Lonon mo 14:43 - Yálá laawoo hɛɓɛ (dc)

⁴³ Amalɛkə nuą da Kanaan nuą di kaa laa ka tɔwɔ, di kaa lii ka paai, mąąhɔlɔɓo, kaa ka pulu tɔɔ Yai-Laa ɓa, ɛlɛɛ, Yai-Laa hvo kpɛli ka pɔ yili hu.»

Yálá laawoo hɛɓɛ

⁴³ Amalɛkə nuą da Kanaan nuą di kaa laa ka tɔwɔ, di kaa lii ka paai, mąąhɔlɔɓo, kaa ka pulu tɔɔ Yai-Laa ɓa, ɛlɛɛ, Yai-Laa hvo kpɛli ka pɔ yili hu.»

Bible

⁴³ Amɛlɛka-ŋai da Keena-ŋai díkaa naa. Kà lì naa da pâi kápaâi a ƃóa-sɔ̂kpɔ. Yâwɛɛ fé ká kɔlɛ. Kpɛni fêi, ka kápôlu fé mì.”

Lonon mo 14:43 Referans Kwoze

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Lonon mo 14:25

Amalɛkə nuą, da Kanaan nuą di kaa heeni nɛ̨ŋɛ̨ lɔi hu. Tínąą, ka pənə ka pulu, ka li nɔi pun ɉu pələ, ka ɉaŋą a Veen gbɔ̨nɔ̨ gboloyá tənən ma pələ.»

Lonon mo 13:29

Amalɛkə lonnii ɓə heeni ɉɛɠɛɛ pələ, Hɛtə nuą, Ɉebusə nuą da Amɔrə nuą di kaa heeni ɲee lɔi hu pələ. Kanaan nuą leeleeɠaa di kaa heeni gboloyá kwɛlɛ, da Ɉurdɛn ɲá ɓɛlaaŋąą pɔ.

Osia 9:12

Di mąn lɛapɛlɛɛ kulɔ ɉu, ŋą́ di hvɛɠɛ nɛapɛlɛɛi tii hu, di nu kɛɛ tɔwɔ. A tɛ̨ą, ŋą́ pa həɠəi di pɔ, di kaa pai mɔ̨nɔ̨ mįi.

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Nwun mąąɓo 16:20

Yili pulu, yɛ Samsɔn ɓa: «Samsɔn, Filisti nuą kaa pai.» Samsɔn ə ɲįnąąɓo, yɛ kɛ nwɔ kwəi pələ: «Gáá pai kulɔi ɉu, yɛ bələi hiɛ ŋą́ kɛ kulɔi la ɉu.» Kɛlaa, hvo kɛ gɔlɔn yɛ kɛ Yai-Laa aa mąą kwɛa mą.

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Lonon mo 14:42

Ka hvo kɛ ka káá lii laa, mąąhɔlɔɓo, Yai-Laa hvo tɔɔ li ka pulu yili hu. Ka li laa, ka yówóɠaa yee kaa pai tɛɛi kaa.

Lonon mo 14:44

Kɛlaa, ə mą kɛ tii, nuą di ɉəɠə kpɔ a di nwąnąi diɛ kɛ di kaa lii ɲee lɔiɠaa hu. Yai-Laa nwɔ mįnɛ̨ kəhii da Moisə kpinįi di hvo di kɔ́wɔ kulɔ taai.

Zasua 7:12

Yili ɓa tii, Israɛlə lonnii di hva pɛli tɔɔi di yowoɠaa lííla, di kaa lɔ pai kɛi di pulu hvəi di yowoɠaa diɛ. Ŋą́ą́ di kɛ a hɛn mąąnɛ̨ɛ̨ di ɉukala, və́ kɛa pai lɛɛi ka pɔ, akɛ mɛ̨nį ɲɔ̨n tii ka lɔwai ka wala gulɔ laa.

Zasua 22:15

Di həli Rubɛn lonnii diɛ, da Gadə lonnii, ə mą kɛ Manase huwu bələ tɔ̨nɔ̨ Galaadə lɔi hu, di nwooɠaa ŋɛ̨i ɓo diɛ,

Mąątɛ̨nɛ̨ 44:10

Ya ka yáá ku pili, yáá ku ɲɛ̨i paa. Hvó lɛɛi kɛa ku wɔ kɔlaɠaɠaai pɔ, káá li kɔ́ mɛ̨i.