Lonon mo 24:10 - Yálá laawoo hɛɓɛ (dc)

¹⁰ Balakə ə níiholi kpɔ Balaamə pɔ, ə ɲee pili gee hu, yɛ mą: «Ŋą́ ə́ təli ɲówoɠaa nɛ̨ŋɛ̨n naa mɛ̨nį ɓa, ya ɓə ə́ lúwɔ́ too diɛ kpɔ gee mɛ̨i haaɓa.

Yálá laawoo hɛɓɛ

¹⁰ Balakə ə níiholi kpɔ Balaamə pɔ, ə ɲee pili gee hu, yɛ mą: «Ŋą́ ə́ təli ɲówoɠaa nɛ̨ŋɛ̨n naa mɛ̨nį ɓa, ya ɓə ə́ lúwɔ́ too diɛ kpɔ gee mɛ̨i haaɓa.

Bible

¹⁰ Nya ƃe Bâla líi è ŋwàna Bâlaŋ ma é ǹyée ŋá túa, ǹyɛɛ mai, “Ŋá ítòli a gɛɛ í ŋákpɔara-ƃelai fóo. Kɛ́lɛ gáa ƃa lûwa láa dîa gîei saaƃa.

Lonon mo 24:10 Referans Kwoze

Izikiɛ 21:14

«Hulɔnu lon, kɛ diɛ: Ną́mu woo ka; yɛ: «Kɔ́ kɔ́ ɓɔwa, kɔ́ kɔ́ ɓɔwa ɲąąliɛ, yɛ lən mąną-mąną.

Lonon mo 23:11

Balakə yɛ Balaamə ɓa: «Lə ɓə ŋɛ̨i ə́ gɛi a ɲą́ą́? Ŋą́ ə təli ɲówoɠaa nɛ̨ŋɛ̨n naa mɛ̨nį ɓa, ya ɓə yá di kɔ́lɔɓa kpɛɛ mą a lúwɔ́.»

Izikiɛ 22:13

«Gáá ɲéé lɔwai gee ɓa ə́ wɔ toomɛ̨i kɛ mɛ̨nį, da ə́ wɔ ɲąmą pu mɛ̨nį ə́ pɔɔli, di mąą mɛ̨nį ɓa.

Izikiɛ 21:17

'Tómą, gboo təli, hulɔnu lon! Mąąhɔlɔɓo, gɔ́ kɔ́ ɓɔwa aa yamąn nwɔ́ nuąi lɔwai aa yamąn Israɛlə lɔi ɲąąwooɓo nuą kəlee mɛ̨i daa di pili gɔ́ kɔ́ ɓɔwa ɲą da nɔi lonnii, 'ə́ yee pɛlɛ ə́ la.

Zôo 27:23

a too, diɛ huluun mɛ̨i, ɓɛi ə kɛ laa nąą nuą diɛ di laa pu ɉu.

Nehemi 13:2

Mąąhɔlɔɓo, di hvo wɔlɔ kɛ Israɛlə lonnii laakwiɛn ni a kɔ̨nɔ̨n da ya; ə lɛɛ, Moabə ə wɔlɔ Balaamə hala, ə gɛ, ə Israɛlə nuą nɛ̨ŋɛ̨n naa, kɛlaa, Yálá ə nɛ̨ŋɛ̨n naa mąą pənə a lúwɔ́.

Lonon mo 22:17

Gaa lii ə́ mąąwiɛi kɛnɛ̨, ɛlɛɛ, yii kpɔ ə́ kaa lii vɛli mą, a gəlee kɛ yɛ́. Pa kani gwə li, ə́ nu huwui tii nɛ̨ŋɛ̨n naa.›»

Lonon mo 22:11

‹Nu huwui tii kulɔ Eziptə lɔi hu, daa nɔi kpɛɛ mą, pa tai ə́ di nɛ̨ŋɛ̨n naa, gbəli hu kiɛ, ŋą́ kɔ́ pɛlɛ diɛ, ɲéé kaa pai lɔi diɛ, ŋį́ di kpɛ.›»

Lonon mo 22:6

Nɛ̨ɛ̨ yɛ́ nąn! Pa, ə́ nu huwui tii nɛ̨ŋɛ̨n naa; mąąhɔlɔɓo, di hvaŋą kɛnɛ̨i di tɛɛ kuɔ. Akɛ yá di nɛ̨ŋɛ̨n naa, ɲéé a pɛli tɛɛi diɛ, ŋą́ di kpɛ nɔi. Mąąhɔlɔɓo, ŋį́ gɔlɔn gɛ́, nui yá lúwɔ́ too mą, doɔ li mą; nui yá nɛ̨ŋɛ̨n naa, nɛ̨ŋɛ̨n naa li.»

Lonon mo 24:9

Aa mąąyɛɛ, aa pɛlɛ yɛ yala hilɛ, gbɛɛ ɓə nii a kpələ yɛ ɉəɠə bɛlɛi? «Nui a lúwɔ́ too yɛ́, lúwɔ́ ə kɛ mąą nu ɓa, nui a ə́ nɛ̨ŋɛ̨n naa, mąą nu nɛ̨ŋɛ̨n ə laa.»

Lonon mo 24:11

Yii gɛ pələ kaa tii, kulɔ ɲɛ̨́i mu, 'li ə́ pɔɔli. Ŋą́ mo gɛ́ gáá pai ə́ mąąwiɛi kɛnɛ̨, kɛlaa Yai-Laa aa ə́ hvɛɠɛ ɉu.»

Dutɛrɔnome 23:6

Kɛlaa, Yai-Laa ka wɔ Yálái hvo nwəli tɔɔ Balaamə woo ɓa, ə nɛ̨ŋɛ̨n naa woo mąą pənə a lúwɔ́. Mąąhɔlɔɓo, ka wɛli kaa Yai-Laa ka wɔ Yálai ɓa.

Gɛlaɠaa 11:10

Ə gɛi kɛ ti geemɛ̨i haaɓa, yili pulu ə pənə ə tɛ.