Lonon mo 11:20 - Yálá laawoo hɛɓɛ (dc)

²⁰ Kɛlaa, ka káá mįi ɲąnin dɔ̨nɔ̨ yee mu, ə lɛɛ ɉu nwɛli ə kpɛɛ kaa, gun ə hee ka hu. Yili kaa pai kɛi tii, mąąhɔlɔɓo kaa ka kili kulɔ Yai-Laa hu, yai gaa ka pɔ, kaa ka woolaa kaa kɛ mą: Lə mɛ̨nį ɓa ku kulɔ Eziptə lɔi hu?.›»

Yálá laawoo hɛɓɛ

²⁰ Kɛlaa, ka káá mįi ɲąnin dɔ̨nɔ̨ yee mu, ə lɛɛ ɉu nwɛli ə kpɛɛ kaa, gun ə hee ka hu. Yili kaa pai kɛi tii, mąąhɔlɔɓo kaa ka kili kulɔ Yai-Laa hu, yai gaa ka pɔ, kaa ka woolaa kaa kɛ mą: Lə mɛ̨nį ɓa ku kulɔ Eziptə lɔi hu?.›»

Bible

²⁰ Kɛ́lɛ ka pâi miî a ɣáloŋ tɔnɔ. Ka pâi lɛɛ̂i miî gúŋ é nyɔ́ŋ kásũai. M̀ii-wɛ̂li a pâi kpɛɛ̂i kâa. Kpɛ́ni fêi, káfe káyee see ní Yâwɛɛ ŋɔkɛ-naai mu kásama, kákɛ mò kâa, “Kú kùla Ize lɔii su lé mɛni ma?” ’ ”

Lonon mo 11:20 Referans Kwoze

Mąątɛ̨nɛ̨ 106:15

Mɛ̨nįi di vɛli mą, Ə dɛɛ di pɔ, Ə dɛɛ di pɔ, di pilɛ ɉu.

Lonon mo 21:5

Nuą diɛ Yálá da Moisə di laa ɲɔ̨nwɔ̨ɔ̨ ɓo, diɛ kɛ diɛ: «Lə ɓə kɛ yai, ka ku kulɔ Eziptə lɔi hu, kaa pa a kuɔ ɓɛ ku nwun na pili mɛ̨nį ɓa? Kuɔ haa nɔi pun ɉu ɓɛ? Kɔ̨nɔ̨n və lɛɠɛ li ɓɛ, yá hvo lɛɠɛ li ɓɛ? Gɔ̨nɔ̨n mąą laɠiɛ ŋɛ̨i kun aa hee ku hu.»

Samuɛlə dɔlɔɔ 10:19

Ya ka tii, háákələi, kaa ka kili kulɔ ka wɔ Yálái hu, yaa tii a ka kulɔ ka wɔɔ mɔ̨nɔ̨ɠaa kəlee hu, da ka wɔɔ kwəi pili mąą mɛ̨nįɠaa kəlee. Ya ɓə kaa diɛ: «Ə tɔɔmun dɛɛ ka pɔ.» A kɛ tii kani, ka pa Yai-Laa lííla a ka huwuɠaa laa, da gwəliɠaa laa.›»

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Gɛlaɠaa 13:41

«‹'Ka ká ɲɛ̨i hee tai, káái a tɛɠɛɓo ɉu nuą, ká hu ə pu káá, 'ká ɲɛ̨i ə paa kpɔ tɛ̨ɛ̨tɛ̨ɛ̨?! Ká kaa ni lɛɛi yɛnɛ̨ɛ̨, gɛ́ pa mɛ̨nį ta kɛi, nu ta a mo káá, ká hva pɛli gaai a tɛ̨ą.›»

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Hanwon 27:7

Nui bilaa, a kwɛ̨n wulɔ ɓɛlɛkpɛɛ mą. Kɛlaa, nui pulu kaa mą, hɛn nwąnąą kəlee nɛ̨ɛ̨i na.

Samia Veerɛi 12:10

Yili ɓai tii, kɔ́ ɓɔwa maa hva kɛa kwɛa ə́ wɔ pɛlɛ́i ɓa, mąąhɔlɔɓo, yaa tɛgɛɓo ɉú, yɛ́ Hɛtə mun Uri nɛ̨ą həɠə yɛ lɛɛ ə́ yəi a ə́ nɛ̨ą.

Samuɛlə dɔlɔɔ 2:30

Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.

