Lonon mo 1:1 - Yálá laawoo hɛɓɛ (dc)

¹ Yai-Laa ə pələ ɓo Moisə ɓa Sinai nɔi pun ɉu, gee kaa kələ mu. Di kulaa Eziptə lɔi hu, gwɛlan veelɛ nwɔ ɲąnin veelɛnąą voló tɔlɔɔ li kɛ. Yɛ mą:

Yálá laawoo hɛɓɛ

¹ Yai-Laa ə pələ ɓo Moisə ɓa Sinai nɔi pun ɉu, gee kaa kələ mu. Di kulaa Eziptə lɔi hu, gwɛlan veelɛ nwɔ ɲąnin veelɛnąą voló tɔlɔɔ li kɛ. Yɛ mą:

Bible

¹ Yâwɛɛ è lòno Mose pɔ́ Ɣâla ŋɔsua kɔlɔ seɣe pɛrɛ maa waai mu Sana Yeei mâ vɛ̃ɛ-kpâlaŋ su. È kɛ̀ góraŋ veerɛi su ŋaloŋ veerɛi ŋɔɣele-kuui m̀aa-ŋuŋ díkulaa Ize lɔii su pôlu ma. È lòno bɔ́ ǹyɛɛi,

Lonon mo 1:1 Referans Kwoze

Lɛɛ gbɔwɔ ɓa 25:22

Nąą ɓə gu kaa pai kɛi gu kee kaai laa, ŋą́ kɛ gəhi laa kalan mɛ̨i, malaka hveelɛi tii mįnɛ̨ kəhi mɛ̨i di lɔwai. Mɛ̨nįɠaai gáá pai kɛi ə́ tí la, a Israɛlə lonnii mąą mɛ̨nį, gɛ́ di ɓo laa yɛ́.

Lɛɛ gbɔwɔ ɓa 19:1

Israɛlə lonnii kulaa Eziptə lɔi hu, ɲąnin ɉaaɓa tɛɛ pulu, di həli Sinai nɔi pun ɉu.

Lonon mo 9:1

Yai-Laa ə mɛ̨nį ɓo Moisə ɓa Sinai nɔi pun ɉu, ə kɛ tii di kulaa Eziptə lɔi hu, gwɛlan veelɛnąą nwɔɔ ɲąnin dɔlɔɔ hu li kɛ, yɛ mą:

Levetekɔ 27:34

Diɓoɠaai Yai-Laa ə dɛɛ Moisə pɔ Israɛlə lonnii mąą mɛ̨nį ɓa, Sinai Yee nwuɔ̨, diɛ ka tii.

Levetekɔ 1:1

Yai-Laa ə lɛɛ gee kaa kələ mu yɛ Moisə ɓa:

Lɛɛ gbɔwɔ ɓa 40:17

Gwɛlan veelɛnąą, ɲąnin nwɔ hvóló dɔlɔɔ yələ, di bɛlɛ́ tɔɔ.

Lɛɛ gbɔwɔ ɓa 40:2

«Ɲąnin dɔlɔɔ, nwɔ hvóló dɔlɔɔ yələ, ya bɛlɛ mąąhəɠɛɛ da gee kaa kələ di hvilɛn ɉi kulɔ.

Tɔɔɓɛlaa dɔlɔɔ 6:1

Ə həɠə Israɛlə nuą kulaa Eziptə lɔi hu ɓa, ə həli la Yálá hee pɛlɛ́ tɔɔi lɔwai ɓa, ə kɛ a kwɛlan nwun nąąn kwɛlan bow mɛ̨ihaaɓa. Gwɛlan tii ə kɛ a Salomɔn nwɔ tɔɔlaa gwɛlan nąąn nɔwai Israɛlə lɔi nwun na. Salomɔn ə bɛlɛ́ kóló kɔ́wɔ tɔɔ a ɲąnin ŋɛ̨i da kɛ mą: Ɉiwə yai a di wɔɔ kwɛlan ɲąnįn veelɛnąą, ɲąnįn tii hu ɓə Salomɔn ə Yálá hee pɛlɛ́ tɔɔ la.

Lonon mo 1:18

Di Israɛlə lonnii kəlee ɲąąkpɔn a ɲąnin veelɛnąą nwɔ hvóló tɔlɔɔ yələ, ɛlɛɛ, di Israɛlə lonnii hee a di kaa pələ, da di huwu, ɛlɛɛ, da bɛlɛ́ɠaa laa, a nuąi kpɔ di kaa kwɛlan ə kɛ pow hveelɛ, da yiiɠaai kɛ di wɛi laŋin ŋąą yili mɛ̨i, di laa pɛ̨ɛ̨ tɛitɛi.

Lɛɛ gbɔwɔ ɓa 19:2

Di həɠə Refidimə, diɛ li Sinai nɔi pun ɉu, Israɛlə lonnii di di wɔ ɓuwui pɛlɛ nɔi pun ɉu, ɲee tənən ma.

Lonon mo 12:4

Yai-Laa ə nɛɛ mą ə mo, Moisə, Aarɔn da Miriamə diɛ, yɛ diɛ: «'Ka nu haaɓai ka li gee kaa kəle laaləi.» Di nu haaɓai di nɛɛ mą di li.

Dutɛrɔnome 1:3

Israɛlə lonnii kulaa Eziptə lɔi hu, kwɛlan bow nąąn dɛɛ pulu, ɲąnin bow kɔ́w tɔ̨nɔ̨ nwɔ hvóló dɔlɔɔ yələ ɓə mɛ̨nįi Yai-Laa ə mo Moisə ɓa, yili ə naa həli la Israɛlə lonnii diɛ.

Dutɛrɔnome 2:7

Mąąhɔlɔɓo, Yai-Laa aa lúwɔ́ too yɛ́ ə́ kɛ mɛ̨nįɠaa kəlee hu. Ɉiɛi yáá gulɔ nɔi pun gɛnɛ̨i hu, gbaɠala kaa mą. Gwɛlan bow nąn ga, Yai-Laa ə wɔ Yálái kaa lɔ ə́ pɔ hɛn da mąąkpaan və ta hee li yɛ́.

Dutɛrɔnome 2:14

Ə həɠə Kadɛsə-Barnea ə həli la ɓɛlɔwai gu Ɉerɛdə yá teen na, gu lamun ɉiɛ hu a kwɛlan bow haaɓa gɔw mɛ̨ihaaɓa. Nuą kpɔ kɛ da pɛli kɔ́ kɔ́i, di kəlee di haa, yɛ bələi Yai-Laa ə mo la yɛ gwɛla ɉu.