Biblia Todo Logo
Bib sou entènèt

- Piblisite -




Lonon mo 11:1 - Yálá laawoo hɛɓɛ (dc)

1 Yələ ta, Israɛlə lonnii di pɛlɛ diɛ di woolaa. Di woo tii ə too Yai-Laa wəli, hvo nɛ̨ɛ̨ mą. Di woo mɛ̨n Yai-Laa ə mo, ə níiholi kpɔ kɛnɛ̨. Yai-Laa nwɔ nwɔ̨n ə di wɔ ɓuwui bələ tɔ̨nɔ̨ kələn.

Gade chapit la Kopi

Yálá laawoo hɛɓɛ

1 Yələ ta, Israɛlə lonnii di pɛlɛ diɛ di woolaa. Di woo tii ə too Yai-Laa wəli, hvo nɛ̨ɛ̨ mą. Di woo mɛ̨n Yai-Laa ə mo, ə níiholi kpɔ kɛnɛ̨. Yai-Laa nwɔ nwɔ̨n ə di wɔ ɓuwui bələ tɔ̨nɔ̨ kələn.

Gade chapit la Kopi

Bible

1 Ǹûai dí wɔ̀lɔ Yâwɛɛ ma é pîlaŋ la dímɛni kpɔlu-ŋai dîa. Tãi Yâwɛɛ è díwoo mɛni lai, ǹíi è ŋwàna é ŋɔŋ tóo dísama. Ŋɔŋ è m̀ûui m̀éla tɔnɔ kèreŋ.

Gade chapit la Kopi




Lonon mo 11:1
40 Referans Kwoze  

Nuą diɛ Yálá da Moisə di laa ɲɔ̨nwɔ̨ɔ̨ ɓo, diɛ kɛ diɛ: «Lə ɓə kɛ yai, ka ku kulɔ Eziptə lɔi hu, kaa pa a kuɔ ɓɛ ku nwun na pili mɛ̨nį ɓa? Kuɔ haa nɔi pun ɉu ɓɛ? Kɔ̨nɔ̨n və lɛɠɛ li ɓɛ, yá hvo lɛɠɛ li ɓɛ? Gɔ̨nɔ̨n mąą laɠiɛ ŋɛ̨i kun aa hee ku hu.»


Kɛlaa Eli yɛ diɛ: «Akɛ Yálá kwəi mɛ̨nį hukulɔ mun mąą a ɲą́ą́, gɛ́ nwɔ̨n ə kulɔ yələi ə ə́ kələn ka ə́ pɔ nuą!» Ɲąąɓa Yálá ə nwɔ̨n dɛɛ ə di kələn.


Nwɔ̨n ə kulɔ Yai-Laa pɔ, nu nwun veelɛi ɲee lɔɔli tii kɛi lansan laa həli Yai-Laa ɓa, ə gəlee kələn.


Ɓɛlɔwai gu kɛ la Taveera da Masa, da Kivrotə-Taawa, ka Yai-Laa liiholi gɛɛnąąɠaa tii.


Nwɔ̨n ə kulɔ Yai-Laa lííla, ə di kələn, di haa Yai-Laa lííla.


Moisə yɛ Aarɔn ɓa: «'Mo Israɛlə lonnii kəlee diɛ, yɛ diɛ: Ka ka ŋąąkpɔn Yai-Laa lííla, mąąhɔlɔɓo, hvaai ka káá moi ka nwun ɉu, Yai-Laa aa mɛ̨n.»


Nɛɛ kalan gɛ nuą tii, mɛ̨nį ta hva di kwəinɛ̨ɛ̨. Di kaa lɔ di woo laa hu, di kpɔwɔ nwɔ kiliŋąhiɛ lɔ ɓə da hiɛ la. Kpɔwɔ ɲąą kɛnɛ̨ wooɠaa kaa di la. Da kɛi nu ta tɔ̨nɔ̨ kulɔ ya lɔ ɓə da mąąwiɛ la.


'Ká hvo hvaa ká nwun ɉu, yɛ bələi daɠaa di gɛ la; nwun na pilimun yɛ di nwun na pili.


Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.


Nwɔ̨n nən ə nɛ̨ŋɛ̨n ɉəɠə nuąi tii kələn, ə nu kpului tii kɛ a tiɠi.


