Lonon mo 15:31 - Yálá laawoo hɛɓɛ (dc)

³¹ Mąąhɔlɔɓo, mąą nu a tɛɠɛɓo Yai-Laa woo hu, aa nwɔ tɔ́n gala; gɛ nɛ̨ŋɛ̨n tii wulu a lɛɛ gbɔwɔ nwuɔ̨. Mąąnɛ̨ɛ̨ di nɛɛ dɔ̨nɔ̨ kon ɉu.»

Yálá laawoo hɛɓɛ

³¹ Mąąhɔlɔɓo, mąą nu a tɛɠɛɓo Yai-Laa woo hu, aa nwɔ tɔ́n gala; gɛ nɛ̨ŋɛ̨n tii wulu a lɛɛ gbɔwɔ nwuɔ̨. Mąąnɛ̨ɛ̨ di nɛɛ dɔ̨nɔ̨ kon ɉu.»

Bible

³¹ Fɛ̂ɛ dí maa-nuui tí kúla ŋɔnûai sáma ŋɔsɔnyɔ̂ŋ maa-mɛni é lɛ́ɛ gbîŋ ma, kpɛ́ni fêi, è Yâwɛɛ wóo pìli é ŋɔtɔ̂ŋ kara.”

Lonon mo 15:31 Referans Kwoze

Hanwon 13:13

Nui a nu woo pili, a gbɔwɔ nwun na pili. Kɛlaa, nui a tɔ́n bɔ liɛwooŋąą hon, mąą nu a vɛla hɔlɔɓo.

Samia Veerɛi 12:9

Gɛ pələ kaa ləi yai, ə́ tɛɠɛɓo Yai-Laa woo hu, mɛ̨nįi hva nɛɛ mą́ą́, yɛ́ gɛ? Hɛtə mun ŋɛ̨i a Uri, yáá baa a ɓɔwa, yáá nɛ̨ą həɠə, yɛ gɛ a ə́ nɛ̨ą. Yɛ́ kpįnįi ɓə dɛɛ Amɔn lonnii pɔ, diɛ baa a kɔ́ kɔ́ ɓɔwa.

Izikiɛ 18:20

Nui a nɛ̨ŋɛ̨n ɉəɠə, mąą nu ɓə a haa; lon və pai nąn nwɔ nɛ̨ŋɛ̨n ɉu mɔ̨nɔ̨ mįi; lon ga nąn və pai non nwɔ nɛ̨ŋɛ̨n ɉu mɔ̨nɔ̨ mįi. Tələnmomun nwɔ tələnmolaa a lɛɛ nwuɔ̨, nu ɲɔ̨nwɔ̨ɔ̨ nwɔ kili ɲɔ̨nwɔ̨ɔ̨ wulu yɛ lɛɛ nwuɔ̨.

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Mąątɛ̨nɛ̨ 119:126

Yai-Laa, ə́ kɛ́ mɛ̨nį kɛ yələ aa həli mą, daa ə́ wɔ tɔn mąąkalai.

Levetekɔ 5:1

«Nɛ̨ŋɛ̨n ɉəɠə pələ takpɛli ka nwɔ̨nɔ̨: Akɛ mɛ̨nį ta a tɛɛ taa ta hu, di nuą təli gɛla hvaa ɓo mɛ̨nį ɓa, nui mɛ̨nįi tii hukɔlɔn a wala gɛ hvo pa hvo gɛla hvaa ɓo, aa nɛ̨ŋɛ̨n tii wulu lɛɛ nwuɔ̨.

Piɛrə veelɛ 2:21

Mąąhɔlɔɓo, viɛlaɓoɔi kɛ, di lɛɛ di kpɔɔ ɓa, ə tɛɛ dɛ̨ą pələi ŋɛ̨i kɔ́lɔn ŋąą ɓa di yəi, di pənə di həɠə Yálá nwɔ liɛwoo lɛlɛɛ ŋɛ̨i mɛ̨i, yii di mɛ̨n.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Azaya 30:12

Ɛlɛɛ yaan, mɛ̨nįi Israɛlə nwɔ Mąąhəɠə mun kaa moi ya ka: Yii yaan kaa nwooi ɲɛ̨i pili, ɛlɛɛ kaa ka kili lɛɛ wea mun nwoo ɓa, kaa ka kilitɔɔ ka ɓowo mun mą.

