Lonon mo 12:6 - Yálá laawoo hɛɓɛ (dc)

⁶ Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Yálá laawoo hɛɓɛ

⁶ Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Bible

⁶ Yâwɛɛ è mò dîa ǹyɛɛ, “Ka ŋ́oo mɛ́ni. À kɛ̀ Ɣâla ŋɔlóno kɛ́-nuu káa kásama, ńyãai a Yâwɛɛ ŋá ŋ́gbîŋ lɛ̀ mà zĩa su, ŋá lóno bɔ́ seêi-pere.

Lonon mo 12:6 Referans Kwoze

Tɔɔɓɛlaa dɔlɔɔ 3:5

Ɓɛlɔwai Salomɔn ə kɛ nií la Gabaɔn, Yai-Laa ə gbɔwɔ lɛ mą a kpinį hįį pələ, yɛ mą: «Hɛn ə kaa bɔ, 'vɛli mą́ą́, ŋį́ dɛɛ ə́ pɔ.»

Zɛnɛse 46:2

Mąą kpinįi tii hu, Yálá ə Israɛlə təli a naa, hįį pələ, ə pələ ɓo mą, yɛ mą: «Ɉakɔbə! Ɉakɔbə!» Ɉakɔbə ə hvaa, yɛ mą: «Nwə́li tɔɔi!»

Lukə 1:22

Ɓɛlɔwai ə kulɔ la, hvo pɛli mɛ̨nį ta ɓoi nuą diɛ. Nuą kili ə pu ɉu diɛ Zakari aa mɛ̨nį ta kaa ɉaláá kulɔ pɛlɛ mu. Hvo kɛi hvaa, ə kɛi lɔ gwəi mɛ̨nį ɓo nuą diɛ a ɲee.

Lukə 1:11

Zakari ə kɛ tɔɔni ɉaláá kulɔ ɉala kulɔi ɓa-mįi-yee hu pələ. Nąmu Yálá nwɔ malaka ta ə gbɔwɔ lɛ mą.

Danîa 10:8

Ɲą́ą́ dɔ̨nɔ̨ gbən lɔ ɓə kɛa lɛɛ laa, gɛ́ gɛɛ maapɔlɔɔ tii kaa. Nąąlɔwai tii hu, vįi ə kpɛɛ, ɲɛ̨́ilaai maa ə hvalin, ɲɛ̨́i ə həɠə naai. Ŋą́ kɛ lɔ kɛa tii, ɉú aa haa, hvaŋą lɔpee ta hvo kɛ ɲə́i.

Izikiɛ 1:1

Gwɛlan bow haaɓa ɲąnin nąąn naa nwɔ hvóló nɔɔli yələ, ŋą́ kɛ gɔ́ luwɔɠaa lɔwai; Kebarə yá kwɛlɛ, yələkɔlɔn naa ə ɓo, ɛlɛɛ, ŋą́ kpalo mɛ̨nį kaa yɛ həɠə Yálá pɔ.

Gɛlaɠaa 10:11

Ə yələkɔlɔn gaa naa ə ɓo, hɛn da ə həɠə laa, yɛ yɛɛ, yɛ ɓo yɛ kpɔlɔ kɛnɛ̨ yɛli nąąn gbulɔn ŋąą mą, yɛ yɛɛ nɔi ɓa.

Maafîu 1:20

Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Kili-Mąąhəɠɛɛ kɛ mɛ̨nį li.

Danîa 8:2

Ɉįi tii ŋą́ gaa, ə kɛ yɛ ŋą́ kɛ Elamə lɔi daa lee hu yii da kɛ mą: Susə. Ɉiin tii hu, ə kɛ yɛ ŋą́ kɛ Ulai ɲa lee kwɛlɛ.

Maafîu 2:19

Herodə haa pulu, Ɉosɛfə ə Yálá nwɔ malaka ta kaa hįį pələ, Eziptə lɔi hu,

Danîa 7:1

Bɛlsasarə ŋɛ̨i kɛ a Babilonə tɔɔmun, nwɔ tɔɔlaa gwɛlan dɔlɔɔ hu, Daniɛlə ə hįi kaa, ɓɛlɔwai ə kɛ la laani ɲəi gbinŋa, mɛ̨nį walawalaɠaai kɛ ɉįi tii hu, ə bɛ̨ɛ̨, ə ɉukulɔ, yɛ diɛ:

Ɉeremi 23:28

Yálá kwəi mɛ̨nį hukulɔ mun yii a hįį kaa, ə nwɔ hįį woo hukulɔ. Kɛlaa, yii ŋį́ mɛ̨nį ɓo mą, ə nwóó hukulɔ a ɉaŋąą. Yai-Laa woo ka, yɛ diɛ: «Akɛti, mɔ̨nun gɔw da gala di pɛliɛ mɔ̨ɔ̨?

