Lonon mo 22:18 - Yálá laawoo hɛɓɛ (dc)

¹⁸ Balaamə ə Balakə nwɔ tínuą woo pulu pənə, yɛ diɛ: «Ə mą kpɛli kɛ Balakə aa ɲəi bɛlɛ́n nwali kəlee da ɉɛni kəlee tɛɛ bɔ́, vá pɛli mɛ̨nįi lɔpee ta kɛi, ə kɛ kɛnɛ̨-o, ə kɛ tiikpə-o, yii kwa Yai-Laa nwɔ́ Yálá ku woo hvo gee kaa li.

Yálá laawoo hɛɓɛ

¹⁸ Balaamə ə Balakə nwɔ tínuą woo pulu pənə, yɛ diɛ: «Ə mą kpɛli kɛ Balakə aa ɲəi bɛlɛ́n nwali kəlee da ɉɛni kəlee tɛɛ bɔ́, vá pɛli mɛ̨nįi lɔpee ta kɛi, ə kɛ kɛnɛ̨-o, ə kɛ tiikpə-o, yii kwa Yai-Laa nwɔ́ Yálá ku woo hvo gee kaa li.

Bible

¹⁸ Bâlaŋ è Bâla ŋɔkéla-ŋai wóo su tòo ǹyɛɛi, “À nɛ̃ɛ ma kpîŋ é ŋɔpɛ́rɛi láa fɛ́ɛ a káne da gôo é dɛ́ɛ ḿbɔ, fa pɔ̂ri ŋánuu-namui Ɣâla wóo pilîi a dɔnɔ kpîŋ.

Lonon mo 22:18 Referans Kwoze

Lonon mo 24:13

‹Ə mą kɛ Balakə aa ɲəi bɛlɛ́n nwaliɠaa da ɉɛni kəlee tɛɛ bɔ́, vá pɛli Yai-Laa nwɔ tíɓo lɛɛi laa, gɛ́ lɛɛ gbɔ́wɔ́ ɓa, gɛ́ mɛ̨nį lɛlɛɛ a wala kɛ tii ɲɔ̨nwɔ̨ɔ̨ laa nu ɓa. Mɛ̨nįi Yai-Laa kaa pai moi, ya ɓə gáá pai gɛi.›

Kɔlɔnikɔ Veerɛi 18:13

Mise yɛ mą: «Yii kpɔ Yai-Laa kaa laa, mɛ̨nįi kpɔ nwɔ́ɔ́ Yálá kaa lii bui ná, ya lɔ ɓə ŋį́ mo!»

Tɔɔɓɛlaa dɔlɔɔ 22:14

Mise yɛ mą: «Yii kpɔ Yai-Laa kaa a vulú, mɛ̨nįi Yai-Laa kaa lii kɛi mą́ą́: ‹Mo!› ya ɓə gáá lii moi.»

Lonon mo 23:26

Balaamə ə nwoo pulu pənə, yɛ mą: «Və́ mo gɛ́ yɛ́, mɛ̨nįi lɔpee Yai-Laa a mo, ya ɓə gáá pai gɛi?»

Lonon mo 22:38

Balaamə yɛ Balakə ɓa: «Ee, kɛlɛi ŋą́ą́ həli kɛa yɛ́. Mąą laa kaa mɔ̨ɔ̨ ɲə́i ŋį́ pɛli mɛ̨nį ta ɓoi? Nwooi Yálá kaa pai bui ná, ya ɓə gáá pai moi.»

Taitɔ 1:16

Da kɛ diɛ di Yálá kɔ́lɔn, kɛlaa, di túwɔ́ pələ yɛ ɓo a dakpɛli. Di ɓɛlɛkpɛɛ diɛ, di kalapiliɛ, di hva pɛli mɛ̨nį lɛlɛɛ lɔpee ta kɛi.

Gɛlaɠaa 8:20

Kɛlaa, Piɛrə ə nwoo ɲąąpənə yɛ mą: «Yɛ́, ká ə́ wɔ hɛn gɔw, ka nwun na ə pili. Gɛ mɛ̨nį, yáá ə́ kiliŋąhiɛ yɛ kɛ: Da Yálá nwɔ mɛ̨nįnɛ̨ɛ̨ yá a wali.

Danîa 5:17

Daniɛlə ə tɔɔmun nwoo ŋąąpənə yɛ mą: «Ə́ wɔ mɛ̨inɛ̨ɛ̨ hɛnŋaai tii lɛɛ ə́ yə́i, ə́ ə́ wɔ nu kpɔɔ laa hɛn tii tɛɛ nu takpɛli pɔ. Kɛlaa, ə mą kɛ tii, gáá ɉɛɓɛ́i ŋɛ̨i ɓoi, ə lɛɛ, ŋą́ ɉukulaa lɛ yɛ́.

Lonon mo 22:19

Kaa kpɛli mąn, ka yii ɓɛ, mɛ̨nįi Yai-Laa yɛ ə mo mą́ą́, ŋį́ kɛ a gɔlɔn ŋąą.»

Lonon mo 24:12

Balaamə ə nwoo pulu pənə, yɛ mą: «Nuąi ə́ di tɔɔ, və́ mɔ̨ɔ̨ mo diɛ, gɛ́ kɛ diɛ:

Tɔɔɓɛlaa dɔlɔɔ 13:8

Yálá nwɔ nui yɛ tɔɔmun ma: «Ə mą kɛ yáá ə́ wɔ pɛ́lɛ́i ŋąąkwɛlɛ ɉu hveelɛ, yáá bələ tɔ̨nɔ̨ tɛɛ bɔ́, vá lɔ ə́ yəi bɛlɛ́n, vá ə́ yəi kɔ̨nɔ̨n mįi, vá kpɛli yá kpələ ɓɛ.

Lonon mo 22:8

Balaamə yɛ diɛ: «Ka yii ɓɛ, bələi Yai-Laa kaa pai moi la mą́ą́, bələ lɔ ɓə gáá pai ka woo pulu pənəi la.» Moabə kalanɉonŋąą di yii laa Balaamə pɔɔli.

Zasua 24:10

Kɛlaa, və́ gɛ və́ nwə́li tɔɔ Balaamə woo ɓa, yaamun ə kpaan yɛ lúwɔ́ too kaa, ŋį́ ka kulɔ ɲee ŋą.

Zôo 3:15

a wala kɛ ti, kwa tɔɔɓɛlaa lonnii hɛni ə kɛ di yəi, kwəli kɛ ku kee ɓa, diɛi daa di heeiɠaa laahvɛɛ a wali.