Lonon mo 15:5 - Yálá laawoo hɛɓɛ (dc)

⁵ Akɛ ɓɛlaa lon mə ka káá gələn ɉii, a wala kɛ tii liilaa haláá ɓə ka káá gulɔi, ka lɔɔ litɛlɛ tɔ̨nɔ̨ da gbulɔ pɛlɛ mą.

Yálá laawoo hɛɓɛ

⁵ Akɛ ɓɛlaa lon mə ka káá gələn ɉii, a wala kɛ tii liilaa haláá ɓə ka káá gulɔi, ka lɔɔ litɛlɛ tɔ̨nɔ̨ da gbulɔ pɛlɛ mą.

Bible

⁵ Fɛ̂ɛ é kpele-sɛŋ-sala kula máŋ a ŋwãai sane tɔnɔ ƃála tɛi-tɛi kélee mɛni ma.

Lonon mo 15:5 Referans Kwoze

Lonon mo 28:14

Nɔɔi mąąnɛ̨ɛ̨ di paa la, ya ka: Nįŋɛ̨ hilɛ tɔ̨nɔ̨ lɔɔ ɓala tɔ̨nɔ̨; mɛlaa hilɛ nwɛi, lɔɔ golo tɔ̨nɔ̨, mɛlaa lon dɔ̨nɔ̨ da lɔɔ litɛtɛ tɔ̨nɔ̨. Ɲąnin dɔɔ nįnɛ̨ haláái da gələn ya ka tii. Yai mąąnɛ̨ɛ̨ kaa gulɔ ɲąnin nįnɛ̨ tɛi tɛi yee mu kwɛlan ɉu.

Lonon mo 28:7

Mɛlaa lon dɔ̨nɔ̨ paai lɔwai, ka pa a lɔɔ litɛlɛ tɔ̨nɔ̨ da gbulɔ, ka naa həli Yai-Laa ɓa bɛlɛ́ mąąhəɠɛɛ mu.

Timote veelɛ 4:6

Yii ɲą́ą́ nwɛ́i, daa náákwɛlanmo a haláá hɛn, ɛlɛɛ, ní yələ aa həli.

Filipə 2:17

Ɉaláái ká wɔɔ laa na laa a gulɔ, da pɔ tíɓo, akɛ, naa kulɔ hɛn mąą a ɲą́mą, ŋą́ hvaa mą, ŋą́ dɛɛ ká pɔ, a gwə́inɛ̨ɛ̨.

Zakari 9:17

Ee kə! Di kaa pai kɛi di nɛ̨ɛ̨ hu tai! Di kaa pai lɛlɛi-yee! Mɔ̨nun da lɔɔ di lɛlɛ pələ kaa pai, ɉilɛlɛa, da nɛ̨ɛ̨lɛa di kwəi nɛ̨ɛ̨i.

Wɛli 1:4

'Ɲéé hon, gwəli! Gu gilɛ həɠə! Yɛ́ ɓə a nwɔ́ tɔɔmun; 'gwəli; ə́ yəi bɛlɛ́ lon mu. Yɛ́ lɔ ɓə a gu wɔ kwəinɛ̨ɛ̨, da gu wɔ ɲąŋą kulaa! Gu ə́ wɔ wɛlikɛmąąlaa mąą ɲąŋą kulɔ, ə tɛɛ lɔɔ ɓa. Tɛ̨ą kaa nɛ̨ɛ̨lɛa pɔ, di ə́ wɛli la kɛ.

Mąątɛ̨nɛ̨ 116:13

Gáá pai málo mɛ̨nį mąą lɔɔ pui a kwəinɛ̨ɛ̨, gɛ́ Yai-Laa təli a naa.

Nwun mąąɓo 9:13

«Viɲə yɛ diɛ: ‹Gaa ka kwəi, gáá pai ɲéé kulɔi nwɔ́ lɔɔi hu, yaai a Yálá kwəinɛ̨ɛ̨, yɛ nuą kwəinɛ̨ɛ̨, ŋą́ li, gɛ́ tɛɛ tɛɛ ɓo wuluɠaa mɛ̨i?›

Levetekɔ 1:10

«Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Levetekɔ 3:6

«Akɛ taatɛlɛɛ pɛlɛɛ ta ɓə, daa paa la Yai-Laa pɔ, a liilaa haláá; mąąnɛ̨ɛ̨ ə kɛ a ɉilɛ, awala kɛ tii ɉaa, kpɛɠii hvo kɛ mą.

Levetekɔ 3:7

Akɛ ɓɛlaa ɓə di paa la a Yálá kɔ́ hɛn, da naa həli Yai-Laa ɓa,

Lonon mo 15:6

Akɛ ɓɛlaa hilɛ ɓə mąąnɛ̨ɛ̨ di gələn, mąąnɛ̨ɛ̨ di lɛɠɛ hunwɔ̨ gəgən ɉu mɛ̨ida pɛlɛ mą, ɲɔwɔn ŋąą a wulɔ litɛlɛ hveelɛ.

Lonon mo 15:11

«Bələ ɓə da gɛ la, yɛi kɛ a nįŋɛ̨ hilɛ, ɓɛlaa hilɛ, ɓɛlaa lon, a wala kɛ tii ɓooli.

Kɔlɔnikɔ Veerɛi 29:35

Ɛlɛɛ, ɉaláá hɛn da gəlee kələn damąąi kɛ, ɛlɛɛ, liilaa haláá huwɔ wulɔ kɛnɛ̨, ə mą kɛ, nɔɔi di kɛi bu ɉaláá hɛn da gəlee kələn mą. Bələ ɓə di pənə di Yai-Laa nwɔ pɛlɛ́i mu koló hee la gbanɲą.

Lɛɛ gbɔwɔ ɓa 29:40

Yili pulu, kilə haaɓa da gbulɔ, lɛɠɛ hunwɔ̨ hu, ɉumɔ̨ɔ̨ a wulɔ litɛlɛ tɔ̨nɔ̨ da gbulɔ, ə kɛ a wulɔ lɛlɛɛ, ɛlɛɛ, ə́ lɔɔ pu mą.

Levetekɔ 23:13

Ka Yai-Laa kɔ́ hɛn bɛlɛ mą a lɛɠɛ hunwɔ̨ gəgən ɉu mɛ̨ida, ɲɔwɔɔ a wulɔ, yili kaa a haláá kɔ̨nɔ̨n mąą kun nɛ̨ɛ̨ a Yai-Laa nwɔɔ, yɛ niilaa, da nɔɔi ka bu nɔi ɓa, ɓɛi ka ɉaláá kulɔ laa, yii a kɛ a múluun gbulɔ.

Ɛsdrasə 7:17

mąąnɛ̨ɛ̨ ə́ nįŋɛ̨ hilɛɠaa, ɓɛlaa hilɛɠaa, ɓɛlaa lonnii, da nɛɠɛ hunwɔ̨, ə mą kɛ nɔɔ, ə́ di ya a nwalii tii kulɔi, ka wɔ Yálái ŋą pɛ́lɛ́i mu Ɉerusalɛmə daai.