Lomaŋ 8:34 - Yálá laawoo hɛɓɛ (dc)

³⁴ Gbɛɛ ɓə a pɛli di nwun na pili? Yaan, Jesus Kristə ə haa, ə pənə kpɔ nwɔ̨nɔ̨ ə nwun, gaa heeni Yálá ɓámįiyee hu pələ, yɛ Yálá hvɛli guɔ.

Yálá laawoo hɛɓɛ

³⁴ Gbɛɛ ɓə a pɛli di nwun na pili? Yaan, Jesus Kristə ə haa, ə pənə kpɔ nwɔ̨nɔ̨ ə nwun, gaa heeni Yálá ɓámįiyee hu pələ, yɛ Yálá hvɛli guɔ.

Bible

³⁴ gbɛ̂ɛ ƃa mɛni lɛ̂ɛ núu mai? Zîsɛ Kôrai ƃe nyíi sàa e ŋɔ́nɔ mu siɣe máŋ saa yêei, nyíi gáa seêni Ɣâla laa-mii-yee mɛi, nyíi a tɔ̂ɔ kúmɛni ma Ɣâla ŋɛi tuɛi?

Lomaŋ 8:34 Referans Kwoze

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

Lomaŋ 8:27

Ɛlɛɛ, nui nu kwəi mɛ̨nį kɔ́lɔn, mɛ̨nįi Kili-Mąąhəɠɛɛ kaa bɔ, ə gɔlɔn. Mɛ̨nįi Kili-Mąąhəɠɛɛ a ɉu hvɛli, nu mąąhəɠɛɛɠaa mąą mɛ̨nį ɓa, ya ɓə Yálá kaa bɔ.

Piɛrə dɔlɔɔ 3:22

yai tɛi ə mo yələkɔlɔn ɉu, ə hee Yálá ɓa-mįi-yee hu pələ, a yai, malakaɠaa, hééɓolaa kəlee da hvaŋą laa kəlee kaa ɲee mu.

Hebreu 9:24

Ɉəɠə pɛlɛ́i nu ə dɔɔ a ɲee ɓɛ lɔi mɛ̨i, yai gaa a neelee mąą nįnįn, mu hvəə Kristə ə lɔ laa, kɛlaa, ə lɔ kpɔ yələkɔlɔn ɉu leelee, əgɛ, yɛ pɛli tɔɔi Yálá liila gu mąą mɛ̨nį ɓa.

Lomaŋ 8:1

Yiihu kɛa, nuąi di kaa Jesus Kristə hu, nwun na pili hvo kɛa diɛ.

Markə 16:19

Jesus kpɛɛ kɛa a nwooɠaa tii ɓoɔ diɛ, ə muhəɠə ə tɛ yələi ə hee Yálá yee lɛlɛɛ mɛ̨i.

Kolosə 3:1

Yii kɛa ká Kristə ni káá nwun, 'ká yələi pələ mɛ̨nįɠaa mąąkiliŋąhiɛ kɛ, ɓɛi Kristə kaa laa heeni Yálá ɓa-mįi-yee hu;

Azaya 53:12

Yili ɓə gaa mą, gáá pai ɉeei nu kpulu lɔwai, da nu waa tamąą ɓə pai kɛi kɔ́ pulu hɛn ɲąąkwɛlɛi, mąąhɔlɔɓo, ə gili kulɔ gbɔwɔ hu, ə lɛɛ ɉu ə haa la, yɛ hvaa mą diɛ doo nɛ̨ŋɛn ɉəɠə nuą lɔwai, ə nu kpulu nwɔ hɔn ɲɔ̨n ɉee nwuɔ̨, ɛlɛɛ, yɛ nɛ̨ɛ̨mąą hvə nɛ̨ŋɛn gɛ nuą mąą mɛ̨nį ɓa.

Mąątɛ̨nɛ̨ 109:31

Mąąhɔlɔɓo aa tɔɔ mąąwɛlimun mamįiyee hu, yɛ gulɔ kítí ɲɔ̨nwɔ̨ɔ̨ tee nuą yəi.

