Lonon mo 24:1 - Yálá laawoo hɛɓɛ (dc)

¹ Balaamə ə gbaɠala kaa yɛ: Yai-Laa liiɓa ɓaa ə lúwɔ́ too Israɛlə ɓa. Hvo kɛa li tɔlukpɛi, yɛ pələi ə kɛi gɛ la gɛɛnąą takpɛliɠaai tii ɓa. Kɛlaa, ə ɲɛ̨i hee nɔi pun ɉu pələ.

Yálá laawoo hɛɓɛ

¹ Balaamə ə gbaɠala kaa yɛ: Yai-Laa liiɓa ɓaa ə lúwɔ́ too Israɛlə ɓa. Hvo kɛa li tɔlukpɛi, yɛ pələi ə kɛi gɛ la gɛɛnąą takpɛliɠaai tii ɓa. Kɛlaa, ə ɲɛ̨i hee nɔi pun ɉu pələ.

Bible

¹ Tãi Bâlaŋ è nâa gɔ̀lɔŋ la a gɛɛ gáa a Yâwɛɛ nîa-mɛni a gɛɛ é lûwa láa Eezuɛ-ŋai diai, vé ŋɔ́nɔ ŋɛi-kɛ-ma-sãa kɔ́ri-ni yɛ̂ɛ berei è gɛ̀ la a bɔlɔi, kɛ́lɛ è tìnaŋ vɛ̃ɛ-kpâlaŋ pɔ́ naa-pere.

Lonon mo 24:1 Referans Kwoze

Lonon mo 23:23

Tɔlukpɛɛ hvo Ɉakɔbə pɔɔli. Ɲɛ̨ąkpɛ mɛ̨nį hvo Israɛlə pɔɔli. Mɛ̨nįi Yálá a gɛ, a ɓo Ɉakɔbə ɓa. A ɓo Israɛlə ɓa a guu.

Lonon mo 23:3

Balaamə yɛ Balakə ɓa: «Tɔɔ ə́ wɔ haláái kwɛlɛ, ŋą́ mąą tawolo tɛ. Gbəli hu Yai-Laa kaa pai mɛ̨nį ɓoi mą́ą́, yii lɔpee a mo mą́ą́, ŋą́ ɉukulɔ yɛ́.» Ə tɛ yee ta ɓa, mąą pɔ̨nɔ̨ɔ̨.

M̀ɛni-lɛɛi 2:14

Kɛlaa, ə mą kɛ tii, ə́ hɔn da wolaa kaa laa, gɛ́ ŋį́ nɛ yɛ́, ya ɓaa: nu taɠaa kaa ə́ pɔɔli, di yee kąnąnŋąą Balaamə ŋą kalan bələi ɓa, yai Balakə liɛwoo kɛ, yili ə hɛlɛn dɛ Israɛlə lonnii tɔwɔ, diɛ haláá huwɔ mįi, ɛlɛɛ, diɛ di kpɔwɔ mąąliɓi la di wɔɔ Yálái ɲɛ̨i ɓa.

Lonon mo 31:16

Kɛlɛi diɛ ɓə gɛ Israɛlə lonnii diɛ kulɔ Yai-Laa woo mu; Balaamə nwɔ liɛwoo pɔ, Peɔrə mɛ̨nįi hu, lɔi wolo ɲɔ̨n yɛ pɛlɛ Yai-Laa nwɔ nu kanɠaa diɛ.

Lonon mo 23:28

Balakə ə li a Balaamə Peɔrə Yee tonna, yai tɔɔ ni nɔi pun dənən ma.

Lonon mo 23:20

Daa dí, diɛ ŋį́ lúwɔ́ too, Mąąhɔlɔɓo, Yálá aa lúwɔ́ too, və́ pai nwóó yalii bulu.

Lonon mo 23:15

Balaamə yɛ mą: «Tɔɔ ɓɛ ə́ wɔ haláái kwɛlɛ, ŋą́ li ɓɛi tii gɛ́ nąą mąą kpɔn.»

Lonon mo 22:13

Yələ ɓɔɔ, Balaamə yɛ Balakə nwɔ kalanɉonŋąą diɛ: «Ka pənə ka li ka pɔ lɔi, Yai-Laa hvo hvaa li mą gu hvo li.»

Samuɛlə dɔlɔɔ 26:25

Saulə yɛ Davidə ɓa: «Nón! Yálá ə lúwɔ́ too yɛ́. A tɛ̨ą, ə́ kaa pai mɛ̨nį kpɛa-kpɛaa kɛi, ə́ kɛ mɛ̨nįɠaa hu kaa pai nɛ̨ɛ̨i, hea hvo ɉu.» Davidə ə tɛɛ yɛ li, Saulə ə pənə ə li bɔɔli.

Samuɛlə dɔlɔɔ 26:2

Saulə ə muhəɠə ə li Zifə nɔi pun ɉu, ə nu waa haaɓa hvilɛn bɔ, a Israɛlə kulaaɠaa diɛ li Davidə kwɛlii.

Samuɛlə dɔlɔɔ 24:20

Nu da ɲowo da kwiɛn, a mɔ̨ɔ̨ nɛɛ laa a nwəli pulu laɠiɛ yɛ li. Mɛ̨nįi yáá gɛ mą́ą́ háákələi, Yai-Laa ə mąą hvɛla tɛɛ ə́ pɔ.

Lonon mo 22:7

Moabə nu kpɛa-kpɛa, da Madian nu kpɛa-kpɛa di hvilɛn bələ ɓa. Hɛn kpɔ da pɛli dɔlu kpɛmun hvɛla kulɔi la, di ɉəɠə. Di li di həli Balaamə ɓa. Di Balakə wooɠaa tii laa həli mą.

Lonon mo 23:30

Balakə ə gɛ yɛ bələi Balaamə ə mo la mą. Yili pulu, ə nįŋɛ̨ hilɛ tɛi-tɛi da ɓɛlaa hilɛ tɛi-tɛi kulɔ a haláá, ɉaláá kulɔi tɛi-tɛi ɓa.