Lonon mo 14:33 - Yálá laawoo hɛɓɛ (dc)

³³ Ka kwəi lonnii di kaa ka wɔ túwɔ́ pələ ɲɔ̨n tii ɉu mɔ̨nɔ̨ mįi kwɛlan bow nąąn ɲee mu, ə lɛɛ ɉu ka powa ə too ɓɛ nɔi pun ɉu.

Yálá laawoo hɛɓɛ

³³ Ka kwəi lonnii di kaa ka wɔ túwɔ́ pələ ɲɔ̨n tii ɉu mɔ̨nɔ̨ mįi kwɛlan bow nąąn ɲee mu, ə lɛɛ ɉu ka powa ə too ɓɛ nɔi pun ɉu.

Bible

³³ Kánîa-pɛlɛɛi da pâi kɛ̂i a ƃála-mɛi-kaa-ƃela vɛ̃ɛ-kpâlaŋ ŋí su a kóraŋ buu náaŋ. Da pâi mɛni-soli kâai kámɛni ma é lɛ́ɛ la zu kákelee ká sáa. Kpɛni fêi, laa-la fé káyêei.

Lonon mo 14:33 Referans Kwoze

Izikiɛ 23:35

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Lɛ̨ąi ə́ mo mą́ą́, yɛ́ bílí ə́ pulu pələ; ə́ wɔ tuwɔ pələ ɲɔ̨n, da ə́ wɔ wɛli mɛ̨nįi, pulu mɔ̨nɔ̨ mįi yɛ́ kpinįi.

Lonon mo 32:13

Yai-Laa lii ə holi Israɛlə pɔ, ə di nwun ɉu hiɛ nɔi pun ɉu kwɛlan bow nąąn ɲeemu. Ə lɛɛ ɉu nuąi kpɔ tii Yai-Laa líiholi, gəlee di haa.

Mąątɛ̨nɛ̨ 107:40

Yili pulu, Yálá ə wɛlikpɛɛmąą laa lɔ nu kpɛa kpɛa kili pɔ, ə di lɛɛ laa diɛ li di nwun na pili pələ mɛ̨i.

Dutɛrɔnome 2:14

Ə həɠə Kadɛsə-Barnea ə həli la ɓɛlɔwai gu Ɉerɛdə yá teen na, gu lamun ɉiɛ hu a kwɛlan bow haaɓa gɔw mɛ̨ihaaɓa. Nuą kpɔ kɛ da pɛli kɔ́ kɔ́i, di kəlee di haa, yɛ bələi Yai-Laa ə mo la yɛ gwɛla ɉu.

Osia 9:1

Israɛlə, 'hvo kwəinɛ̨ɛ̨ kulɔ! 'Hvo mąną, yɛ lɔi ta kpɛliɠaa, mąąhɔlɔɓo, ə́ kaa wɛli hon ɉii a ə́ mąą kwɛai ə́ kaa moi ə wɔ Yálái ɓa, yɛ́ yili mąą hvɛla wɛlila kɛ, mɔ̨nun danɉii kəlee ɓa.

Mąątɛ̨nɛ̨ 107:4

Daɠaa di lan lɔi pun ɉu, pələ puɔɠaa hu, di hvo kɛi taa kaa, yii nu a kɛ ɉu.

Zasua 14:10

Ya ka tii yiihu, Yai-Laa a yɛnɛ̨ɛ̨ kpɛɛ hvo mą tɛɛ bɔ́, yɛ bələi ə mo la ə həɠə ɲələi Yai-Laa ə nwooi tii ɓo la Moisə ɓa, ɓɛlɔwai Israɛlə ə kɛ la hiɛ hu, nɔi pun ɉu. Gwɛlan bow nąąn gɔw lɔɔli ka, gáá kwɛlan aa həli pow mɛ̨ihaaɓa gɔw lɔɔli hu, yiihui ŋɛ̨i kɛa.

Dutɛrɔnome 1:3

Israɛlə lonnii kulaa Eziptə lɔi hu, kwɛlan bow nąąn dɛɛ pulu, ɲąnin bow kɔ́w tɔ̨nɔ̨ nwɔ hvóló dɔlɔɔ yələ ɓə mɛ̨nįi Yai-Laa ə mo Moisə ɓa, yili ə naa həli la Israɛlə lonnii diɛ.

Lonon mo 33:38

Yai-Laa ə mo yɛ ɉaláá laa həli mun Aarɔn ə tɛ Hɔrə yee ɓa, ə haa laa, kwɛlan bow nąąn aa kɛ tɛɛ, Israɛlə lonnii kulaa Eziptə pulu; ɲąnin nɔɔli nąąn, nwɔ hvóló dɔlɔɔ.

Lonon mo 5:31

Ɉilɛ nwɛi, mɛ̨nį hva kɛ nwəli pulu, nɛ̨ɛ̨nu yaan, nwɔ nɛ̨ŋɛ̨n nwulu a lɛɛ nwuɔ̨.

Gɛlaɠaa 7:36

Yaa ti ɓə di kulɔ Eziptə lɔi hu, a kpalo mɛ̨nį da kwəi pili mąą mɛ̨nįɠaa ə di kɛ Eziptə lɔi hu, gboloyá kpɔlu hu, ə mą kɛ, nɔi pun hu, kwɛlan bow nąąn ɲeemu.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Dutɛrɔnome 2:7

Mąąhɔlɔɓo, Yai-Laa aa lúwɔ́ too yɛ́ ə́ kɛ mɛ̨nįɠaa kəlee hu. Ɉiɛi yáá gulɔ nɔi pun gɛnɛ̨i hu, gbaɠala kaa mą. Gwɛlan bow nąn ga, Yai-Laa ə wɔ Yálái kaa lɔ ə́ pɔ hɛn da mąąkpaan və ta hee li yɛ́.

Dutɛrɔnome 8:2

Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.

Dutɛrɔnome 8:4

Ka mąą həɠəɠaa di hvo haɠa li ka kwaną, ka kɔ́wɔ hvo hvɛɛ gwɛlan bow nąąn tii yee mu.

Dutɛrɔnome 29:5

Lɛɠɛ hvəi kɛ a ka kɔ̨nɔ̨n, lɔɔ da hɛn a nu nwun ɉu tinɛ̨n, ya hvəi kɛ a ka kpələ yá. Mąą nɛ̨ɛ̨i kɛ ka gbaɠala kaa, kaa diɛ: Ɲą́ą́ gáá a Yai-Laa ka wɔ Yálá.

Zasua 5:6

Kwɛlan bow nąąn mə di gɛ ɉiɛ hu; nuąi kulɔ Eziptə bɛlɛɛ gɔ́kulááɠaa diɛ, gəlee di haa. Mąąhɔlɔɓo di hvo di wəli tɔɔ Yai-Laa woo ɓa, yili ɓə gɛ, Ə gwɛla yɛ diɛ, nɔi Ə naakwɛlanmo di nąnni diɛ, yɛ gaa dɛɛi di pɔ, diɛi tii hvo kɛa pai həlii laa; a nɔi hɛn gəlee a lɛlɛ mą.

Mąątɛ̨nɛ̨ 78:33

Ə di wɔ hvólóɠaai lɛɛ a kpɛli, yɛ hvaŋą, diɛ di wɔ kwɛlanŋaa kɛ ɲɔw kɛnɛ̨ hu.