Mąątɛ̨nɛ̨ 105:15

Yɛ kɛ diɛ: «Nuąi ŋą́ di həɠɛɛ ɉu, 'Ka hvo tunwɔ̨n diɛ, 'ka hvo mɛ̨nį ɲɔ̨n gɛ a gwə́i mɛ̨nį hu kulɔ nuą.»

Mąątɛ̨nɛ̨ 89:19

Ku mąąkpɛ gbala kaa ə́ yee, Yai-Laa! Ku wɔ tɔɔmun ə ɓo, Israɛlə nwɔ Mąąhəɠə mun yee kɔ́nma.

Zôo 33:15

Hįį pələ, da mɛ̨nįɠaa lɛ nu ɓa kpinii, ɓɛlɔwai yii kɛnɛ a nua hon na, di ɓo laa ni di wɔ gbinŋąąi ŋa diɛ yii.

Zôo 4:13

Ɓɛlɔwai nu nwɔ kiliŋąhiɛ a ɉu pu la mą, a hį́i tamąą kaa yii nwun və mą. Ɓɛlɔwai yii kɛnɛ̨ a nuą hon na,

Lɛɛ gbɔwɔ ɓa 7:1

Nąąlɔwai, Yai-Laa yɛ Moisə ɓa: «Hvo gɔlɔn yɛ́, ŋą́ą́ ə́ kɛ yɛ Eziptə tɔɔmun nwɔ yálá, Aarɔn yɛ ɓo a ə́ laawoo tɛɛ mun!

Zɛnɛse 20:7

Yii hu kɛa, nɛ̨ɛ̨nui ŋɛ̨i tɛɛ ɉilɛ pɔ. Nɛ̨ɛ̨nui ŋɛ̨i ɉilɛ kaa a gwə́i mɛ̨nį hu kulɔ mun, gaa pai ə́ mąą mɛ̨nį laa həlii mą́ą́, ə gɛ, hvo pa haa. Kɛlaa, akɛ ya wala dɛɛ nąmu pɔ, ka ə́ yee pɔ nuą kəlee ka káá pai haai.»

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

M̀ɛni-lɛɛi 11:10

Lɔi mɛ̨i heeɓo nuą di kaa pai kwəinɛ̨ɛ̨ kulɔi di haa mɛ̨nį ɓa, da kɛ kwəinɛ̨ɛ̨ hu, diɛ mɛ̨inɛ̨ɛ̨ kɛ di kee ɓa, mąąhɔlɔɓo, Yálá kwəi mɛ̨nį hukulɔ nuą hveelɛi tii, di kɛli mɛ̨nį laa diɛ.

M̀ɛni-lɛɛi 11:3

Ɛlɛɛ, yili pulu, gáá pai nwɔ́ kɛla hveelɛ tɛɛi di mąą yiliɛ a mąąwɛli həɠə, di gwə́i mɛ̨nį ɓo, hvóló waa tɔ̨nɔ̨ pulu nwun veelɛ ɲee mɛ̨ida yee mu.»

Ifisiɛŋ 4:11

Ɛlɛɛ, ə mɛ̨inɛ̨ɛ̨ɠaa kɛ, diɛ ɓaa: Gɛlaɠaa, Yálá kwəi mɛ̨nį hukulɔ nuą, Nwɛlɛɛ lɛlɛɛ laa həli nuą, gbɔn mɛ̨ikaa nuą, da mąąkwɛli kɛ nuą;

Gɛlaɠaa 10:17

Ɓɛlɔwai Piɛrə ə kɛi gwəi kwɛli la gɛɛ tii ə gaa mukulaa ɓa, nąąlɔwai ɓə nuąi Kɔrnɛyɛ ə di tɔɔ, di Simɔn nwɔ pɛlɛ́i nąą mąąni kɛ la, di nɛ diɛ; di pa kɛa di həli bɛlɛ́ laaləi.

Lukə 20:6

Gwa kɛ nwɔ̨nɔ̨ mą: ‹Nuą ɓə dɔɔ›, nu kpulu kaa pai gu hɔɔi a kwɛni di gu paa. Mąąhɔlɔɓo, di laai na diɛ Ɉaan ə kɛ a Yálá kwəi mɛ̨nį hukulɔ mun.»

