Lonon mo 17:5 - Yálá laawoo hɛɓɛ (dc)

⁵ Mɛ̨nį kili too hɛn ni Israɛlə lonnii ŋą, yɛ diɛ nu takpɛli yii hvo a Aarɔn huwu, mąą hvo nɛ̨ɛ̨li hvo tɔɔ yɛ kɛ gaa lansan kələn ɉii Yai-Laa lííla. Mɛ̨nįi laa Kore da bulu nuą diɛ, da hvo pa nee laa mąą nu ɓa. Yai-Laa ə bu Moisə la, yili yɛ ɉukulɔ Aarɔn ɓa.

Yálá laawoo hɛɓɛ

⁵ Mɛ̨nį kili too hɛn ni Israɛlə lonnii ŋą, yɛ diɛ nu takpɛli yii hvo a Aarɔn huwu, mąą hvo nɛ̨ɛ̨li hvo tɔɔ yɛ kɛ gaa lansan kələn ɉii Yai-Laa lííla. Mɛ̨nįi laa Kore da bulu nuą diɛ, da hvo pa nee laa mąą nu ɓa. Yai-Laa ə bu Moisə la, yili yɛ ɉukulɔ Aarɔn ɓa.

Bible

⁵ Ǹúui ŋa pâi nɛ̂i, maa-nuui ƃé ŋɔsia-wurii a pâi pɔmûnii. Bere-sii ŋí ƃé ŋa pâi Eezuɛ-ŋai kperâi la díŋuŋ-su-woo saa ma a tãi kélee é pîlaŋ kâa.”

Lonon mo 17:5 Referans Kwoze

Lonon mo 16:5

Yili pulu, yɛ Kore da bulu nuą kəlee diɛ: «Tínąą yələ wala pɔ, nui gaa a Yai-Laa nwɔ nu, yai mąąhəɠɛɛ yɛ pɛli lɛɠɛi mą, Yai-Laa a tinąą nɛ. Nui a nɛɛ laa yɛ lɛɠɛ mą, mąą nu ɓə a niiɓamun.

Osia 14:5

Gáá pai di ɓaloi di wɔ pulu kulɔ mɛ̨nįi tii yəi, gɛ́ di wɛlilakɛ gwə́i tɔ̨nɔ̨ mɛ̨i, ŋą́ą́ nwɔ́ lííholii həɠə di mɛ̨i.

Izikiɛ 16:41

Di kaa pai ə́ wɔ pɛlɛ́ɠaai kələn ɉii; di kaa pai giti hu wooɠaai tii pɔ mɛ̨nį kɛi yɛ́ nɛ̨ąą kpulu kɛnɛ̨ɛ ɲɛ̨i ɓa. Gáá pai ə́ wɔ wɛli hon ŋąą kpɛɛi, hva kɛa pɛli wali tɛɛi a nuą́ hvɛla.

Lonon mo 17:8

Moisə da Aarɔn di li gee kaa kələ laaləi.

Lonon mo 16:11

Yili mąą mɛ̨nį ɓə ka ə́ pulu nuą kəlee ka tɔɔ la Yai-Laa la. Aarɔn hvəi ka káá naa ɓoi.»

Izikiɛ 23:27

Ŋą́ ə́ wɔ tuwɔ pələ ɲɔ̨n kpɛla kɛa bələi, da ə́ wɔ wɛli mɛ̨nįi ə́ ə́ yee lɔ ɉu Eziptə lɔi hu, hva kɛa ə́ ɲɛ̨i kulɔ di pɔ; hva kɛa ə́ kiliŋąhiɛ Eziptə ɓa.

Azaya 27:6

Voló yiɠaai pai pai, Ɉakɔbə hamuɠaa kaa pai ɓɔn ɉi, Israɛlə kaa pai powai, dɛlinŋąą diɛ kulɔ, gaa pai yɛnɛ̨ɛ̨ laa hvɛɛi a ma.

Azaya 13:11

Gáá pai nwą́nąkulɔi yɛnɛ̨ɛ̨ ɓa, ɉɔn ɲɔ̨nwɔ̨ mɛ̨nį ɓa, gɛ́ nwą́nąkulɔ nwąnąlɔ nuą diɛ, di wɔ nɛ̨ŋɛ̨nŋąąi mąą mɛ̨nį ɓa, gɛ́ kpɔwɔ ɲąąkɛnɛ̨ kulɔ tɛɠɛɓo ɉu nuą yee pɔ, gɛ́ nu mɔ̨nɔ̨ɓo tɔɔɓɛlaa, di wɔ ɓələn mąą yɛɛ.