Zasua 24:27

Ɉosue yɛ Israɛlə nuą kəlee diɛ: «Kaa gwɛnii ŋɛ̨i kaa, ya ɓə pai kɛi a gu mąą kɛla. Mąąhɔlɔɓo, ə Yai-Laa woo mɛ̨n, ɓɛlɔwai gwa diɛni gu kɛi mɛ̨nį ɓo la. Gaa pai kɛi a ka mąą kɛla, yɛ kpəɲan ka tɔwɔ, ka hvo nee pa ka wɔ Yálá ɓowo.»

Lɛɛ gbɔwɔ ɓa 16:13

Mąą yələwulii, lɔwɔ haɉaliɠaa di pa di pɛlɛ muwu la di nąą kpɛɛ mą. Ɛlɛɛ, yələwala pɔ, luwuluwu hu wiaa ə pɛlɛ muwu kwɛlɛ nąą kɔ́lɔ kəlee.

Lɛɛ gbɔwɔ ɓa 16:8

Moisə yɛ diɛ: «Yai-Laa kaa pai huwɔ tɛɛi ka pɔ háákələi yələwulii pɔ, ka mįi, yələwala pɔ, ka pilɛ a ka liiɓa. Mąąhɔlɔɓo, Yai-Laa aa ka woo mɛ̨n, kaa hvaa ka nwun ɉu. Lə ɓaa kuɔ? Kuɔ hvəi ka káá hvaai ka nwun ɉu kuɔ, Yai-Laa ɓə!»

Lonon mo 11:19

Ka hva ɉuwɔi tii mįi lɔ a hvóló tɔ̨nɔ̨, awala kpɛli kɛ tii, hvóló hveelɛ, awala kɛ tii, hvóló lɔɔli, awala kɛ tii hvóló pow, awala kɛ tii, hvóló pow hveelɛ.

Lonon mo 11:21

Moisə ə pənə yɛ Yai-Laa ɓa: «Nu kpului ŋɛ̨i gáá di lɔwai, di kaa a nu waa nwun mɛ̨ida. Ya ɓə yá kɛ diɛ; ə́ kaa huwɔ tɛɛi di pɔ di mįi ɲąnin dɔ̨nɔ̨ yee mu!

Lɛɛ gbɔwɔ ɓa 16:3

Israɛlə lonnii diɛ diɛ: «Yai-Laa ə li kpɛli kɛ ku paa Eziptə lɔi hu, ɓɛlɔwai ku kɛ la heeni ləɠiɠaa kwɛlɛ, naahvɛɛ a huwɔ, kuɔ kɔ̨nɔ̨n mįi a ku liiɓa! Ka pa a kuɔ nɔi pun ŋɛ̨i hu, nu kpului ŋɛ̨i kəlee haa mɛ̨nį ɓa a pulu!»

Lonon mo 11:13

Mįnɛ̨ ɓə ŋą́ pɛli huwɔ hɔlɔɓoi laa, gɛ́ dɛɛ nu kpulu kɛnɛ̨i ŋɛ̨i pɔ, diɛi di hvilɛn ŋąą búlu, diɛ di woolaa, diɛ kɛ mą́ą́: ‹Huwɔ tɛɛ ku pɔ ku mįi!›

Lonon mo 14:3

Lə mɛ̨nį ɓa Yai-Laa ə li tɔɔi ku mu, yɛ pa a kuɔ nɔi ŋɛ̨i hu? Kɔ́ yɛ ku paa, ku nɛ̨ąni da ku lonnii diɛ pa lɛɛi a luwɔɠaa! Ka gu pənə gwəli Eziptə lɔi hu, yili hviɛlaɓoɔi.»

Lonon mo 14:4

Di kɛi mo di kee ɓa diɛ kɛ mą: «Ka gu nu ta hee gu nwun na, ə pənə a guɔ, gwəli Eziptə lɔi hu.»

Lonon mo 16:13

Ku kulɔi ŋɛ̨i ə́ mo lɔi ta hu, ɓɛi hɛn gəlee da lɛlɛ laa, yɛ́ pa ku paai nɔi pun ŋɛ̨i hu, yili hva pɛli yɛ́, hvo kɛ li nwɔ̨nɔ̨ yá kɛ diɛ ə́ kaa ku ɲąąwooɓoi?

Lonon mo 20:4

Lə ɓə kɛ yai ə́ pa a Yai-Laa nwɔ nu kpɔnŋąąi nɔi pun ŋɛ̨i hu?