Lonon mo 13:21 - Yálá laawoo hɛɓɛ (dc)

²¹ Nuąi tii di tɛɛ diɛ li nɔi mąąkpɛɛi. Ə həɠə Sin nɔi pun ma, ə həli la Rehɔvə, Lebo-Hamatə kwɛlɛ.

Yálá laawoo hɛɓɛ

²¹ Nuąi tii di tɛɛ diɛ li nɔi mąąkpɛɛi. Ə həɠə Sin nɔi pun ma, ə həli la Rehɔvə, Lebo-Hamatə kwɛlɛ.

Bible

²¹ Nya ƃe ǹûai dí ǹɔii su káa kɔ́ɔ pìlaŋ Ziŋ fɛ̃ɛ-kpalaŋ su-pere dí seri Lio, Ama-perei kɔlɛ ma.

Lonon mo 13:21 Referans Kwoze

Lonon mo 33:36

Di həɠə Esiɔn-Gɛvɛrə, di pa Sin nɔi pun ɉu, Kadɛsə daai kpɔ kpɔɔ.

Lonon mo 20:1

Israɛlə lonnii kəlee di həli Sin nɔi pun ɉu, a gwɛlan nwɔ ɲąnin dɔlɔɔ. Nuą di hee Kadɛsə daai. Nąą ɓə Miriamə ə haa laa, di noo laa.

Lonon mo 27:14

Mąąhɔlɔɓo, Sin lɔi pun ɉu, ɓɛlɔwai Israɛlə nuą di hvaa pɛlɛ la mą́ą́, ka kulɔ nwóó mu, a ka tíi ŋį́ mo gɛ́ ka nwɔ́ mąąhəɠə laa lɛ nuą diɛ di gaa, a yá kulaa a kpalo mɛ̨nį.» Yili hvilɛn ŋąąi Meriba yá mɛ̨nį ɓa, yii kɛ Kadɛsə, Sin nɔi pun ɉu.

Zasua 15:1

Ɉuda lonnii di wɔ lɔi heekpəlin na ka; a gwəliɠaa laa, ə kɛi li Edɔmə lɔi ɲɛ̨n ma pələ, Sin lɔi pun ɉu ɉɛɠɛɛ pələ.

Zasua 13:5

Gevalə nuą di wɔ lɔi, da Liban lɔi kəlee voló ɓɛlai pələ. Ə həɠə Baalə-Gadə ɓa, Hɛrmɔn yee koomu, ə həli la Lebo-Hamatə ɓa.

Amɔsə 6:2

Ka li Kalne daai, mɛ̨nįi kɛi laa, ka gaa. Ka həɠə laa, ka li Hamatə daa lee hu, Yili pulu, ka yɛɛ Gatə daai Filisti nuą pɔɔli. Ka li, ka nąą kəlee mąąkpɛɛ. Kɛlɛi ka wɔ lɔi kɛnɛ̨i dɛɛ di wɛi ɓa ee! Ɛlɛɛ, ka hviɛlaɓoɔ diɛ.

Samia Veerɛi 8:9

Hamatə tɔɔmun Toi ə bələ mɛ̨n diɛ kɛ Davidə yee a tɛɛ Hadadɛzɛrə nwɔ kɔlaɠaɠaa kəlee diɛ.

Dutɛrɔnome 32:51

Mąąhɔlɔɓo, ka kulɔ nwóó mu Israɛlə lonnii ɲɛ̨i ɓa; Meriba ya mąą mɛ̨nį hu, yii gaa Kadɛsə Sin nɔi pun ɉu. Ka hvə kɛ mą́ą́həɠə mɛ̨nį kɔ́lɔn ni Israɛlə lonnii ɲɛ̨i ɓa.

Dutɛrɔnome 1:24

Di ɉon a ɲee hu pələ, di həli Ɛskɔlə ɲee lɔwai lɔi hu di hiɛ nąą kɔ́lɔ kəlee.

Ɉeremi 49:23

Damasə nwɛi ka: Nwumɛ̨ aa Hamatə da Arpadə nuą ɲɛ̨i paa, wɛlɛɛ ɲɔ̨nwɔ̨ɔ̨ aa həli diɛ. Di hu kaa kpɛlin ɉii, yɛ gboloyá. Liihɛlɛn gɛnɛ̨ li, nu hva pɛli heei laa kpɛ-kpɛ.

Ɉeremi 52:9

Kalde kɔ́kulááɠaa di Sedesiasə hon, di tɛ la Rivla daai, Hamatə lɔi hu, Babilonə tɔɔmun bɔ, yili ə Sedesiasə kiti tee.

Izikiɛ 47:16

Hamatə, Berotai, Sivraimə, yai tii Damasə lɔi da Hamatə lɔi di lɔwai. Haserə, Tikɔn yai tii Hauran lɔi pɔ pələi.

Lonon mo 34:8

Ə həɠə Hɔrə yee ɓa, ka ka ɲɛn naa, ka ɉəli Lebo-Hamatə ɓa. Ka ɲɛn gaa pai hvilɛn ɉii Sedadə ɓa.

Nwun mąąɓo 18:28

Nui lɔpee ta hvo hɔlɔɓo, hvo di mąąkɔ̨nwɔ̨, mąąhɔlɔɓo, di mąą kwɛaa kɛ Sidɔn ɓa, ɛlɛɛ, di hvo kɛ nu ta yee mu. Laisə ə kɛ nɛ̨ŋɛ̨ lɔi hu, ə li kpɔ ə həli Bɛtə-Rehɔvə. Dan nu huwu di pənə di daai tii tɔɔ, di hee laa.