Lonon mo 16:21 - Yálá laawoo hɛɓɛ (dc)

²¹ «Ka həɠə nuąi tii kwɛlɛ, gáá di hukalai kpɔlɔ yiihu.»

Yálá laawoo hɛɓɛ

²¹ «Ka həɠə nuąi tii kwɛlɛ, gáá di hukalai kpɔlɔ yiihu.»

Bible

²¹ “Ka kula ǹûai kpîŋ sama ŋá dísu kara a maa félaa.”

Lonon mo 16:21 Referans Kwoze

Lɛɛ gbɔwɔ ɓa 32:10

Yii hu kɛa, Moisə, nɛ́ɛ́ laa ŋį́ nwɔ́ liiŋąnwąnąi yɛɛ di mɛ̨i, gáá gəlee nwun na pilii kpɔ tɛ̨ɛ̨tɛ̨ɛ̨, yili pulu, yɛ́ ɓə kɛa gáá pai ə́ huwu ɓɛlɛi.»

M̀ɛni-lɛɛi 18:4

Ɛlɛɛ, ŋį́ woo ta mɛ̨n yɛ həɠə yələi pələ, yɛ kɛ mą: «'Ká kulɔ daai ŋɛ̨i hu, káái a ŋą nu huwu, ə gɛ ká hvo pa too di wɔ nɛ̨ŋɛ̨nŋaai hu; ɛlɛɛ, mɛ̨nį ɲąąnwąnąą tii pai laai diɛ, ká hvo pa hɔlɔɓo ɉu.

Mąątɛ̨nɛ̨ 73:19

Gaa kpɔlɔ a nu tɛɠii kɛɛ kalaa lɔ poto-poto, daa lɔ gbąi, di hu aa kala a ɲɔw.

Lɛɛ gbɔwɔ ɓa 33:5

Yai-Laa yɛ Moisə ɓa: «Mo Israɛlə lonnii diɛ, yɛ́ diɛ: ‹Nu huwu nwun nwalawala ɓaa a kaa, ŋį́ mą kɛ diɛ, gáá lɛɛi ka lɔwai, ə mą kɛ a hvóló tɔ̨nɔ̨ kpɛli, ŋą́ nəi ka hu kala. Ə həli kani kaa! Ka ɉɛli həɠəɠaa kulɔ ka kwąną, bələi gɛ́ ŋį́ pa ka hon na, gɛ́ pɛli bələ kaai.›»

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Gɛlaɠaa 2:40

Piɛrə ə mɛ̨nį tamąą ɓo diɛ, yɛ di kilaa pono, yɛ di hvaŋąlɔ, yɛ kɛ diɛ: «Ka hvaa mą ka ka yee hee ka ɓalo mɛ̨nį mu, ka kulɔ nwun napili nuą pɔ.»

Ɉeremi 5:16

Di wɔ tonwą taɠai ka a kámą laa ɓoɔ, di kəlee di kaa a kulaa kpəɠiɛɠaa.

Azaya 37:36

Yai-Laa nwɔ malaka ə pa Asiri nuą di wɔ kɔlaɠai hu, ə nu waa nwundɔ̨nɔ̨ yeemɛ́ihaaɓa kɔ́w lɔɔli paa. Yələ wala pɔ, nuą nwun ɉii lɔwai, gəlee di kɛ a di pɔwa.

Lonon mo 14:15

Akɛ ya nuąi ŋɛ̨i kəlee nwun na pili lɔ tanɔ̨n, nɔiɠaai daa ə́ mąą mɛ̨nį bələ mɛ̨n, di kaa pai kɛi diɛ:

Lonon mo 14:12

Gáá di hukala ɲɔ̨n bilii di lɔwai, ɛlɛɛ ŋį́ di hvɛɠɛ di kwɛlin ɉu. Kɛlaa ə́ wɛi, gáá ə́ huwu ɓɛlɛi, ŋį́ ə́ yee kɔ́nwɔ̨n ɉu wala wala ə tɛɛ diɛ.»

Zɛnɛse 19:14

Lɔtə ə li, nuąi ŋɛ̨i kɛi pa nonnii nɛ̨ąą həɠəi a di nɛ̨ą, yɛ diɛ: «Ka kulɔ ɓɛ daai ɉa, mąąhɔlɔɓo, Yai-Laa kaa pai daai ŋɛ̨i kələn ɉii.» Kɛlaa, di kɛi Lɔtə wooi tii kaa yɛ yola woo.

Lɛɛ gbɔwɔ ɓa 32:12

Akɛ yá nuąi ŋɛ̨i kəlee nwun na pili yɛ pələi tii yaa mo la, Eziptə nuą kaa pai kɛi diɛ: ‹Ə́ di kulɔ lɔ Eziptə lɔi hu a gbąnąlaa, ə gɛ, ə́ di nwun na pili ɓɛ, ɲee koo mu, di laa ə kpɛɛ ɓɛ lɔi mɛ̨i.› Ee kə! Yai-Laa! Ə́ líí laa, Hvó mɛ̨nį ɲɔ̨n naa ə́ wɔ́ nu huwui ɓa.

Lonon mo 16:20

Yai-Laa yɛ Moisə da Aarɔn diɛ:

Zɛnɛse 19:13

Ku kaa pai ɓɛ nɔi kələn ɉi, mąąhɔlɔɓo, nɔi ŋɛ̨i hu nuą kɛ nɛ̨ŋɛ̨n gun aa həli Yai-Laa ɓa, ə ku tɔɔ, ə gɛ, ku ɓɛ kələn.»

Lonon mo 17:10

«Ka kulɔ nu kpului ŋɛ̨i lɔwai, ŋį́ di hukala kpɔlɔɔ yiihu.» Moisə da Aarɔn di pɛlɛ nɔi ɓa.