlɛ́ hvilɛn nwulu, da gɔ-kɔ kilɛn. Nąą ɓə nɔi ɲąąwooɓonuą kəlee kaa pai kulɔi laa.

Mąątɛ̨nɛ̨ 45:6

Yɛ́ tɔ́nwą kpɛlɛmąą ɲąąkulaaɠaai da nuą mąąɲɔw. Lɔiɠaa kaa pai tooi ə́ kɔwɔ mu, yɛ tɔɔmun ɲowoɠaa pɔla di kəŋə hu.

Lukə 1:78

Mąąhɔlɔɓo, ɲɛ̨imąąwɛli kaa kɛnɛ̨ kaa kuɔ Yálá yəi. Ya ɓə pai kɛɛ pono kɛnɛ̨ yɛɛi ku mɛ̨i yɛ pələi yələ wala pɔ hvóló liɛn gaa la.

Hebreu 1:8

Kɛlaa, yii ɓaa a Non nwɛi, Yaa kpinįi ə mo, yɛ: «Ə́ wɔɔ tɔɔkpəlin, oo Yálá, gaa lɔ heeni ɉeei a yələ kəlee mɛ̨nį, ɛlɛɛ, tələnmolaa ɓə ya ə́ wɔ tɔɔlai kɛ ɉu.

Zûu 1:11

Kpalo ɓɛlaai diɛ. Mąąhɔlɔɓo, daa hvilɛn Kain túwɔ́ pələ pulu. Daa di kpɔwɔ hvilɛn lan bələ mɛ̨i wali mąą mɛ̨nį ɓa, yɛ bələi Balaamə ə gɛ la. Di nwun na aa pili yɛ Kore.

Kɔlɔnikɔ Maa-ŋuŋ 18:2

Ə pənə nwɔ̨nɔ̨, ə Moabə nuą hon a kɔ́, di lɛɛ ɲee mu, diɛ nįįhɔ̨nwɔ̨ kulɔ mą.

Samia Veerɛi 8:2

Davidə ə Moabə nuą hon a kɔ́; ə di pɛlɛ nɔi ɓa, ə di heei kɛ haaɓa, ə ɉeei hveelɛ paa, ə ɉeei tɔ̨nɔ̨ lɛɛ a vulú. Moabə nuą di lɛɛ Davidə yee mu, diɛ nįįhɔ̨nwɔ̨ kulɔ mą.

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Ɉeremi 48:45

Nuąi pui, hviikpɛɛ, daa kpəla daa tɔɔ Hɛsbɔn nįnįn mu. Kɛlaa, nwɔ̨n aa kulɔ Hɛsbɔn, nwɔ̨n nən aa ɓɛla Sihɔn dɔɔ pɛlɛ́ mu. Gaa Moabə wəlii kwɛli kələn ɉii, yɛ woo ɲąnwąną nuą nwuɔ̨ kələn.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Azaya 15:1

Mɛ̨nį kponąąi ɓo Moabə laa mɛ̨i, ya ka: Gbinii Arə-Moabə ə too la, ə lɛɛ a taa kpoloon. Gbinii Kirə-Moabə ə too la ə lɛɛ a taa kpoloon.

Mąątɛ̨nɛ̨ 110:2

Yai-Laa ə ə́ wɔ Heeɓolaai yee kɔ̨nwɔ̨n ɉu ɓɛɛlɛɛi, ə gɔwɔ tɔɔ Siɔn, yɛ́ pɛli heei ə́ yowoɠaa mɛ̨i.

Tɔɔɓɛlaa veelɛ 3:5

Kɛlaa, Akabə haa pulu, Moabə tɔɔmun ə gwɛli tee Israɛlə tɔɔmun ɲəi.

Samuɛlə dɔlɔɔ 14:38

Saulə yɛ nɔi ɲɛ̨itɔwɔ nuą diɛ: «Ka kəlee ka lɛɠɛ ɓɛ! Ka mɛ̨nįi ŋɛ̨i hukpɛ a nɛlɛɛ, nɛ̨ŋɛ̨n nəi ɓə kələi daa ɉəɠə?

Lonon mo 21:29

Moabə, kpalo aa ɓɛla yɛ́! Kemɔsə nwɔ lɔi ə lɛɛ ɉu. Nonnii nɛ̨ąą daa lɛɛ a luwɔɠaa, non ɉinąą daa kɛ a pu nuą. Amɔrə tɔɔmun Sihɔn yəi.

Hebreu 7:14

Gaa a mɛ̨nįi nu kəlee di gɔlɔn, diɛ, gu Ną́mu ə kulɔ Ɉuda huwu hu, a huwui Moisə hvo mɛ̨nį ta ɓo, naa mɛ̨i, ŋą hɛɓɛ́ɠaai hu yɛ hvilɛn na, ɉaláá laa həli nuą kpɛa-kpɛaa ɓa.

Lonon mo 24:16

nui a Yálá wooɠaa mɛ̨n, nui Hɛn Gəlee mɛ̨i Mun nwɔ Kilii kaa mɛ̨i. Nui Huwalawala Kəlee Nąmu a mɛ̨nį lɛ mą, yɛ gaa hįį hu pələ, ɛlɛɛ ɲɛ̨i kɔ́w yɛ mɛ̨nį mąąkpɛɛ, nwoo ka.

Samia Veerɛi 8:14

Davidə ə lɔi ɲąąwooɓo nuą hee Edɔmə lɔi nwun na, ə nwun nąmįną hee Edɔmə lɔi kəlee nwun na. Edɔmə nuą kəlee di lɛɛ Davidə yee mu. Bələ ɓə Yai-Laa ə kɛi kɔ́ nɛ̨ɛ̨ la Davidə ɓa ɓɛi lɔpee a li laa.

Ɉeremi 48:1

Mɛ̨nįi Yai-Laa Mɛ̨nį Kəlee ŋą Hééɓomun, Israɛlə nwɔ Yálá kaa moi yɛ hvilɛn na Moabə ɓa, ya ka, yɛ diɛ: Mąąwɛli mɛ̨nį aa laa Nebo taa ɓa, daa nwolo, daa Kiriataimə hon, daa nwumɛ̨ tɛ la. Gbakolo taai aa too, nwumɛ̨ aa ɲɛ̨i paa.