Lonon mo 15:35 - Yálá laawoo hɛɓɛ (dc)

³⁵ Nąąlɔwai, Yai-Laa yɛ Moisə ɓa: «Mąąnɛ̨ɛ̨ di nui tii paa. Mąąnɛ̨ɛ̨ nuą kəlee di ɉɔɔ a kwɛni daa pulu pələ.»

Yálá laawoo hɛɓɛ

³⁵ Nąąlɔwai, Yai-Laa yɛ Moisə ɓa: «Mąąnɛ̨ɛ̨ di nui tii paa. Mąąnɛ̨ɛ̨ nuą kəlee di ɉɔɔ a kwɛni daa pulu pələ.»

Bible

³⁵ Nya ƃe Yâwɛɛ è mò Mose mà ǹyɛɛi, “Fɛ̂ɛ nɔ́ nalôŋ é sáa. Tɔɔ Eezuɛ-ŋai kélee dí zɔɔ a kɔni m̀ûui pôlu-pere.”

Lonon mo 15:35 Referans Kwoze

Gɛlaɠaa 7:58

di ɉon, di kulɔ la daa pulu pələ, diɛ ɉɔɔ a kwɛni. Nuąi kɛi gwɛni pili, di di mąą həɠəɠaa kulɔ di kwaną, di dɛɛ hulɔnon da pɔ, diɛ kɛ mą: Solə.

Tɔɔɓɛlaa dɔlɔɔ 21:13

Nu kpoloon veelɛi tii di lɛɛ pɛlɛ Nabɔtə ɓa nuą kəlee ɲɛ̨i ɓa. Diɛ kɛ mą: «Nabɔtə aa Yálá da tɔɔmun di nɛ̨ŋɛ̨n naa.» Ɲąąɓa, di Nabɔtə kulɔ taai, di lɛɛ ɉɔɔi a kwɛni, ə lɛɛ la ɉu ə haa.

Dutɛrɔnome 21:21

Mąąnɛ̨ɛ̨ daai tii hu nuą kəlee di ɉɔɔ a kwɛni ə haa. Bələ ɓə mąąnɛ̨ɛ̨ ka mɛ̨nį ɲɔ̨n gulɔ la ka lɔwai. Israɛlə nuą kəlee kaa pai bələ mɛ̨n ɉii, diɛ ɲɔw.

Levetekɔ 24:23

Moisə ə mɛ̨nįɠaai tii kəlee laa həli Israɛlə lonnii diɛ. Nui tii Yálá lalan, di kulɔ la daa pulu, di ɉɔɔ a kwɛni. Mɛ̨nįi Yai-Laa ə Moisə tí la, Israɛlə lonnii di gɛ.

Levetekɔ 20:2

«'Mo Israɛlə lonnii diɛ, yɛ diɛ: «Nui lɔpee, ə kɛ a Israɛlə lon, ə kɛ a nwɛ̨ąi heeni Israɛlə lɔi hu, a Molɛkə kɔ́ a non da, mąąnɛ̨ɛ̨ di mąą nu paa, nɔi nuą da baa a kwɛni.

Lukə 4:29

Nuą tii gəlee di di muhəɠə, di wolo Jesus ɓa, di ɉon də li la daa pulu ɓoloon gɛnɛ̨ ta la, diɛ kɛ di bili moloon ɉu.

Levetekɔ 20:27

«Nui lɔpee, ə kɛ a hulɔnu ə kɛ a nɛ̨ɛ̨nu a nwɔ mɛ̨nį laa həli ɲąmuątaa tɔlukpɛ nuą diɛ, mąąnɛ̨ɛ̨ di mąą nui paa; da lɛɛ ɉɔɔi a kwɛni, ə lɛɛ ɉu ə haa. Di ɲąmą wulu a lɛɛ di kpɔwɔ nwuɔ̨.»

Lonon mo 15:36

Nuą kəlee di ɉon, di kulɔ la ɉįi pulu pələ, di ɉɔɔ a kwɛni ə haa. Yili ɓə Yai-Laa ə Moisə tí la.