Lonon mo 19:18 - Yálá laawoo hɛɓɛ (dc)

¹⁸ Nui tɔ́n və mą, a isopə kpaɠa ta həɠə, ə nɔ ɲái tii hu, ə daɠa bɛlɛ́i tii ɓa da mu hɛnŋąą kəlee, da nuąi da kɛ laa. Da nui aa tunwɔ̨n nu kɔ́wɠaa a wala kɛ tii nui daa baa, a wala kɛ tii kámą ɓa.

Yálá laawoo hɛɓɛ

¹⁸ Nui tɔ́n və mą, a isopə kpaɠa ta həɠə, ə nɔ ɲái tii hu, ə daɠa bɛlɛ́i tii ɓa da mu hɛnŋąą kəlee, da nuąi da kɛ laa. Da nui aa tunwɔ̨n nu kɔ́wɠaa a wala kɛ tii nui daa baa, a wala kɛ tii kámą ɓa.

Bible

¹⁸ Fɛ̂ɛ ǹúui maa waai é kpalo siɣe é ǹɔ́ ǹyái su é gbɛ́mɛŋ bɛ́rɛi ma daa mu-sãa kélee, é pɛ́lɛ ǹûai kélee dîa kɛ̀ nàai. É ŋɔ́nɔ gbɛ́mɛŋ ǹúui ma nyii ǹyée pɛ̀lɛ nuu-kaoi, kpaa máŋ ǹúu-pomai mâ nyii dí bàai, kpaa máŋ ǹúui sàa gbɔ́ɔi yee mai, kpaa máŋ é ǹyée pɛ́lɛ ƃolôŋ mai.

Lonon mo 19:18 Referans Kwoze

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Lonon mo 19:9

Nui tɔ́n və mą, ya ɓə a nįŋɛ̨ haa luwui tii kələ, ə bui kɛ kɛɛnąą lɛlɛɛ ɓa daa kpala. Gaa pai kɛi Israɛlə lonnii yəi a mąąhəɠə yá pɛli hɛn. Nɛ̨ŋɛ̨n mąąhvaalɛɛ hɛn ni.

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Ɉaan 17:19

Di mąą mɛ̨nį ɓa, ŋą́ą́ gbɔ́wɔ́ mąąhəɠə, əgɛ, diɛ kpɛli di mąą ə həɠə tɛ̨ą hu.

Ɉaan 17:17

Di mąąhəɠə a tɛ̨ą, mąąhɔlɔɓo, Ə́ laawoo kaa a tɛ̨ą.

Mąątɛ̨nɛ̨ 51:7

Hvo gaai, di gáá mɛ̨nį ɲɔ̨n ɉu, néé ə mą́ą́ koo həɠə nɛ̨ŋɛ̨n ɉu.

Hebreu 9:19

Ɓɛlɔwai Moisə ə díɓoɠaa tɛɛ la nɔi lonnii pɔ, yɛ bələi dɔn ə mąą liɛwoo kɛ la, ə nɛ̨ŋɛ̨ lon ɲąmą da ɓolu ɲąmą həɠə, ə bɛlɛ yá ɓa, hə́ɠə ɓɛla kwɛlɛɛ, da ɲįnwų-ɲįnwųn, ɛlɛɛ, ə da taɠa ɉɛɓɛ́ kpinįi ɓa, da nɔi lonnii kəlee diɛ,

Lonon mo 19:17

Mąąnɛ̨ɛ̨ di nɛ̨ŋɛ̨n mąąhvaalɛɛ haláá luwu ta həɠə nui tii mąą mɛ̨nį ɓa, di tɛɛyá pu mą.

Lonon mo 19:19

Nui tɔ́n və mą, a ɲá ta taɠa nui tɔ́n gaa mą mą, a voló ɉaaɓa yələ da voló mɛ̨ihveelɛ yələ. Voló mɛ̨ihveelɛ yələ nwɛi tii a mąą nu nwɔ nɛ̨ŋɛ̨n kulɔ mą. Yili ə mąą həɠəɠaa waa, ə nwaa yái; yələ wulii pɔ, mąą a kɛ a ɉəɠɛɛ.

Azaya 52:15

Yili ɓə gɛi, gaa pai hįį tamąą nɔ̨nwɔ̨ waai diɛ, yii kɛa tɔɔɓɛlaa di mo di hvo gɔlɔn, mąąhɔlɔɓo, yii di mo diɛ, da yii di kaa gaai di hvo tanɔ̨. Ɛlɛɛ, yii di kaa gaai, di hvo kɛ yili hukulɔ li diɛ.

Mąątɛ̨nɛ̨ 51:9

Nwɔ́ nɛ̨ŋɛ̨n kulɔ mą́ą́ a isopə, mą́ą́ ə həɠə. Nwáá, ŋį́ kwələ, ŋį́ tɛɛ yeehunwɔ̨ ɓa.