Lonon mo 14:4 - Yálá laawoo hɛɓɛ (dc)

⁴ Di kɛi mo di kee ɓa diɛ kɛ mą: «Ka gu nu ta hee gu nwun na, ə pənə a guɔ, gwəli Eziptə lɔi hu.»

Yálá laawoo hɛɓɛ

⁴ Di kɛi mo di kee ɓa diɛ kɛ mą: «Ka gu nu ta hee gu nwun na, ə pənə a guɔ, gwəli Eziptə lɔi hu.»

Bible

⁴ Dí mó díkîe-ni dîa dîyɛɛi, “Kwaa kútuɛ-nuu lɛ́ kú lí pôlu Ize lɔii su!”

Lonon mo 14:4 Referans Kwoze

Gɛlaɠaa 7:39

«Kɛlaa, gu nąnni di hvo gɛ, di hvo lɛɛ nwoo pulu, di lənə nwooi ti ɓa, a di pənə kilii kɛ diɛ, diɛ kɛ də li Eziptə lɔi hu.

Lukə 17:32

Ka ka kiliŋąhiɛ, ka hvilɛn Lɔtə nɛ̨ą nwɛi ɓa.

Dutɛrɔnome 17:16

Ka wɔ tɔɔmun gbɔ, mąą hvo nɛ̨ɛ̨li hoo kpulu kɛnɛ̨ hvo kɛ ɲəi, hvo kɛ gaa nuą tɔɔi Eziptə lɔi hu hoo kpulu kɛnɛ̨ ya mɛ̨nį ɓa. Mąąhɔlɔɓo, Yai-Laa ə kɛ kaa: «Ka hvə kpɔ kɛa pənə ka hvo ɉon a Eziptə lɔi hu pələi tii tɔ̨nɔ̨ kpɛli.»

Hebreu 11:15

ɛlɛɛ, akɛ ɓɛi di həɠə laa nąą kili ə lɛɛ di ɲą, də li kɛ pənə di pulu.

Dutɛrɔnome 28:68

«Ɛlɛɛ, Yai-Laa kaa pai ka pənəi ka pulu kaa li Eziptə lɔi hu kələn gbɛa-kpɛa hu, a ɓɛi ŋɛ̨i ŋį́ kɛ kaa: ‹Ka hva kɛa pənə ka hvo ka pulu pənə laa wɔi!› Ka pa lii nɔi tii hu, ka káá lii kɛi ka kpɔɔ lɔwɔ́tɔɔi kaa kɛ a ka yowoɠaa di wɔ luwɔ hinąą da luwɔ nɛ̨ąą. Kɛlaa, ə mą kɛ tii, nu ta hva hɔlɔɓo, hvo ka ya.»

Lonon mo 14:5

Israɛlə lonnii kəlee ɲąąkpɔn ŋąą kɛ, Moisə da Aarɔn di pɛlɛ di kɔ́wɔ mu.

Lonon mo 11:20

Kɛlaa, ka káá mįi ɲąnin dɔ̨nɔ̨ yee mu, ə lɛɛ ɉu nwɛli ə kpɛɛ kaa, gun ə hee ka hu. Yili kaa pai kɛi tii, mąąhɔlɔɓo kaa ka kili kulɔ Yai-Laa hu, yai gaa ka pɔ, kaa ka woolaa kaa kɛ mą: Lə mɛ̨nį ɓa ku kulɔ Eziptə lɔi hu?.›»

Ɉeremi 42:14

kaa kɛ diɛ; ku kaa lii Eziptə, ku hva kɛa pulu həɠə laa; nąą ɓə ku kaa bɔ kwəli ku hee laa;