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

Lomaŋ 14:9

Mąąhɔlɔɓo, Kristə kɛ mɛ̨nį a haa nuą, da yɛnɛ̨ɛ̨ nuą di Nąmu ɓə gɛ, yɛ haa la, yɛ pənə yɛ nwun.

Lomaŋ 4:25

Ya pa, gu wɔ mɔ̨nɔ̨ɠąąi ka tii ə ɉəɠə, ə haa, ə nwun gu mąąhəɠə mɛ̨nį ɓa.

Ɉeremi 50:20

Nąąlɔwai, ɲələ lee lee tii, di kaa pai kɛi di ɲɛ̨i laai a Israɛlə nwɔ túwɔ́ pələ ɲɔ̨n, di hva kɛa gaa, da Ɉuda nwɔ nɛ̨ŋɛ̨nŋaai, di hva kɛa di kaa; Mąąhɔlɔɓo, nuą gbəliɠai da lɛɛ yɛnɛ̨ɛ̨, ŋą di mąąhvaalɛɛ, Ɲą́ą́ Yai-Laa nwóó li!

Mąątɛ̨nɛ̨ 37:33

Kɛlaa, Yai-Laa hva nɛɛ laa hvo too di yee ŋą; a li kiti haɠa ɓa, hva nɛɛ laa di hvo giti kala mą.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Lomaŋ 14:13

Ka gu kpəla gu kee ni la ɓoɔ ɓa. Kəlee yaamun, yii mąąnɛ̨ɛ̨ gu gu kiliŋąhiɛ mą ya ɓa: Mąą hvo nɛ̨ɛ̨li gu túwɔ́ pələ hvo nu ta həɠə Yálá pələ mɛ̨i.

Ɉaan 16:23

«Mąą yələi tii, ka hvo kɛa pai mą́ą́nin kɛ mɛ̨nį lɔpee ta ɓa. A tɛ̨ą kpɔ-kpɔ gáá moi kaa, ka hɛn da hvɛli Ną́n ma náá hu, a dɛɛ ka pɔ.

Ɉaan 14:19

Ɉu hvo kɛa kwɛa li, yɛnɛ̨ɛ̨ nuą di hvo pai kɛa gáái, kɛlaa, ka wɛi, ka káá pai gáái mąąhɔlɔɓo, gáá a vúlú, kaa kpɛli ka káá pai kɛi a ka hulu.

Maafîu 20:28

Yili ɓə gaa mą, Nu lon ə pa, ə gɛ, ə kɛ a nuą di wɔ kólo kɛmun, ə gɛ ə gbɔwɔ kwɛlɛ nu kpulu kɛnɛ̨ nwun mąąɓo mɛ̨nį ɓa.»

Zôo 33:24

Malakai ti a ɲɛ̨i mąąwɛli kaa, yɛ kɛ Yálá ɓa: «Nui ŋɛ̨i mąąhvaalɛɛ, ə ɉəɠə gámą laaləi, Ŋą́ą́ mąąkpɔn mąą ɓo pələ hɔlɔbo.»

Zôo 34:29

Kɛlaa, Yálá a wala muhəɠə, gbɛɛ ɓə a pɛli hvaai bɔ? A ɲɛ̨ilai now, gbɛɛ ɓə a pɛli mɛ̨i həɠəi? Ya pa, a ɲɛ̨i pili lɔiɠaa mɛ̨i, da nu kanŋaa.

Azaya 50:8

Nui a mą́ą́ tɛ̨ą ɓo, aa lɛɠɛ kɛa mą́ą́! Gbɛɛ ɓə yɛ ə hvaa pɛlɛ mą́ą́? Ka gwəli kani mɛ̨nį ɓo haɠa ɓa, a gee! Gbɛɛ ɓə yɛ ə gála mą́ ɓo, giti pɛlɛ la? Mąą nu ə pa kani wɛ, ə gáá!

Gɛlaɠaa 2:24

Yálá ə́ gulɔ haa yəi, ə́ gɛ a vulú, ə gulɔ haa nwɔ mɔ̨nɔ̨ hu, mąąhɔlɔɓo, haa nwɔ huwalawalaa yee hva pɛli kɛ mą.

Lonon mo 7:15

nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn.