Lonon mo 10:9 - Yálá laawoo hɛɓɛ (dc)

⁹ «Ɓɛlɔwai ka kɛ la ka wɔ lɔi hu, ka kɛi pai lii kɔ́ pɛlɛi ka yowoɠaa diɛ, da tómą a kɔ́ mɛ̨i woo, ka dúlú hvɛɛ. Ka gɛ tii, a ka nąą kili too pələ Yai-Laa ka wɔ Yálá ŋą, yɛ ka kulɔ ka yowoɠaa yəi.

Yálá laawoo hɛɓɛ

⁹ «Ɓɛlɔwai ka kɛ la ka wɔ lɔi hu, ka kɛi pai lii kɔ́ pɛlɛi ka yowoɠaa diɛ, da tómą a kɔ́ mɛ̨i woo, ka dúlú hvɛɛ. Ka gɛ tii, a ka nąą kili too pələ Yai-Laa ka wɔ Yálá ŋą, yɛ ka kulɔ ka yowoɠaa yəi.

Bible

⁹ Kɛ́lɛ kà kákpɔara-ƃela kà kɛ̀ kɔ́ kɔ̂i kákpɔɔi lɔii su, gɛ̀ ní ka dúru-ŋai ŋí fɛ́ɛ yɛ̂ɛ kɔ́-turu. Gɛ̀ ní ńyãai Yâwɛɛ, Káɣâlai, kámaa-mɛni a pâi toôi ŋ́gili-ŋá ŋá kákula kákpɔara-ƃelai yêei.

Lonon mo 10:9 Referans Kwoze

Samuɛlə dɔlɔɔ 10:18

Yɛ Israɛlə lonnii diɛ: «Yai-Laa Israɛlə nwɔ Yálá woo ka, yɛ diɛ: ‹Ɲą́ą́ ɓə ka kulɔ Eziptə lɔi hu, ŋą́ ka nwun mąąɓo Eziptə nuą yəi, da dɔɔ lɔiɠaai kpɔ kɛi ka mɔ̨nɔ̨ ɓo, ŋą́ ka kulɔ di yəi.

Nwun mąąɓo 2:18

Ɓɛlɔwai lɔpee kɛ Yai-Laa a kuláá ta tɔɔ la, a kɛ bɔ yaa kpinįi, yɛ di nwun mąąɓo di yowoɠaa yəi, guláái tii nwɔ lɔwai hu. Mąąhɔlɔɓo, ɓɛlɔwai da di ɓɛlɛkpɛɛ la diɛ, diɛ di laanɔ̨nwɔ̨ ɓo, di ɲɛ̨imąąwɛli a too Yai-Laa ɓa.

Zɛnɛse 8:1

Noe nąą kili ə too Yálá ŋą, da ɉɛnŋaa kpɔ tii kɛ Noe pɔ gələn ɉu. Yálá ə hvaŋą kɛnɛ̨ ta tɛɛ lɔi mɛ̨i, ɲáɠaa mąą yɛ yɛɛ.

Mąątɛ̨nɛ̨ 106:42

Di yowo ə di mɔ̨nɔ̨ ɓo, di di mąą yɛɛ yili yee mu.

Mąątɛ̨nɛ̨ 106:4

Ɓɛlɔwai yá kɛi pa ə́ wɔ nu huwui mąąwɛli kaai la, Yai-Laa, ə́ kili lɛɛ ɉú, ɓɛlɔwai Yá kɛi pa nwun mąąɓoi la, 'ə kili kɛ ɉú.

Kɔlɔnikɔ Veerɛi 13:14

Ɉuda nuą diɛ di kaa tinɛ̨n ɉii, kɔ́ aa hee diɛ pulu pələ da dɔwɔ pələ. Di nɛɛ mą di tómą Yai-Laa pɔ pələ, ɉaláá laa həli nuą diɛ duluɠaa hvɛɛ.

Nwun mąąɓo 10:12

Sidɔn nuą, Amalɛkə nuą, da Meun nuą di kɛi ka laanɔ̨nwɔ̨ ɓo la, ka ka woo tɛ mą́ą́, kaa ŋą́ ka mąąkpɔn mąąɓo; kɛlɛi ŋą́ ka kulɔ di yee mu-ee?

Nwun mąąɓo 10:8

Mąą kwɛlan tii hu, di Israɛlə lonnii laanɔ̨nwɔ̨ ɓo kpɔ a mɔlɔ. Kwɛlan bow kɔ́w mɛ̨ihaaɓa yee mu, di Israɛlə lonnii kiin giin, diɛ kɛ Ɉurdɛn yá pulu pələ, Galaadə lɔi hu, Amɔrə nuą pɔɔli.

Zasua 6:5

Ɓɛlɔwai mɛlaa mįnɛ̨ tulu woo a tɔɔ la, ka nwoo mɛ̨n, Israɛlə lonnii kəlee da tomą kpɔ kɛnɛ̨ a kɔ́ mɛ̨i woo, nąąlɔwai, daa mąą kpɛ hįį a pu, ɲąąɓa, nuą kəlee da tɛ daai, nu kəlee ə ɲɛ̨i haɠa dɔwɔ.»

Lonon mo 31:6

Moisə ə di tɛɛ gɔ́ ɓa, huwu tɔ̨nɔ̨ nu waa tɔ̨nɔ̨; ə di tɛɛ gɔ́ mɛ̨i da ɉaláá laa həli mun Pinasə, Eleazarə lon; ya ɓə bɛlɛ́ mąąhəɠɛɛ mu hɛnŋąą di kɛ ɲəi, da nuą təli túlúɠaa.

Korɛntə dɔlɔɔ 14:8

Akɛ kɔ́-túlú hvɛɛ mun a wala vɛɛ a vɛɛ pələ, gbɛɛ ɓə a gɛ pələ pɛli gɔ́ mɛ̨nį ɓa?

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Ɉeremi 6:17

Ŋą́ di mąąkpɛ mun dɛɛ di pɔ, yɛ ɲɛ̨i laa di mɛ̨i, yɛ di kilaa pɔ̨nɔ̨, yɛ kɛ diɛ: «Ka ka wəli tɔɔ dulu woo ɓa!» Kɛlaa, diɛ kɛ diɛ: «Ku hvo bɔ ku hvo ku wəli tɔɔ.»

Ɉeremi 4:21

Ka mɛ̨i huu woo kaa pai lɛɛi tɔɔ nwəlii ə lɛɛ la mįnɛ̨ lɔwai? Ya ka, gáá lɔ nuą təli tulu woo mɛ̨n ɉii.

Ɉeremi 4:19

Ə́kə́ Níí! Ə́kə́ níí kaa kpəlaan ɉii gwə́i mɔ̨nɔ̨i gáá mįi mąą mɛ̨nį ɓa. Níí yɛ kulɔ mą́ą́, gwəi aa kɛ tukpu-tukpu, vá pɛli náá pilɛi, mąąhɔlɔɓo, ŋą́ą́ gɔ́ tulu woo mɛ̨n, ŋą́ą́ gɔ́ mɛ̨i woo mɛ̨n aa too nwə́lii.

Ɉeremi 4:5

Ka noloɓo Ɉuda lɔi hu! Ka Ɉerusalɛmə nuą kilaa pɔ̨nɔ̨! «Ka dulu hvɛɛ nɔi nąą kəlee ka tomą a ka woo kɛnɛ̨, kaa diɛ: ‹Ka pa-o! Ka ka ɲąąkpɔn daaɠaai hįi kaa diɛ ɉu!›

Azaya 58:1

'Toma kpɔ a ə́ woo kɛnɛ̨, hvo ɉu hon, 'ə́ woo tɛ yələi yɛ túlú woo, nwɔ́ nu huwui nwɔ túwɔ pələ ɲɔ̨n lɛ mą, ə́ Ɉakɔbə nwɔ pɛlɛ́i nwɔ nɛ̨ŋɛ̨n lɛ mą.

Azaya 18:3

Yɛnɛ̨ɛ̨ nuą kəlee, kaai lɔi mɛ̨i, ɓɛlɔwai di kaa pai ɉilɛyili tɛi la ɲeeɠaa nwuɔ̨, 'Ka ka nwun muhəɠə, 'ka gaa! Ɓɛlɔwai di kaa pai dúlu hvɛɛi la, 'ka ka wəli tɔɔ!

Mąątɛ̨nɛ̨ 136:23

Ə giliŋąhiɛ kuɔ, ku wɔ laanɔ̨nwɔ̨ hu! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Nwun mąąɓo 6:34

Yai-Laa nwɔ Kilii ə pa Zedeɔn pɔ, Zedeɔn ə túlú hvɛɛ, ə gɛ, Aviɛzɛrə nu huwu di hvilɛn bulu.