Maafîu 23:37

«Ɉerusalɛmə taa! Oo Ɉerusalɛmə, yɛ́i yá Yálá kwəi mɛ̨nį hukulɔ nuą paa, yiiɠaai Yálá a di tɔɔ ə́ pɔ, yɛ́ di hɔɔ a kwɛni diɛ. Ŋą́ kɛ bɔ ŋį́ ə́ lonnii kəlee ŋąąkpɔn yɛ pələi tɛ́ɛ́ kɔ́nwɔ̨lee a nonnii kəlee ŋąąkpɔn na goon mu.

Maafîu 23:34

Yili ɓə gaa mą ka ka wəli tɔɔ a nəlɛɛ. Gáá Yálá kwəi mɛ̨nį hukulɔ nuą tɛɛi kaa, ə mą kɛ, mɛ̨nį kɔ́lɔn nuą da tɔ́n galamɔ̨ɔ̨ɠaa. Ka káá pai daɠaa kpanwoi kolɔwa ɓa, kaa daɠaa kɛlɛ ka wɔ Yálá hvɛli pɛlɛ́ɠaa mu a hvaɠa, kaa hvilɛn daɠaa pulu, kaa di kpɛ daa kpɛa-kpɛaɠaa hu.

Maafîu 23:31

Ka káá ka kpɔ mąą tɛ̨ą ɓoi, ka gɔlɔn gbɔ kaa, ka káá a Yálá kwəi mɛ̨nį hukulɔ nuąi paa nuą lonnii.

Maafîu 27:19

Ɓɛlɔwai Pilatə ə kɛ heeni la gití tee kpəlin ɉu, nɛ̨ą ə wəlɛɛ tɔɔ yɛ di moi mą, diɛ mą: «Ə́ laa kulɔ nu haŋąą ŋɛ̨i mąą mɛ̨nį hu, hvo mɛ̨nį lɔpee ta kɛ la. Mąąhɔlɔɓo, ŋį́ háá mɔ̨nɔ̨ mį́į́ kpɔ kɛnɛ̨, a kpinį hįį pələ mąą mɛ̨nį hu.»

Hebreu 1:1

Yálá ə gbɛa tɔlɔɔ kɛ pələ ɓoi gu nąnni diɛ, geemɛ̨i tamąą, kpaalə tamąą hu, gwəi mɛ̨nį hukulɔ nuą laaləi,

Zɛnɛse 28:12

Ə heen mo, ə goto ta kaa heen bələ, dɔɔ nɔi ɓa, gwɛa kpɔ, yɛ tɛ yələkɔlɔn ma. Ə Yálá nwɔ malakaɠaa kaa diɛ tɛ, diɛ yɛɛ gotoi tii ɓa.

Lonon mo 24:4

Nui Yálá wooɠaa da too nwəlii nwoo ka, Mɛ̨nįɠaai Huwalawala Kəlee Nąmu Yálá a kɛ nɛi mą, gwɛlɛɛn gɛɛ kaa hu, hvo gbɔwɔ yee kɔ́n mą, a ɲɛ̨i laa ɓo yɛ di kaa, diɛ ka:

Samuɛlə dɔlɔɔ 3:15

Samuɛlə ə lɛɛ laani, ə lɛɛ ɉu yələ ə ɓɔ. Yili pulu ə li ə Yai-Laa nwɔ pɛlɛ́i laa ɓo. Ə kɛi ɲɔw mɛ̨nįi ə gaa ɉukulɔi Eli ɓa.

Samuɛlə dɔlɔɔ 28:6

Saulə ə Yai-Laa mąąnin gɛ, kɛlaa, Yai-Laa hvo nwoo pulu pənə, ə kɛ a hįi pələ, ə ma kpɛli kɛ a ɉaláá laa həli mun, ə kɛ a Yálá kwəi mɛ̨nį hukulɔ mun.

Tɔɔɓɛlaa dɔlɔɔ 3:15

Salomɔn ə ɲɛ̨nąą ɓo, ə gaa yɛ Yai-Laa ka tii mɛ̨nį ɓo mą hįi pələ. Ə li Ɉerusalɛmə, ə gbɔwɔ lɛ Yai-Laa ɓa nwɔ mįnɛ̨ kəhii lííla, haláái da gəlee kələn, da pɔnaa kulɔ haláá, ə yiliɠaa kulɔ Yai-Laa ɓa, yili pulu, ə nwɔ ɲɛ̨itɔwɔ nuą ɓɛlɛ hee.

