Biblia Todo Logo
Bib sou entènèt

- Piblisite -




Lonon mo 1:46 - Yálá laawoo hɛɓɛ (dc)

46 di lonoɔ ə kɛ a nu waa nwun mɛ̨ida kɔ́w haaɓa pulu nwun nɔɔli ɲee lɔɔli (603550)

Gade chapit la Kopi

Yálá laawoo hɛɓɛ

46 di lonoɔ ə kɛ a nu waa nwun mɛ̨ida kɔ́w haaɓa pulu nwun nɔɔli ɲee lɔɔli (603550)

Gade chapit la Kopi




Lonon mo 1:46
24 Referans Kwoze  

Israɛlə lonnii kəlee pɛlɛ di kee ɓa, di kɛ a: Nu waa nwun mɛ̨ida kɔ́w tanɔ̨n pulu nwun mɛ̨ihveelɛ ɲee haaɓa (601.730).


A kɛ ti, nu tɔ̨nɔ̨ kilə kpulɔ wali hu, mąąhɔlɔɓo, ɉinąąi kpɔ di di lonon, ə həɠə kwɛlan bow hveelɛ ɓa, ə li la bulu pələ, di kɛ a nu waa nwun mɛ̨ida, nu waa haaɓa, pulu nwun nɔɔli yee lɔɔli.


Israɛlə lonnii di həɠə Ramsɛsə daai, di hvilɛn bələ ɓa, diɛ li Sukotə daai pələ. Di kɛ a nu waa nwun mɛ̨ida ɲɔ̨nwɔ̨mąn yiiɠaai kɛi hiɛ di kɔ́wɔ ŋą di hvo nɛ̨ąą da lɛapɛlɛɛɠaa di lonon.


Israɛlə lonnii kəlee lonɔɔ ka, a diɛi a kuláaɠaa: Nu waa nwun mɛ̨ida nu waa haaɓa pulu nwun nɔɔli ɲee lɔɔli (603550).


Abiya ə li gɔ́ ɓa a kɔ́kúlaa walawala nu waa nwun nąąn; Ɉeroboamə yaan ə pa a kɔ́kúlaa kpəɠiɛɛɠaa nu waa nwun mɛ̨ihaaɓa, di tɔɔ gɔ́ ŋą.


Ɉoabə ə pa ə nu kwɛni hvaaɓo Davidə ɓa. Israɛlə pɛlɛɛ gee ɓa, di kɛ a nu million dɔ̨nɔ̨ nu waa nwundɔ̨nɔ̨, diɛ pɛli ɓɔ́wa yalai daai, ɛlɛɛ, Ɉuda nu waa nwun nąąn, nu waa pow mɛ̨ihveelɛ, diɛi da pɛli ɓɔ́wa yalai daai.


Ɉuda nuą Israɛlə nuą, di kpulu hu kɛnɛ̨ɛ̨ kɛ yɛ gboloyá kwɛlɛ ɲɛ̨ą kɔ́w. Di kɔ̨nɔ̨n ə kɛ di yəi, da di kpələ lɔɔ, ɛlɛɛ, di ɓo di nɛ̨ɛ̨ hu.


Ɉoabə ə nu kwɛni hvaa ɓo tɔɔmun ma. Israɛlə nuą di kɛ a nu waa nwun mɛ̨ihaaɓa, diɛ pɛli ɓɔ́wa yalai daai. Ɉuda nuą di kɛ a nu waa nwun nɔɔli.


Ɛlɛɛ, ya pa, ka nąnni di hvo kɛ tɛɛ li nu pow mɛ̨ihveelɛ hu, ɓɛlɔwai di kɛi li la Eziptə lɔi hu; ya ka ŋɛ̨i Yai-Laa aa ka kpulu hu kɛnɛ̨, yɛ yələkɔlɔn ɉu pɛmɛ̨lɛ̨n-gɔwɠaa.


Gbɛɛ ɓə a pɛli Ɉakɔbə nwɔ muluun gbalai nonon ɉii? Da Israɛlə nwɔ nu kpului tii líi lɔ daną danąi? Yálá ə gɛ ŋį́ haa a dələnmo nuąi ŋɛ̨i haa pələ. Nwɔ́ yɛnɛ̨ɛ̨ laa kulɔi ə kɛ yɛ di wɛi.»


Ə́ huwu kaa pai tamąi yɛ muluun gbala. Ə́ huwu a ɓɛlɛ yɛnɛ̨ɛ̨ nąą kəlee. Yɛ́ ka ə́ huwu ka haalai ɓə, gáá pai lúwɔ́ tooi la yɛnɛ̨ɛ̨ nuą kəlee diɛ.


Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.


gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.


Gáá pai ə́ huwuhu ɓɛlɛi kpɔ kɛnɛ̨, hį́i tamąą kaa pai hɔlɔɓoi ə́ huwuhu tɔɔɓɛlaa diɛ kulɔ ɉu.


Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»


Gáá ə́ huwuhu ɓɛlɛi, nu lɔpee ta hva pɛli nonoi, yɛ pələi nu hva pɛli ɲɛ̨ąkɔw lonoi la lɔi ɓa.


«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.


Israɛlə lonnii kpɔ di di lonon, a bɛlɛ́ɠaa laa da gwəliɠaa laa, diɛi di kaa kwɛlan ə kɛ pow hveelɛ da yiiɠaa di wɛi tɛɛ kɛ ɉu, diɛ pɛli ɓɔwa kwɛaa yalai daa hu Israɛlə kɔlaɠa hu,


Ka powa kaa lɛɛi puuni nɔi pun ɉu ɓɛ, kaa kpɔ ŋɛ̨i di ka lono, ka káá kwɛlan ə həɠə pow hveelɛ ɓa, yɛ li la tɔwɔ pələ, kaai kpɔ hvaa ka nwun ɉu yɛ hvilɛn na mą́ą́,


Moisə ə pənə yɛ Yai-Laa ɓa: «Nu kpului ŋɛ̨i gáá di lɔwai, di kaa a nu waa nwun mɛ̨ida. Ya ɓə yá kɛ diɛ; ə́ kaa huwɔ tɛɛi di pɔ di mįi ɲąnin dɔ̨nɔ̨ yee mu!


Swiv nou:

Piblisite


Piblisite