Nwun mąąɓo 6:9

Ŋą́ ka kulɔ Eziptə nuą yee mu, da nuą kpɔ kɛi ka laanɔ̨nwɔ̨ ɓo. Ɓɛlɔwai ka kɛi paa la nɔi ŋɛ̨i hu, ŋą́ kɛi ka yowoɠaa kpɛ, kpɔlɔ tii ka tɔwɔ, ə lɛɛ ɉu, ŋą́ nɔi tɛɛ ka pɔ.

Nwun mąąɓo 3:27

Ə həli kpɔlɔ, ə dulu hvɛɛ, Ɛfraimə nwɔ yee ɓa, Israɛlə nuą di hvilɛn bɔ, di ɲee yɛɛ, ə ɓo di ɲɛ̨i tɔwɔ.

Sofoni 1:16

Gaa a hvólói túlu woo a tɔɔ ɉu, da kɔ́ mɛ̨i tómą woo, daaɠaai hįį kaa diɛ di mɛ̨i, da ɉįi mɛ̨i pɛlɛ́ɠaa.

Osia 5:8

'Ka tulu hvɛɛ Givea, 'ka nįŋɛ̨ mįnɛ̨ hvɛɛ Rama, 'ka təluɓo kɛ Bɛtə-Awɛn. Daa ə́ hon, ə́ kɔ́n bulu pələ, Bɛnɉamɛn!

Izikiɛ 7:14

Di kaa pai tulu hvɛɛi, diɛ di kpɔwɔ pɛli, kɛlaa, nu ta hvo pai lii gɔ́ ɓa. Mąąhɔlɔɓo, nwɔ́ kɛɛ kala liiholi hvilɛn ŋąąi yɛnɛ̨ɛ̨ hɛnŋaa kəlee pulu.»

Ɉeremi 6:1

Ka kulɔ Ɉerusalɛmə daai. Bɛnɉamɛn huwuhu nuą ka ka mąąkilɛi kwɛli pələ takpɛli. Ka kɔ́ tulu hvɛɛ Tekoa ka huu pili Bɛtə-Kɛrɛmə, mɛ̨nį ɲąą nwąnąą kaa ka mąą hɛɠii, gaa a lɔi kala mɛ̨nį kɛnɛ̨, gaa həɠəi ɲanwuɔ̨ pələ ɲeeɠaa hu.

Levetekɔ 23:24

«'Mo Israɛlə lonnii diɛ, yɛ́ diɛ: «Ɲąnin mɛ̨ihveelɛnąą nwɔ hvóló dɔlɔɔ, kaa ka yəi a hvįįtɔɔ hvóló, yɛ mɛ̨nį kili too ka ŋą, ə ɓo a hɛli, ka ka ɲąąkpɔn a ɲələ, kaa mą́ą́wiɛ.

Kɔlɔnikɔ Veerɛi 13:12

Ya ka kani, Yálá kaa ku pɔ, yɛ ɓo a ku nwun nąmu, nwɔ haláá laa həlinuąi kaa ku pɔ, di kaa pai nwɔ tulúɠaa hvɛɛi, ku wolo a kaa. Israɛlə lonnii! 'Ka hvo kɔ́ pɛlɛ Yai-Laa ka nąnni di wɔɔ Yálá ɓa, ka yee hvo pai lɔi.»

Ɉeremi 49:2

Yili mąą mɛ̨nį ɓa, Yai-Laa yɛ diɛ: «Hvolóɠaa kaa pai həlii, gɛ́ kɔ́ kɔ́ woo tɔɔ Raba Amɔn nuą mɛ̨i, naa a lɛɛ a lɔi pun, diɛ ɲee kɔ́nma taaɠaa kələn, ɛlɛɛ, Israɛlə yɛ pənə yɛ gwɛlin ɉəɠə nuą hɔlɔɓo a nwɔɔ.» Ɲą́ą́ Yai-Laa nwóó li!

Dutɛrɔnome 20:1

Ka kulɔ kaa li pɛlɛi ka yowoɠaa diɛ a kɔ́, ka hooɠaa kaa, da kɔ́ kɔ́ wotoloɠaa, di kpulu hu kɛnɛ̨ dɛɛ kaa, mąą hvo nɛ̨ɛ̨li ka hvo ɲɔw; mąąhɔlɔɓo Yai-Laa ka wɔ Yálái kaa ka pɔ, yaai ka kulɔ Eziptə lɔi hu.