Azaya 11:1

Ɉɛse nwɔ nwungbəi mąą kaa pai pooi, ɉamu kaa pai kpuwun ɉii.

Azaya 5:24

A kɛ tii, bələi lɔ nwɔ̨n a dɛ̨ɛ̨ kələn na, bələi lɔ mɔ̨nun gbowo a kələn na nwɔ̨n nən ɉu, bələ ɓə di hamu kaa pai luwun ɉii la; da ɓɔn, hvaŋą yɛ li a di ɓɔn, mąąhɔlɔɓo, daa Yai-Laa Mɛ̨nį Kəlee ŋą Hééɓomun nwɔ mąąkwɛli wooi pili, daa tɛɠɛɓo Israɛlə nwɔ Mąąhəɠəmun nwoo hu.

Lonon mo 17:10

«Ka kulɔ nu kpului ŋɛ̨i lɔwai, ŋį́ di hukala kpɔlɔɔ yiihu.» Moisə da Aarɔn di pɛlɛ nɔi ɓa.

Korɛntə dɔlɔɔ 10:10

'Ká hvo hvaa ká nwun ɉu, yɛ bələi daɠaa di gɛ la; nwun na pilimun yɛ di nwun na pili.

Lɛɛ gbɔwɔ ɓa 16:7

Yələwala pɔ, ka káá pai Yai-Laa nwɔ mąąwiɛ kaai. Mąąhɔlɔɓo, mɛ̨nįɠaai ka kɛi mo ka nwun ɉu, Yai-Laa aa mɛ̨n. Lə ɓaa kuɔ, yai ka li hvaai ka nwun ɉu kuɔ?»

Lonon mo 11:1

Yələ ta, Israɛlə lonnii di pɛlɛ diɛ di woolaa. Di woo tii ə too Yai-Laa wəli, hvo nɛ̨ɛ̨ mą. Di woo mɛ̨n Yai-Laa ə mo, ə níiholi kpɔ kɛnɛ̨. Yai-Laa nwɔ nwɔ̨n ə di wɔ ɓuwui bələ tɔ̨nɔ̨ kələn.

Lonon mo 17:6

Yələ ɓoɔ, Israɛlə lonnii kəlee di hvaa pɛlɛ Moisə da Aarɔn diɛ, diɛ kɛ diɛ: «Kaa Yai-Laa nwɔ nu huwui paa.»

Mąątɛ̨nɛ̨ 105:26

Ə nwɔ tímun Moisə tɔɔ, da nui ə ɉəɠə ɉu a Aarɔn.

Lonon mo 1:51

Da kɛi li a gee kaa kələ, Levi lonnii ɓə da gboloon diɛ li la, da kɛi dɔɔ, diɛ ɓə da ɉee gee la. Nu takpɛli a lɛɠɛ mą, mąą nu a haa.

Zasua 4:7

Ka di woo ɲąąpənə, kaa diɛ: ‹Ɉurdɛn yá ə tɔɔ, ɓɛlɔwai Yai-Laa nwɔ mįnɛ̨ kəhi ə kɛi tɛɛ la ɓɛ Ɉurdɛn yá hu, gwɛniɠaai ŋɛ̨i kaa a gbalo mɛ̨nį tii gili lɛɛ ɉu hɛn.›»

Kɔlɔnikɔ Veerɛi 26:16

Vaŋą kɛnɛ̨ pələi tii, humɛ̨ni kɛnɛ̨ ə lɔ ɉu, ə lɛɛ la ɉu, ə gbɔwɔ nwun napili; hvo lɛɛ Yai-Laa nwɔ Yálái ɓa kwəi tɔ̨nɔ̨ laa hu. Ya ka tii lii, yɛ lɔ Yai-Laa nwɔ pɛlɛ́i mu, yɛ lansan kələn lansan kələn ɉi.

Ɛsdrasə 2:62

Nuą tii, di di laa leelee kwɛli ɉɛɓɛ́ hu, di hvo ɉɔlɔɓo, di di kaa kɛa yɛ nu mɛ̨nį kalaaɠaa, di di laa kulɔ ɉaláá kulɔ nuą lɔwai.