Yili mɛ̨n Yai-Laa ə mo, ə níiholi kɛnɛ̨, nwɔ̨n ə ɓɛla Ɉakɔbə mɛ̨i, nwɔ liiholi ə muhəɠə Israɛlə pɔ.


Ə lɛɛ lɔ nwoo hukulɔi, da kpɛli ə pa, yɛ diɛ: «Yələ gbąnąą aa too mɛlaaɠaa diɛ, aa di paa, da di mɛ̨i kaa nuą kəlee, aa di kəlee di kələn; ɲą́ą́ dɔ̨nɔ̨ lɔ ɓə kulɔ ɉu, gɛ́ pa nwɛlɛɛ ɓoi.»


Ɉaa wɔlɔ ɓoɔ pulu, Davidə ə nuą tɔɔ, diɛ li tɔɔi nɛ̨ɛ̨nui tii tɔwɔ; ə ɉəɠə ə nɔ ɲəi bɛlɛ́n, ə lɛɛ ɲəi a nɛ̨ą, ə lon ɉulɔnu kaa mą. Kɛlaa, mɛ̨nįi tii Davidə ə gɛ, hvo nɛ̨ɛ̨ Yai-Laa ɓa.


A tɛ̨ąą! Nwɔ́ liiholi nwɔ̨n gaa pai kulɔi ɉúnwɛ̨i. Ə kələn mo kɛ kpɔ ə həli la ɲɔ̨muątaa, a lɔi kələn ə bɛlɛ ɉihɛnŋąą diɛ, a yeeɠaa kɔ́wɔ hvilɛn ɉii kələn.


Yələwala pɔ, ka káá pai Yai-Laa nwɔ mąąwiɛ kaai. Mąąhɔlɔɓo, mɛ̨nįɠaai ka kɛi mo ka nwun ɉu, Yai-Laa aa mɛ̨n. Lə ɓaa kuɔ, yai ka li hvaai ka nwun ɉu kuɔ?»


Nɛ̨ŋɛ̨n ɉəɠə nuą kwəi aa pili diɛ Siɔn daai, mɛ̨nį ɲɔ̨n gɛ nuą mąą kaa kpɛlin ɉii, ku nɛlɛ ɓə pai lɛɛi tɔɔni gɛɛ kala nwɔ̨n ŋɛ̨i kwɛlɛ? Ku nɛlɛ ɓə pai lɛɛi tɔɔni? Gaa a kpaɠa nwɔ̨n hva liin.


Da diɛni di həɠə Yai-Laa nwɔ yeei ɓa, di hvóló haaɓa hiɛ kɛ. Yai-Laa nwɔ mįnɛ̨ kəhii ə kɛ di tɔwɔ diɛ li voló haaɓa hiɛi tii hu, ə gɛ ɓɛi mąąnɛ̨ɛ̨ diɛ daa pu laa, yɛ nąą lɛ diɛ.


Onan túwɔ́ pələi tii hvo nɛ̨ɛ̨ Yai-Laa ɓa, Yai-Laa ə gɛ, yaa kpɛli ə haa.


'Ká ɓɛ kaa tai! Nuąi kɛi kólo kɛ ka yəi ɲɛa, di halai ká ká yee kanąn mą, gaa tomąi, góló kɛ nuą wɔlɔ woo aa too Mɛ̨nį Kəlee ŋą Hééɓomun nwəlii.


Gbala ə tɔɔ, gu wɔɔ Yálái kaa a nwɔ̨n a kɛɛ kələn.


Yeeɠaa da kɛ kpɛlin ɉii ɲɛ̨i tɔwɔ, yee kpu kpuɠaa diɛ tɔɔ takpa takpa, lɔi a gaa, ɉu yɛ pu mą, yɛnɛ̨ɛ̨ pilɛɛ gee mɛ̨i da ɉu hee ɓo nuą kəlee.


A kɛ tii, nu a kɛ yɛnɛ̨ɛ̨, lə mɛ̨ni kpɔ ɓə nu a pɛli nwoolaai ɉu? Nu kəlee ə nwoolaa gbɔwɔ kɛ hɔn mąą mɛ̨ni ɓa.


Ə pa ə pɛlɛ kaa bələi a kɔ́, nuąi kɛi hiɛ ɲąą-ɲąą, nu kpulu pulu pələ, ə di paa; nąąlɔwai ka hviikpɛɛi kɛ, pulu ə ɓo kaa, hvo ɲɔw Yálá ɓa.


