Lonon mo 21:24 - Yálá laawoo hɛɓɛ (dc)

²⁴ Israɛlə ə ɓɔ ɉu a nwɔ kɔ́ kɔ́ ɓɔwa, ə nwɔ lɔi hon, ə həɠə Arnɔn yá ɓa, ə həli la Yabɔkə yá ɓa; ə həli kpɔ la Amɔn lonnii ɲɛn ma. Hįį kpoloon dɔɔ di wɔ lɔi ɲɛn ma.

Yálá laawoo hɛɓɛ

²⁴ Israɛlə ə ɓɔ ɉu a nwɔ kɔ́ kɔ́ ɓɔwa, ə nwɔ lɔi hon, ə həɠə Arnɔn yá ɓa, ə həli la Yabɔkə yá ɓa; ə həli kpɔ la Amɔn lonnii ɲɛn ma. Hįį kpoloon dɔɔ di wɔ lɔi ɲɛn ma.

Bible

²⁴ Kɛ́lɛ Eezuɛ-ŋai dí núu támaa pàa gɔ́i su dí dílɔii síɣe é síɣe Ano Ya-leei ma é lí Zabɔ ya-leei ma dí seri Amɔŋ-ŋai dílɔii kóyaŋ ma. Ǹyaŋ Zazɛ è kɛ̀ a Amɔŋ-ŋai dílɔii kóyaŋ.

Lonon mo 21:24 Referans Kwoze

Amɔsə 2:9

Kɛlaa, ɲą́ą́ ɓə Amɔrə nuą kpɛ di pɔ lɔi, diɛi tii di hee laa. Nuąi tii kwɛa pələ ə kɛ yɛ kpitili, di walawala kpɔ yɛ hɛan. Ŋą́ di ɓa pola di ŋą, ŋį́ di hamu tee di mu.

Mąątɛ̨nɛ̨ 136:19

Sihɔn, Amɔrə tɔɔmun! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Nehemi 9:22

Ə́ lɔiɠaa tɛɛ di pɔ, da nu huwuɠaa, ə́ di ɲąąkwɛlɛ di lɔwai, a di hee lɔiɠaa. Di hee Sihɔn, Hɛsbɔn tɔɔmun nwɔ lɔi hu, da Ogə yai kɛ a Basan tɔɔmun nwɔ lɔi.

Zasua 24:8

Yili pulu, ŋį́ pa a kaa Amɔrə nuą di wɔ lɔi hu, diɛi tii hee ni Ɉurdɛn pulu pələ; kɛlaa, di kɔ́ pɛlɛ kaa, ŋį́ di lɔ ka yee ŋą, ka nwɔ lɔi hɔlɔɓo a ka wɔɔ. Ŋį́ di huwu pu ka ɲɛ̨itɔwɔ.

Zɛnɛse 32:22

Ə ɉąmą tiɛ̨ɠaai tii tɛɛ tɔwɔ, yaa tii, ə lɛɛ pulu, ə yii laa.

Nwun mąąɓo 21:8

Di mąąni kɛ kɛ, akɛ huwu ta hvo hɔlɔɓo di lɔwai, yii hvo tɛ. Yai-Laa lííla Mispa. Di gaa diɛ Yavɛsə-Galaadə di hvo kɛ li li ɲąąkpɔn ma.

Zasua 9:10

Ɛlɛɛ mɛ̨nįi ə naa Amɔrə tɔɔɓɛlaa diɛ Ɉurdɛn pulu, ku bələ mɛ̨n; diɛ ɓaa: Hɛsbɔn tɔɔmun Sihɔn, da Basan tɔɔmun Ogə, yai kɛ Astarotə daai.

Dutɛrɔnome 29:7

Gu yee ə tɛɛ diɛ, gu di wɔ lɔi həɠə di yəi, gu dɛɛ Rubɛn lonnii, da Gadə lonnii, da Manase huwu bələ tɔ̨nɔ̨ pɔ, a di hee lɔi.

Dutɛrɔnome 3:16

Ə həɠə Galaadə lɔi ɓa, ə həli la Arnɔn ɓa, ŋį́ nɔi tii tɛɛ Rubɛn da Gadə di huwu pɔ. Arnɔn ɓə a ɲɛ̨n ɉɛɠɛɛ pələ, Yabɔkə ə ɓo a di ɲɛ̨n da Amɔn nuą.

Lonon mo 21:13

Di həɠə laa də li di tɔɔ Arnɔn yá pulu pələ, yai a tɛɛ nɔi pun ɉu, yɛ yɛɛ Amɔrə lɔi hu pələ. Arnɔn yá ɓə kɛ a Moabə lɔi ɲɛn. Moabə nuą da Amɔrə nuą di ɲɛn ni.

Zasua 13:12

Basan lɔi hu, Ogə nwɔ lɔi kəlee, Ogə ə kɛ a tɔɔmun Astarotə da Ɛdrɛi mɛ̨i, ə kɛ a Refaitə huwu, yiiɠaa kɛ daa lɛɛ yɛnɛ̨ɛ̨ di ta. Moisə ə di hon kɔ́ hu ə́ nɔi kulɔ di yəi.

Nwun mąąɓo 11:13

Amɔn tɔɔmun yɛ Ɉɛfte ɓa: «Ɓɛlɔwai Israɛlə nuą di kulɔ la Eziptə lɔi hu di pa, di nwɔ́ lɔi həɠə, ə həɠə kpɔ Arnɔn yá nɛ̨ŋɛ̨ hu, da Yabɔkə yá, ə lɛɛ ɉu ə həli Ɉurdɛn yá ɓa. Pənə ə́ nwɔ́ lɔi tii tɛɛ bɔ́ ɲɛ̨i laɠi hu.»

Dutɛrɔnome 1:4

Daa gbɛa kɛ Amɔrə nuą di wɔ tɔɔmun Sihɔn hon, yai kɛ heeni Hɛsbɔn; daa nwɔ̨nɔ̨ kɛ Basan tɔɔmun Ogə hon Ɛdrɛi daai ə kɛ heeni Astarotə.

Dutɛrɔnome 4:46

Di dɔ́nŋąą da díɓoɠaa tii hukulɔ Israɛlə lonnii diɛ, di hvo ni kɛ Ɉurdɛn teen ni, di kɛ Bɛtə-Peɔrə. Di kɛ Amɔrə tɔɔmun Sihɔn nwɔ lɔi hu, yai kɛ heeni Hɛsbɔn. Moisə da Israɛlə lonnii di dɔɔmun tii paa ɓɛlɔwai di kulɔ la Eziptə lɔi hu.

Dutɛrɔnome 31:4

Bələi Yai-Laa ə Amɔrə tɔɔɓɛlaa hveelɛi kɛ a Sihɔn da Ogə di hon na, yɛ di huwu pu da di wɔ lɔi hu nuą kəlee, bələ ɓə gaa pai nɔi tii hon ɉii la.

Nwun mąąɓo 10:11

Yai-Laa ə di woo mu hon, yɛ diɛ: «Ɓɛlɔwai, Eziptə nuą, Amɔrə nuą, Amɔn nuą, Filisti nuą,