Mąątɛ̨nɛ̨ 38:4

Ə́ wɔ líiholii aa kulɔ ną́ą́ kəlee, aa gbóną. A tɛ̨ą, gɔ́w kəlee kponąąi ɉú, a gɛ́ nɛ̨ŋɛ̨n naa pɔɔ!

Levetekɔ 26:43

A kɛ tii da pa kɛa nɔi lɛɛi gbɔwɔ ɓa, nɔi a nwɔ hvįįtɔɔ hvólóɠaai kəlee ɲąąnɛ̨ɛ̨ kulɔ, ɓɛlɔwai a kɛ la a lɔi pun. Nuą diɛn, a kɛ tii, nwɔ́ tɔ́n nwooɠaai di viiɓo, da nwɔ́ hvįįtɔɔ hvólóɠaa di bili, daa kpɛɛ a di wɔ nɛ̨ŋɛ̨nŋąą tii mąą mɔ̨nɔ̨ mįɛ.

Levetekɔ 26:15

ka nwɔ́ tɔ́n nwooɠaai pili, nɔi hu yíi ɓo pələi ŋį́ nɛ kaa, nwɛli a wala kɛ kaa, ɛlɛɛ ka wala nwɔ́ tíɓoɠaai ta lɔpee kɛ, kaa nwɔ́ mįnɛ̨i hu kala la tii,

Mąątɛ̨nɛ̨ 107:11

Mąąhɔlɔɓo daa kɛ kulɔ Yálá woo mu, daa Hɛn Gəlee Mɛ̨imun Yálá nwɔ liɛwooɠaa lɛɛ.

Lɛɛ gbɔwɔ ɓa 30:33

Akɛ nu ta a nwulɔi tii ɲɔ̨nwɔ̨mąn bɛli, yɛ ɉiɛ nu ta ɓa, mąąnɛ̨ɛ̨ di gulɔ Israɛlə lonnii lɔwai.›»

Lonon mo 9:13

Kɛlaa, akɛ tɔ́n a wala kɛ nu ta ɓa a mɛ̨nį ta mąą mɛ̨nį, hvo nwɔ̨nɔ̨ hiɛ ɓa, a pakə hɛli mąą mɛ̨nį viikpɛɛ kulɔ, mąą nui tii, ɓə da gulɔ nwɔ nuą lɔwai, pai tii hvo mo li a nwɔ kɔ́ɓo hɛn Yai-Laa pɔ a guui tii di dɔɔi. Mąą nu nwɔ nɛ̨ŋɛ̨n nwulu a lɛɛ gbɔwɔ nwuɔ̨.

Dutɛrɔnome 17:12

Kɛlaa, akɛ, nu ta a gbɔwɔ ŋąą kɛnɛ̨, ɉaláá laa həli nuą ŋɛ̨i di kaa kóló kɛi Yai-Laa ka wɔ Yálá hee pɛlɛ́ mu, mąą nu hvo túwɔ́ li yɛ bələi di mo la, awala kɛ tii, yɛ bələi giti tee mun ə mo la, mąąnɛ̨ɛ̨ di mąą nu paa. Ka mɛ̨nį ɲɔ̨n gulɔ Israɛlə lɔi hu.

Samuɛlə dɔlɔɔ 3:14

Yili mąą mɛ̨nį ɓə ŋą́ gwɛla la Eli nwɔ pɛlɛ́i ɓa, hɛn lɔpee ta hvo pai pɛlii Eli nwɔ nuą di wɔ nɛ̨ŋɛ̨n hu pui; ə kɛ a haláá, ə kɛ a mɛ̨inɛ̨ɛ̨ kpɛli-kpɛli.»