Lonon mo 14:28 - Yálá laawoo hɛɓɛ (dc)

²⁸ Ka mo diɛ, kaa diɛ: ‹Ɲą́ą́ Yai-Laa nwóó li, Ŋą́ą́ gwɛ́la a gbɔ́ɔ́, gɛ́ diɛ; nwoo tii kulɔ ka la yɛ too nwə́lii, bələ kpɔlɔɔ ɓə gáá gɛi la a kaa.

Yálá laawoo hɛɓɛ

²⁸ Ka mo diɛ, kaa diɛ: ‹Ɲą́ą́ Yai-Laa nwóó li, Ŋą́ą́ gwɛ́la a gbɔ́ɔ́, gɛ́ diɛ; nwoo tii kulɔ ka la yɛ too nwə́lii, bələ kpɔlɔɔ ɓə gáá gɛi la a kaa.

Bible

²⁸ Ka m̀ó dîa kâa Yâwɛɛ ǹyɛɛi, ‘Ŋa ḿvoo a gɛɛ tãi nɔ́ ŋ́gaa la ɣele mai, mɛnii ka káŋuŋ su-woo saâi la é pîlaŋ ḿâi, ŋa pâi gɛ̂i a káa.

Lonon mo 14:28 Referans Kwoze

Lonon mo 14:21

Kɛlaa, akɛ kpɔ gáá a vúlú, akɛ nwɔ mąąwiɛ aa lɔi mɛ̨i kəlee laa hvɛɛ,

Hebreu 3:17

Gbɛɛ nuą ɓə Yálá ə niiɲąąnwąną diɛ kwɛlan bow nąąn ɲee mu? Kɛlɛi nuąi nɛ̨ŋɛ̨n ɉəɠə, diɛ ɓə-é! Diɛ ɓə di powa ə pu nɔi pun ɉu.

Lonon mo 14:23

Nɔi Ŋį́ naakwɛlanmo di lonnii diɛ, di hvo pai həlii nɔi tii hu. Nuą kpɔ ŋɛ̨i daa tɛɠɛɓo ɉú dɔ̨nɔ̨ kpɛli hva nąą kaa.

Lonon mo 14:2

Israɛlə lonnii kəlee di kɛi hvaa di nwun ɉu, Moisə da Aarɔn diɛ, di kəlee diɛ kɛ diɛ: «Kwəli kpɛli haa Eziptə lɔi hu wɛ! A wala kɛ tii, ku haa kɛ nɔi pun ɉu kpɛli kɛ.

Dutɛrɔnome 1:35

Yɛ kɛ diɛ: «Nɔi kpɔ ŋɛ̨i a nɔi lɛlɛɛ ŋɛ̨i, ŋį́ gwɛ́la gɛ́ gáá dɛɛi di nąnni pɔ, di tɔ̨nɔ̨ kpɛli hva nąą kaa.

Lonon mo 32:11

‹Nuąi kpɔ tii kulɔ Eziptə lɔi hu a kwɛlan bow hveelɛ da bulu, nɔi ŋį́ naakwɛlanmo Abrahamə, Isaakə da Ɉakɔbə ni diɛ, di hvo pai gaai; hvo gaai di kaa tɔɔi tai tai di hvilɛn mɛ̨nį ɓa búlu.›

Lonon mo 11:1

Yələ ta, Israɛlə lonnii di pɛlɛ diɛ di woolaa. Di woo tii ə too Yai-Laa wəli, hvo nɛ̨ɛ̨ mą. Di woo mɛ̨n Yai-Laa ə mo, ə níiholi kpɔ kɛnɛ̨. Yai-Laa nwɔ nwɔ̨n ə di wɔ ɓuwui bələ tɔ̨nɔ̨ kələn.

Lonon mo 14:39

Moisə ə nwooɠaa tii hukulɔ Israɛlə lonnii diɛ, nuą di di woo laa kpɔ kɛnɛ̨.

Dutɛrɔnome 1:34

Mɛ̨nįɠaai ka kɛi mo, Yai-Laa ə́ mɛ̨n, ə nwoo kwɛlɛ.

Dutɛrɔnome 2:14

Ə həɠə Kadɛsə-Barnea ə həli la ɓɛlɔwai gu Ɉerɛdə yá teen na, gu lamun ɉiɛ hu a kwɛlan bow haaɓa gɔw mɛ̨ihaaɓa. Nuą kpɔ kɛ da pɛli kɔ́ kɔ́i, di kəlee di haa, yɛ bələi Yai-Laa ə mo la yɛ gwɛla ɉu.

Dutɛrɔnome 2:15

Yai-Laa yee ə wiɛ di mɛ̨i, ə lɛɛ ɉu di kpɛɛ kpɔ tɛ̨ɛ̨ tɛ̨ɛ̨.

Zôo 21:20

Diɛ kpinįi di ɲɛ̨i ə tɔɔ di hu kala mɛ̨nį hu, di Huwalawala Kəlee Nąmu nwɔ líiholii kɔ́ɔn di gaa.

Mąątɛ̨nɛ̨ 95:11

Ya ɓə, níiholi pələ, ŋį́ gwɛ́la, gɛ́ diɛ: «A tɛ̨ą, di hvo pai lɔi nwɔ́ hviitɔɔi hu!»

Mąątɛ̨nɛ̨ 106:26

Yili ə ɲee tɛ yələi, ə gwɛla, yɛ gaa di paai nɔi pun ɉu.

Izikiɛ 12:25

Ɲą́ą́ Yai-Laa, mɛ̨nį lɔpee ŋą́ nɛɛ kwɛala gɛ́ mo, ɉu hva kɛa kwɛa mąą mɛ̨nįi yɛ kɛ. Ka lɛɛ ni yɛnɛ̨ɛ̨, kulɔ nwoo mu nuą, nwooi ŋɛ̨i ŋą́ mo, gɛ́ gɛ. Mɛ̨nį kəlee ŋą Hééɓomun Yálá woo li.»

Dutɛrɔnome 32:40

Ŋą́ą́ ɲéé tɛ, gɛ́ gwɛ́la a yələkɔlɔn gɛ́ diɛ: ‹Akɛ kpɔ gáá a vúlu a yələ kəlee!›