Ɉeremi 23:25

Nuą tii da kɛ mɛ̨nį ɓoi a náá, a lɛɛ, ŋį́ kɛ di woo mɛ̨n ɉii, diɛ kɛ diɛ: «Ŋą́ą́ hįį kaa! Ŋą́ą́ kɛɛ kaa!»

Danîa 2:19

Nąąlɔwai, Yálá ə hvaa mą, ə mɛ̨nį loɔ tii lɛ Daniɛlə ɓa a kpinį hįi pələ. Daniɛlə ə nɛɛmą, Yálá yii gaa yələkɔlɔn ɉu, ə ɉɛɠɛɛ ɓo.

Zɛnɛse 28:16

Ɉakɔbə ə ɲɛ̨ilaa ɓo, yɛ diɛ: «É! A mɛ̨nįgɛ ɓɛ ɓə Yai-Laa kaa laa, gíli hvo kɛ ɉu!»

Zɛnɛse 37:5

Yələ ta, Ɉosɛfə ə hįį kaa, ə ɉukulɔ niɛni diɛ, yili ə nwɔ wɛli kpɛɛ mąą laa ta pɛlɛ mą niɛni yəi.

Zɛnɛse 37:9

Ɉosɛfə ə pənə nwɔ̨nɔ̨ ə hįį takpɛli kaa, ə li nwɔ̨nɔ̨ ə ɉukulɔ niɛni diɛ, yɛ diɛ: «Ŋą́ą́ nwɔ̨nɔ̨ hįį kaa, ŋį́ hvóló kaa, ɲąnin da pɛmɛ̨lɛ̨n-gɔw pow kɔ́w tanɔ̨n, di pa di pɛlɛ gɔ́wɔ́ mu.»

Dutɛrɔnome 18:15

Nąąlɔwai kɛa, Moisə yɛ Israɛlə lonnii diɛ: Yai-Laa ka wɔ Yálái kaa pai gwəi mɛ̨nį hukulɔ mun da kulɔi ka lɔwai yɛ ɲą́ą́, ka kaayɔwɔɠaa lɔwai, yaa ɓə mąąnɛ̨ɛ̨ ka ka wəli tɔɔ nwoo ɓa.

Dutɛrɔnome 18:18

Gáá pai gwə́i mɛ̨nį hukulɔ mun da kulɔi di kaayɔwɔɠaa lɔwai, ə kɛ yɛ bələi ə́ kaa la. Gáá pai nwóóɠaa pui na, ɛlɛɛ, yii lɔpee ŋą́ dí la, yɛ mo diɛ.

Samuɛlə dɔlɔɔ 3:21

Yai-Laa ə kɛi lɔ nii gbɔwɔ lɛ Silo daai, mąąhɔlɔɓo, Silo ɓə ə kɛi gbɔwɔ lɛ laa Samuɛlə ɓa.

Samia Veerɛi 7:4

Kɛlaa mąą yələ kpiníi hu, Yai-Laa ə mɛ̨nį ɓo Natan ɓa, yɛ mą:

Osia 12:11

Gɛ́ pələ ɓo gwəi mɛ̨nį hu kulɔ nuą diɛ, gɛ́ mɛ̨nį tamąą lɛ diɛ a hįį pələ, gɛ́ hanwonŋaa pu gwə́i mɛ̨nį hu kulɔ nuą la diɛ mo.

Zooɛ 3:1

Yai-Laa yɛ diɛ: «Yili kəlee tɛɛ pulu, gáá pai nwɔ́ Kilii yɛɛi nu kəlee pɔ. Ka lonnii hinąą da ka lonnii nɛ̨ąą di kaa pai kɛi Yálá kwəi mɛ̨nį ɓoi. Ka wɔ hulɔgoloɠaa diɛ hįįɠaa kaa, ka wɔ muhəɠə nįnɛ̨ɠaa diɛ kwɛlɛɛn gɛɛ kaa.

Zakari 1:8

Ŋą́ kwɛlɛɛn gɛɛ kaa háá kpįnįi: hulɔnu ta ə ɓo hoo kpɔlu mɛ̨i. Ə kɛ tɔɔni ɓoloon ɉu, wuluɠaa lɔwai, ɛlɛɛ, hooɠaa di kɛ bulu pələ, daɠaa kpɔluɔ, daɠaa hviliiɓoɔ, daɠaa kwəlɛɛ.