Israɛlə lonnii di wɛi, yá kɛ diɛ: ‹Tinąą, ka ka mąąhəɠə, ka káá pai huwɔ mįi! Hvo gaai, kaa ka woolaa kpɔ tii a mɔlɔ, Yai-Laa aa ka woo mɛ̨n; ka woolaa woo ŋɛ̨i ka kɛ diɛ: Gbɛɛ ɓə pai huwɔ tɛɛi ku pɔ ku mįi? Ku kɛɛ Eziptə lɔi hu, ku kɛ kani ku nɛ̨ɛ̨ hu-ee! Yai-Laa kaa huwɔ tɛɛi ka pɔ ka mįi.


Israɛlə lonnii kəlee di kɛi hvaa di nwun ɉu, Moisə da Aarɔn diɛ, di kəlee diɛ kɛ diɛ: «Kwəli kpɛli haa Eziptə lɔi hu wɛ! A wala kɛ tii, ku haa kɛ nɔi pun ɉu kpɛli kɛ.


Nuąi ŋɛ̨i kpɔ nwɔ́ mąąwiɛlaa kaa, da mɛ̨nįi ŋį́ gɛ Eziptə lɔi hu, ə mą kɛ nɔi pun ɉu ɓɛ. Nuą ŋɛ̨i daa ɉúkɔɔn ɉii kɛ gee mɛ̨i pow, di hvo nwóó hon ni.


«Ŋą́ą́ nuą ŋɛ̨i woo mɛ̨n, diɛ náá pələ ɓo. Gɛɛ kala nuą ŋɛ̨i, mįnɛ̨ lɔwai ɓə di kaa pai kpɛlai la mą?


Ka mo diɛ, kaa diɛ: ‹Ɲą́ą́ Yai-Laa nwóó li, Ŋą́ą́ gwɛ́la a gbɔ́ɔ́, gɛ́ diɛ; nwoo tii kulɔ ka la yɛ too nwə́lii, bələ kpɔlɔɔ ɓə gáá gɛi la a kaa.


Yili mąą mɛ̨nį ɓə ka ə́ pulu nuą kəlee ka tɔɔ la Yai-Laa la. Aarɔn hvəi ka káá naa ɓoi.»


Mɛ̨nį kili too hɛn ni Israɛlə lonnii ŋą, yɛ diɛ nu takpɛli yii hvo a Aarɔn huwu, mąą hvo nɛ̨ɛ̨li hvo tɔɔ yɛ kɛ gaa lansan kələn ɉii Yai-Laa lííla. Mɛ̨nįi laa Kore da bulu nuą diɛ, da hvo pa nee laa mąą nu ɓa. Yai-Laa ə bu Moisə la, yili yɛ ɉukulɔ Aarɔn ɓa.


Nwɔ̨n ə ɉilɛlɛa kələn, nɛ̨ɛ̨lɛa di wɛi, di hvo hilɛtai wələ too di mɛ̨i.


Israɛlə nwɔ kɛɛ pɔ̨nɔ̨i kaa pai kɛi yɛ nwɔ̨n, nwɔ Yálá mąąhəɠɛɛi ə ɓo yɛ nwɔ̨n nən, yɛ nwɔ kpomóɠaai da nwɔ ɲąąlənŋaai kələn, yɛ di kpɛɛ a hvóló tɔ̨nɔ̨.


Yɛ bələi ŋą́ ka nąnni ɲąąwooɓo la nɔi pun ɉu, Eziptə lɔi hu, bələ ɓə gáá pai gɛi la a káá, Mɛ̨nį kəlee ŋą Hééɓomun Yálá woo li.


Ɲɔ̨n gaa ɲɛ̨ tɔwɔ yɛ hiɛ, ɓɛi a tɛɛ laa, ɉiɉi ə lɛɛ nąą pulu.


Diɛ kɛ mą: «A kɛ tii, Moisə yaa tɔ̨nɔ̨ lɔ ɓə Yai-Laa a pələ ɓo mą? Hva mɔ̨ɔ̨ pɛli pələ ɓoi kuɔ kpɛli kuɔ?» Yai-Laa ə di wooi tii mɛ̨n.


Swiv nou:

Piblisite


Piblisite