Lonon mo 11:23 - Yálá laawoo hɛɓɛ (dc)

²³ Yai-Laa yɛ Moisə ɓa: «Gaa ə́ kwəi Yai-Laa yee hvo walawala li? Ə́ ɲɛ̨i hee laa, akɛ mɛ̨nįi ŋį́ mo, nwóó hvo pai gulɔi mą.»

Yálá laawoo hɛɓɛ

²³ Yai-Laa yɛ Moisə ɓa: «Gaa ə́ kwəi Yai-Laa yee hvo walawala li? Ə́ ɲɛ̨i hee laa, akɛ mɛ̨nįi ŋį́ mo, nwóó hvo pai gulɔi mą.»

Bible

²³ Nya ƃe Yâwɛɛ è mò Mose ma ǹyɛɛi, “Gáa íkili-ŋa a gɛɛ ŋáwala wala-laai kóyaŋ káa ma? Ƃa pâi gâai à kɛ̀ mɛnii ŋá mòi a pâi kɛ̂i kpaa máŋ vé pâi kɛ̂i.”

Lonon mo 11:23 Referans Kwoze

Azaya 59:1

A tɛ̨ą, Yai-Laa yee hu hvo haa li, nuą ɓalo mɛ̨nį ɓa, nwəlii hvo kpɔlɔ li, mɛ̨nį mɛ̨n mɛ̨nį ɓa.

Azaya 50:2

Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.

Izikiɛ 12:25

Ɲą́ą́ Yai-Laa, mɛ̨nį lɔpee ŋą́ nɛɛ kwɛala gɛ́ mo, ɉu hva kɛa kwɛa mąą mɛ̨nįi yɛ kɛ. Ka lɛɛ ni yɛnɛ̨ɛ̨, kulɔ nwoo mu nuą, nwooi ŋɛ̨i ŋą́ mo, gɛ́ gɛ. Mɛ̨nį kəlee ŋą Hééɓomun Yálá woo li.»

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Lukə 1:37

Mąąhɔlɔɓo, mɛ̨nį ta hvo walawala li Yálá yəi.»

Maafîu 19:26

Jesus ə ɲɛ̨i hee diɛ yɛ diɛ: Yii gɛ la walaai nuą yəi, gɛ la hvo wala li Yálá yəi.

Izikiɛ 24:14

Ɲą́ą́ Yai-Laa váá woo li, ɛlɛɛ, gəlee kaa pai kɛi; gáá gɛi vá hviikpɛɛlaa too ɉu, və́ pai nu mąąwɛli kaai, və́ pai nwóó yalii bulu. Di kaa pai ə́ kiti teei ə́ túwɔ pələ ɓa, ə́ kɛ mɛ̨nįɠaa pɔ pələ, Mɛ̨nį kəlee ŋą Hééɓomun Yálá woo li.»

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Mise 2:7

Yɛ́i a Ɉakɔbə nwɔ pɛ́lɛ́i, akɛtii ə́ nɛ̨ŋɛ̨n naa ɓə tii mɔ̨ɔ̨i? Yai-Laa nwɔ liilaai hvii aa mɔ̨ɔ̨ kpɛɛ? Nwɔ mɛ̨nį kɛ pələ li mɔ̨ɔ̨ a bɔlɔ? Nui a hiɛ a ɉaŋąą, wɛlikɛmąą woo hvo mɔ̨ɔ̨ a kɛ moi mą?

Mąątɛ̨nɛ̨ 78:41

Di pənə nwɔ̨nɔ̨ di Yálá woo kwɛli, diɛ Israɛlə nwɔ Mąąhəɠəmun líikələn tii la gwəi.

Tɔɔɓɛlaa veelɛ 7:2

Tɔɔmun nwɔ ɓíítiɛ̨i yɛ Yálá nwɔ nui ɓa: «Ə mą kɛ Yálá aa yələkɔlɔn nwolo ɓɔ mą, mɛ̨nįi ŋɛ̨i ə́ mo, bɔ mɛ̨nį hva pɛli kɛi!» Elise yɛ mą: «A tɛ̨ą, ə́ kaa pai gaai a ə́ ɲɛ̨ikɔw, kɛlaa, hvá da mįi.»

Lonon mo 11:22

Ə mą kpɛli kɛ kwaa ku wɔ nįŋɛ̨ɠaa da mɛlaaɠaa kəlee paa, da ɉuwɔ tɛɛ di pɔ, yili a mɔ̨ɔ̨ pɛli diɛ? Ə mą kpɛli kɛ daa gboloyá tuluun daa ɉu hɔ̨nwɔ̨lee kəlee tɛɛ di pɔ, yili hva pɛli diɛ.»

Ɉeremi 14:9

Lə mɛ̨nį ɓa ə́ kaa túwɔ́i yɛ nui aa kpɔlɔɔn? Yɛ kɔkulaai ɲee hva kɛa lɔ nu kulɔi mɛ̨nįi? Ə lɛɛ yaan, ə́ kaa ku lɔwai Yai-Laa! Diɛ ə́ laa noloɓo ku mɛ̨i! Hvo kɛ ə́ kaa ə́ yee teei kuɔ.

Danîa 6:20

Yələ ɓɔi lɔwai, tɔɔmun ə homo ɲala kwənąn naaləi.

Lɛɛ gbɔwɔ ɓa 6:1

Yai-Laa yɛ mą: «Mɛ̨nįi gáá pai naai Eziptə tɔɔmun ma, ə́ kaa kɛa pai gaai. Hvo kɛli da di yee tɔɔ gwąną, ya ɓə a gɛ ə di lɛɛ laa di li; yee tɔɔ gwąną mɛ̨nį laa a too ɉu, ya ɓə gaa pai di kpɛi la nwɔ lɔi hu.»

Tɔɔɓɛlaa veelɛ 4:43

Elise yɛ nwɔ tímun mą: «Ŋąąkwɛlɛ nuą diɛ di mįi, mąąhɔlɔɓo, mɛ̨nį Yai-Laa ə mo ya ka, yɛ diɛ: ‹Da mįi gbəli ə lɛɛ.›»

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Ɉeremi 32:27

«Ɲą́ą́ Yai-Laa, ɲą́ą́ ɓə hɛn gəlee pɛli, mɛ̨nį ta kaa mɔ̨ɔ̨ laa yii vá pɛli gɛi?