Lonon mo 21:33 - Yálá laawoo hɛɓɛ (dc)

³³ Di ɉon a pələ takpɛli, Basan tɔɔmun Ogə, ə kulɔ, ə naa kwiɛn a kɔ́, yaa da nwɔ lɔi hu nuą kəlee. Ə kɔ́ pɛlɛ Israɛlə nuą diɛ Ɛdrɛi daai.

Yálá laawoo hɛɓɛ

³³ Di ɉon a pələ takpɛli, Basan tɔɔmun Ogə, ə kulɔ, ə naa kwiɛn a kɔ́, yaa da nwɔ lɔi hu nuą kəlee. Ə kɔ́ pɛlɛ Israɛlə nuą diɛ Ɛdrɛi daai.

Bible

³³ Kú tìnaŋ kú lí Basãŋ yá-ŋûa pere. Basãŋ kaloŋ Oŋ da ŋɔnûai dí pà dí kɔ́ pɛ́lɛ kûa Ɛdirei taai su.

Lonon mo 21:33 Referans Kwoze

Zasua 13:12

Basan lɔi hu, Ogə nwɔ lɔi kəlee, Ogə ə kɛ a tɔɔmun Astarotə da Ɛdrɛi mɛ̨i, ə kɛ a Refaitə huwu, yiiɠaa kɛ daa lɛɛ yɛnɛ̨ɛ̨ di ta. Moisə ə di hon kɔ́ hu ə́ nɔi kulɔ di yəi.

Dutɛrɔnome 29:7

Gu yee ə tɛɛ diɛ, gu di wɔ lɔi həɠə di yəi, gu dɛɛ Rubɛn lonnii, da Gadə lonnii, da Manase huwu bələ tɔ̨nɔ̨ pɔ, a di hee lɔi.

Dutɛrɔnome 1:4

Daa gbɛa kɛ Amɔrə nuą di wɔ tɔɔmun Sihɔn hon, yai kɛ heeni Hɛsbɔn; daa nwɔ̨nɔ̨ kɛ Basan tɔɔmun Ogə hon Ɛdrɛi daai ə kɛ heeni Astarotə.

Amɔsə 4:1

'Ka ka wəli tɔɔ nwooi ŋɛ̨i ɓa, kaai a Samari nɛ̨ąą, a Basan nįŋɛ̨ haaɠaa. Ka kɛ tooi mąąwɛli nuą mɛ̨i, kaa di kwɛlin ɉəɠə, kaa di laanɔ̨nwɔ̨ ɓo, kaa kɛ ka hilɛni diɛ: «Ka pa a hɛn da, ku gbələ.»

Izikiɛ 39:18

Ka kɔ́kulááɠaa huwɔ mį́į́; ka yɛnɛ̨ɛ̨ tɔɔɓɛlaa ɲąmą kpələ; ɓɛlaa hilɛɠaa li, da ɓɛlaa lonnii, da ɓolu hilɛɠaa, da niŋɛ̨ hilɛɠaa; gəlee kaa a Basan huwɔ wulaaɠaa.

Izikiɛ 27:6

Di ə́ hiɛ minɛ̨ɠaa kɛ a Basan wulu kpɛa kpɛa, di hə́lə́ ɲįn gəlee lɔ ə́ tɔɔ mɛ̨nį hu, da Kitimə wulu siprə.

Azaya 33:9

Nɔi kaa haa wɔlɔ ɓoi, yɛ kpala; Liban aa nwumɛ̨, yɛ kpala, Sarɔn aa kɛ yɛ Ɉurdɛn ɲa-ɓoloon bɔ lɔi, Basan da Karmɛlə wuluɠaa di laa aa pu.

Mąątɛ̨nɛ̨ 68:15

Ɓɛlɔwai Huwalawala Kəlee Nąmu ə tɔɔɓɛlaa hu taɠa la, gɛɛnąąi tii ɓa, nąnąąn ə kɛli pu ɲee mąą kpinįɛ nwuɔ̨.

Mąątɛ̨nɛ̨ 22:12

'Hvó ə́ mąąkwɛa kpɔ tii mą́ą́, hvó gaai, mɔ̨nɔ̨ aa lɛɠɛ mą́ą́, mą́ą́ kpɔnmąą ɓomun və mą.

Zasua 13:30

Nɔi di ɉɔlɔɓo, ya ka: Ə həɠə Mahanaimə, Basan lɔi kəlee, Basan tɔɔmun Ogə nwɔ lɔi kəlee, da Yairə taa pɛlɛɛɠaa kəlee Basan lɔi hu, di kɛ a taa pow mɛ̨ida.

Zasua 12:4

Yili pulu Ogə, Basan tɔɔmun nwɔ lɔi, yii a Refaitə nuą di huwu kpəli, diɛi kɛ heeni, Astarotə daai da Ɛdrɛi.

Zasua 9:10

Ɛlɛɛ mɛ̨nįi ə naa Amɔrə tɔɔɓɛlaa diɛ Ɉurdɛn pulu, ku bələ mɛ̨n; diɛ ɓaa: Hɛsbɔn tɔɔmun Sihɔn, da Basan tɔɔmun Ogə, yai kɛ Astarotə daai.

Dutɛrɔnome 32:14

Nįŋɛ̨ da ɓɛlaa ɲįnįya ɓə a dɛɛ di pɔ, Basan ɓɛlaa lon, molu hilɛ, ə mą kɛ, ɓɛlaa wulɔɠaa, yɛ dɛɛ di pɔ, Yɛ viɲə yá kpɔluɔ gbələtətə tɛɛ di pɔ diɛ gbələ.

Dutɛrɔnome 4:47

Ɛlɛɛ, daa kɛ Basan tɔɔmun Ogə nwɔ lɔi hon. Amɔrə nuą di wɔ tɔɔɓɛlaa hveelɛi li kɛ, diɛi kɛ vóló kulɔi pələ Ɉurdɛn ɲələi pələ.

Lonon mo 32:33

Moisə ə Amɔrə nuą di wɔ tɔɔmun Sihɔn nwɔ lɔi da Basan tɔɔmun Ogə nwɔ lɔi tɛɛ Gadə da Rubɛn lonnii, da Ɉosɛfə lon Manase huwu bələ tɔ̨nɔ̨ pɔ, nɔi da nwɔ taaɠaa, bɛlɛɛ nwɔ yɛɛ kɔ́wɔɠaa diɛ, da di kwɛlɛ taaɠaa.

Mąątɛ̨nɛ̨ 68:22

Kɛlaa, Yálá a ɲowoɠaa nwun ganin nwolo, a nuąi kpɔ tii, di yee kaa lɔ mɛ̨nį ɲɔ̨n ɉui, di nwun gbilɛɛɠaai tii, nu paa nwunŋaai tii, a di wolo.

Mąątɛ̨nɛ̨ 135:11

Sihɔn ka, yai kɛ a Amɔrə tɔɔmun, Ogə ka, yai kɛ a Basan tɔɔmun, ɛlɛɛ, Kanaan tɔɔɓɛlaa kəlee.

Mąątɛ̨nɛ̨ 136:20

Ogə, Basan tɔɔmun! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Dutɛrɔnome 2:30

Kɛlaa, Hɛsbɔn tɔɔmun Sihɔn hvo hvaa mą ku hvo tɛɛ nwɔ lɔi hu. Yai-Laa aa kɛ gili walawala, bələ ɓə ə tɛɛ la yɛ doo gu yee ŋą a nąąlɔwai.